完整藏文原文 · 德格版页 当前仅加载第 41 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཕྱེ་བ་ཡང་རབ་ཏུ་མཁྱེན་ཏོ། །དབུགས་ཕྱི་ནང་དུ་རྒྱུ་བ་ཡང་རབ་ཏུ་མཁྱེན་ཏོ། །ཟས་ཀྱི་མཆོག་གི་ལོངས་སྤྱོད་ཀྱང་རབ་ཏུ་མཁྱེན་ཏོ། །སེམས་ཅན་ཐམས་ཅད་ཀྱི་འདས་པའི་རྣམ་པ་དང་། ཤི་འཕོ་བ་དང་། སྐྱེ་བ་ཡང་དེ་བཞིན་གཤེགས་པས་རབ་ཏུ་མཁྱེན་ཏོ། །
D56.041.0046a01.01དབང་པོ་ཐ་དད་པ་དང་། སྤྱོད་པ་ཐ་དད་པ་དང་། བསམ་པ་ཐ་དད་པའང་རབ་ཏུ་མཁྱེན་ཏོ། །སེམས་ཀྱི་རྒྱུད་ཀྱང་རབ་ཏུ་མཁྱེན་ཏོ། །སེམས་གང་གི་འོག་ཏུ་སེམས་གང་འབྱུང་བ་དེ་དག་ཐམས་ཅད་ཀྱང་བགྲང་བའི་ཚུལ་གྱིས་མངོན་སུམ་དུ་ཡེ་ཤེས་དང་། རྗེས་སུ་འགྲོ་བའི་ཡེ་ཤེས་ཀྱིས་རབ་ཏུ་
D56.041.0046a02.01མཁྱེན་ཏེ། དེ་བཞིན་གཤེགས་པ་ལ་འདས་པར་གཏོང་བའི་སེམས་ཀྱི་རྒྱུད་ཀྱང་མི་དམིགས་ཏེ། དེ་བཞིན་གཤེགས་པ་ནི་དེ་ལྟ་བུའི་ཡེ་ཤེས་དང་ལྡན་པས་སེམས་ཅན་གྱི་བསམ་པ་ལ་ཉམས་པ་མེད་པར་ཆོས་སྟོན་ཏེ། ཤཱ་རིའི་བུ་འདི་ནི་དེ་བཞིན་གཤེགས་པའི་སངས་རྒྱས་ཀྱི་ཆོས་མ་འདྲེས་
D56.041.0046a03.01པ་བཅུ་དྲུག་པའོ། །གཞན་ཡང་ཤཱ་རིའི་བུ་མ་འོངས་པའི་དུས་ལ་དེ་བཞིན་གཤེགས་པའི་མ་ཆགས་མ་ཐོགས་པའི་ཡེ་ཤེས་མཐོང་བ་འཇུག་གོ །མ་འོངས་པའི་དུས་ན་དེ་བཞིན་གཤེགས་པ་གང་དག་འབྱུང་བ་དང་། འགོག་པ་དང་། འབྱུང་བར་འགྱུར་བ་དང་། འབྱུང་བར་མི་འགྱུར་བ་ཐ་དད་པ་
D56.041.0046a04.01དེ་དག་ཀྱང་རབ་ཏུ་མཁྱེན་ཏོ། །བསྐལ་པ་མེས་ཚིག་པར་འགྱུར་བ་ཇི་སྙེད་པ་དང་། ཆུས་སྡུད་པར་འགྱུར་བ་ཇི་སྙེད་པ་དང་། རླུང་གིས་སྡུད་པར་འགྱུར་བ་ཇི་སྙེད་པ་དང་། སངས་རྒྱས་ཀྱི་ཞིང་གནས་པར་འགྱུར་བ་ཇི་སྙེད་པ་དང་། སངས་རྒྱས་ཀྱི་ཞིང་དེ་ན་སའི་ཁམས་ཇི་སྙེད་པ་དང་། རྡུལ་
D56.041.0046a05.01ཕྲ་རབ་ཇི་སྙེད་པ་དང་། རྩྭ་དང་། ཤིང་གེལ་པ་དང་། སྨན་དང་། ནགས་ཚལ་ཇི་སྙེད་འབྱུང་བར་འགྱུར་བ་དང་། སྐར་མའི་གཟུགས་ཇི་སྙེད་འབྱུང་བར་འགྱུར་བ་དང་། སངས་རྒྱས་ཀྱི་ཞིང་རབ་འབྱམ་རེ་རེ་ན་སངས་རྒྱས་བཅོམ་ལྡན་འདས་ཇི་སྙེད་འབྱུང་བར་འགྱུར་བ་དང་། རང་སངས་རྒྱས་
D56.041.0046a06.01ཇི་སྙེད་འབྱུང་བར་འགྱུར་བ་དང་། ཉན་ཐོས་ཇི་སྙེད་འབྱུང་བར་འགྱུར་བ་དང་། བྱང་ཆུབ་སེམས་དཔའ་ཇི་སྙེད་འབྱུང་བར་འགྱུར་བ་དང་། ཟས་ཀྱི་ལོངས་སྤྱོད་དང་། དབུགས་ཕྱི་ནང་དུ་རྒྱུ་བ་དང་། འཆག་པ་དང་། འདུག་པ་དང་། སྤྱོད་ལམ་ཇི་སྙེད་འབྱུང་བར་འགྱུར་བ་དང་། དེ་བཞིན་
D56.041.0046a07.01