完整藏文原文 · 德格版页 当前仅加载第 41 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཅུ་རྩ་གཉིས་མཚན་མངའ་བ། །རྐང་གཉིས་དམ་པར་གྱུར་པར་ཤོག །སྟོབས་བཅུ་རྣམས་དང་ལྡན་གྱུར་ཅིང་། །མི་འཇིགས་པ་ལ་རབ་གནས་པ། །དེ་བཞིན་གཤེགས་པ་ཅི་འདྲ་བར། །དེ་འདྲ་བར་ནི་འགྱུར་བར་ཤོག །ཁྱོད་ཀྱིས་ཆོས་གང་མཁྱེན་པ་དང་། །གང་ལ་བཞུགས་
D56.041.0124b01.01པར་ལྷང་ངེ་བར། །བྱང་ཆུབ་དམ་པ་སངས་རྒྱས་ནས། །བདག་ནི་ཆོས་དེ་སྟོན་པར་ཤོག །བདག་ནི་གཟུགས་རྣམས་མངོན་པར་ཚོལ་བའི་ཕྱིར། །སངས་རྒྱས་ན་བཟའ་མཆོག་འབུལ་མ་ལགས། །ལྷར་བཅས་འཇིག་རྟེན་རྣམས་ལ་ཕན་པའི་ཕྱིར། །བྱང་ཆུབ་མཆོག་གི་ཞི་བ་
D56.041.0124b02.01མངོན་པར་ཚོལ། །གཉིས་སུ་མེད་པའི་ཆོས་མཆོག་དེར་གནས་ཤིང་། །ཕ་རོལ་རྒོལ་བ་ཀུན་གྱིས་མི་གཡོས་པ། །ཆོས་དེ་ཉིད་ནི་མངོན་པར་འཚལ་བའི་ཕྱིར། །སངས་རྒྱས་ལ་ནི་ན་བཟའ་མཆོག་འབུལ་ལོ། །ལྷར་བཅས་འཇིག་རྟེན་དག་ལ་སྨན་པའི་ཕྱིར། །གང་ན་སྐྱེ་རྒ་ན་
D56.041.0124b03.01འཆི་མ་མཆིས་ཤིང་། །མྱ་ངན་དང་ནི་སྨྲེ་སྔགས་མ་མཆིས་པ། །ཞི་བའི་ཆོས་དེ་བདག་ནི་སྟོན་པར་ཤོག །གང་ན་འདོད་ཆགས་ཞེ་སྡང་མ་མཆིས་ཤིང་། །གཏི་མུག་མ་མཆིས་སྲེད་པ་མ་མཆིས་པ། །བསིལ་དངོས་བདུད་རྩི་འདུས་མ་བགྱིས་པ་དེ། །བདག་ནི་བྱང་ཆུབ་སངས་རྒྱས་
D56.041.0124b04.01སྟོན་པར་ཤོག །གང་ལ་ཁྱོད་བཞུགས་སེམས་ཅན་ལྷ་ཀླུ་དང་། །དེ་བཞིན་མི་དང་སེམས་མེད་དངོས་པོ་དང་། །དེ་ལྟར་སེམས་དང་ལྡན་པ་རབ་འདུད་པ། །བདག་ནི་ཞི་བའི་ཆོས་དེ་སྟོན་པར་ཤོག །གར་གནས་སངས་རྒྱས་ཞིང་དུ་སྣང་བ་དང་། །ཕྱོགས་བཞི་དག་ན་ཀུན་དུ་སྣང་བ་
D56.041.0124b05.01དང་། །མུན་པ་ཆེན་པོར་འོད་ཟེར་ཕུང་ལྟ་བུའི། །བསིལ་དངོས་བདུད་རྩི་དེ་ལ་རེག་པར་ཤོག །འདོད་པའི་ཁམས་དང་གཟུགས་ཀྱི་ཁམས་དག་དང་། །དེ་བཞིན་གཟུགས་མེད་ཁམས་ལ་རྟག་མི་གནས། །དགའ་དང་མི་དགའ་ཐམས་ཅད་རབ་དབེན་པའི། །ཆོས་ཀྱི་དམ་པ་དེ་ནི་
D56.041.0124b06.01བདག་སྟོན་ཤོག །ཤཱ་རིའི་བུ་དེ་ནས་ཁྱེའུ་སྡོམ་པ་ལ་གནས་པས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་འཕགས་པ་དེ་ལ་ཤིང་ལྷམ་སར་པ་ཟུང་ཅིག་ཕུལ་ལོ། །ཕུལ་ནས་ཀྱང་ཚིགས་སུ་བཅད་པ་འདི་དག་གསོལ་ཏོ། །
D56.041.0124b07.01