完整藏文原文 · 德格版页 当前仅加载第 41 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
གང་སེམས་ཀྱི་འཇུག་པ་དང་གནས་པའོ། །དེ་ལ་སེམས་ཀྱི་འཇུག་པ་གང་ཞེ་ན། གང་བྱང་ཆུབ་ལ་རྩོལ་བའོ། །དེ་ལ་སེམས་ཀྱི་གནས་པ་གང་ཞེ་ན། གང་བྱང་ཆུབ་ཀྱི་སེམས་ཉེ་བར་མ་ཞི་བའོ། །དེ་ལ་འཇུག་པ་གང་ཞེ་ན། གང་སེམས་ཅན་ཐམས་ཅད་ལ་སྙིང་རྗེ་ཆེ་བའོ། །
D56.041.0118b01.01དེ་ལ་གནས་པ་གང་ཞེ་ན། གང་བདག་མེད་པ་ལ་བཟོད་པའོ། །དེ་ལ་འཇུག་པ་གང་ཞེ་ན། གང་སེམས་ཅན་ཐམས་ཅད་སྡུད་པའོ། །དེ་ལ་གནས་པ་གང་ཞེ་ན། གང་སེམས་ཅན་ཐམས་ཅད་ལ་ཕན་འདོགས་པའོ། །འཇུག་པ་ནི་འཁོར་བས་ཡོངས་སུ་མི་སྐྱོའོ། །གནས་པ་ནི་
D56.041.0118b02.01ཁམས་གསུམ་མི་དམིགས་པའོ། །འཇུག་པ་ནི་ནོར་ཐམས་ཅད་ཡོངས་སུ་གཏོང་བའོ། །གནས་པ་ནི་སྦྱིན་པ་མི་སྙེམས་པའོ། །འཇུག་པ་ནི་ཚུལ་ཁྲིམས་ཡང་དག་པར་འཛིན་པའོ། །གནས་པ་ནི་ཚུལ་ཁྲིམས་མི་སྙེམས་པའོ། །འཇུག་པ་ནི་བཟོད་པས་སྡུག་བསྔལ་བཟོད་པའོ། །
D56.041.0118b03.01གནས་པ་ནི་སེམས་མི་འཁྲུག་པའོ། །འཇུག་པ་ནི་དགེ་བའི་རྩ་བའི་ཆོས་ཐམས་ཅད་རྩོམ་པའོ། །གནས་པ་ནི་སེམས་རབ་ཏུ་དབེན་པའོ། །འཇུག་པ་ནི་བསམ་གཏན་སྒྲུབ་པའོ། །གནས་པ་ནི་སེམས་ངེས་པར་རྟོག་པའོ། །འཇུག་པ་ནི་ཐོས་པས་མི་ངོམས་པའོ། །གནས་པ་
D56.041.0118b04.01ནི་ཚུལ་བཞིན་རབ་ཏུ་སྦྱོར་བའོ། །འཇུག་པ་ནི་ཐོས་པ་སྟོན་པའོ། །གནས་པ་ནི་བརྗོད་དུ་མེད་པའི་ཆོས་ཉིད་དོ། །འཇུག་པ་ནི་ཡེ་ཤེས་ཀྱི་ཚོགས་ཡོངས་སུ་ཚོལ་བའོ། །གནས་པ་ནི་སྤྲོས་པ་ཐམས་ཅད་ཡང་དག་པར་གཅོད་པའོ། །འཇུག་པ་ནི་ཚངས་པའི་གནས་སོགས་
D56.041.0118b05.01པའོ། །གནས་པ་ནི་ཡང་དག་པའི་ཡེ་ཤེས་ཀྱི་བཏང་སྙོམས་སོ། །འཇུག་པ་ནི་མངོན་པར་ཤེས་པ་ལྔ་ཡོངས་སུ་རྫོགས་པའོ། །གནས་པ་ནི་ཟག་པ་ཟད་པ་ཡོངས་སུ་འདྲིས་པར་བྱེད་པའོ། །འཇུག་པ་ནི་དྲན་པ་ཉེ་བར་གཞག་པ་སྒོམ་པའོ། །གནས་པ་ནི་དྲན་པ་མེད་པ་
D56.041.0118b06.01དང་། ཡིད་ལ་བྱེད་པ་མེད་པའོ། །འཇུག་པ་ནི་ཡང་དག་པར་སྤོང་བ་ལ་རབ་ཏུ་སྦྱོར་བའོ། །གནས་པ་ནི་དགེ་བ་དང་མི་དགེ་བ་དང་བྲལ་བའོ། །འཇུག་པ་ནི་རྫུ་འཕྲུལ་གྱི་རྐང་པ་མངོན་པར་སྒྲུབ་པའོ། །གནས་པ་ནི་ལྷུན་གྱིས་གྲུབ་པས་བྱ་བ་འཇུག་པའོ། །འཇུག་པ་ནི་དབང་
D56.041.0118b07.01