完整藏文原文 · 德格版页 当前仅加载第 41 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་ཏེ། །སྤྲོས་པ་ཐམས་ཅད་ཀྱི་ཡང་རྒྱུ་བ་མེད། །ནམ་མཁའ་ལྟ་བུར་མཉམ་པ་ཉིད་དུ་གནས། །དེ་ནི་རྒྱལ་བ་རྣམས་ཀྱི་མ་འདྲེས་ཆོས། །འདས་པའི་དུས་ལ་དེ་ཡི་ཡེ་ཤེས་ཞུགས། །འགྲོ་བ་སྣ་ཚོགས་རྣམ་འབྱེད་ཤེས་པ་ཡི། །ཆོས་རྣམས་ཀུན་ལ་སྒྲིབ་པ་མེད་
D56.041.0048b01.01པར་འཇུག །དེ་ནི་རྒྱལ་བ་རྣམས་ཀྱི་མ་འདྲེས་ཆོས། །མ་འོངས་དུས་ན་གང་དག་འཇིག་རྟེན་དུ། །འབྱུང་བར་འགྱུར་དང་འབྱུང་བར་མི་འགྱུར་དང་། །སེམས་ཅན་ཞིང་དང་རྒྱལ་བ་བཤད་པ་དང་། །དེ་དག་ཐམས་ཅད་སངས་རྒྱས་མ་ལུས་མཁྱེན། །མ་འོངས་དེ་ལ་རྗེས་སུ་
D56.041.0048b02.01རབ་ལྟ་ཞིང་། །དེ་བཞིན་སེམས་ཅན་རྣམས་ཀྱི་ཆོས་ཀྱང་མཁྱེན། །དེ་ཡི་སེམས་ནི་གཡེང་བར་མི་འགྱུར་ཏེ། །དེ་ནི་རྒྱལ་བ་རྣམས་ཀྱི་མ་འདྲེས་ཆོས། །ད་ལྟར་ལམ་གང་འཇུག་པར་འགྱུར་བ་དག །ཐམས་ཅད་རྒྱལ་བས་ཆགས་མེད་རབ་ཏུ་མཁྱེན། །འདྲེན་པའི་སྤྱོད་ཡུལ་ནམ་
D56.041.0048b03.01མཁའ་ལྟ་བུ་སྟེ། །དེ་ནི་རྒྱལ་བ་རྣམས་ཀྱི་མ་འདྲེས་ཆོས། །དེ་བཞིན་གཤེགས་པའི་ཆོས་ནི་མ་འདྲེས་པ། །{བཅྭ་,བཅོ་}བརྒྱད་གསུངས་པ་བསམ་གྱིས་མི་ཁྱབ་སྟེ། །དེ་བཞིན་གཤེགས་པ་ནམ་མཁའ་འདྲ་བར་ནི། །དད་མཁས་བྱང་ཆུབ་སེམས་དཔའ་དད་པར་བྱེད། །ཤཱ་རིའི་བུ་འདི་དག་ནི་སངས་
D56.041.0048b04.01རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་དེ། སངས་རྒྱས་ཀྱི་ཆོས་མ་འདྲེས་པ་དེ་དག་དང་ལྡན་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཁོར་གྱི་ནང་དུ་གཤེགས་ན་སེང་གེའི་སྒྲ་ཡང་དག་པར་སྒྲོག་ཅིང་ཁྱུ་མཆོག་གི་གནས་སུ་ཞལ་གྱིས་འཆེ་སྟེ། དགེ་སྦྱོང་
D56.041.0048b05.01ངམ། བྲམ་ཟེ་འམ། ལྷ་འམ། བདུད་དམ། སུས་ཀྱང་འཇིག་རྟེན་དུ་ཆོས་དང་འཐུན་པར་མ་བསྐོར་བའི་ཚངས་པའི་འཁོར་ལོ་རབ་ཏུ་བསྐོར་ཏོ། །ཤཱ་རིའི་བུ་དེ་ལྟར་དད་པ་ལ་གནས་པའི་བྱང་ཆུབ་སེམས་དཔའ་ནི་བསམ་གྱིས་མི་ཁྱབ་པ་འདི་བཅུས་དེ་བཞིན་གཤེགས་པ་ལ་མངོན་པར་དད། ཡིད་
D56.041.0048b06.01ཆེས། རབ་ཏུ་རྟོག །སོམ་ཉི་མི་བྱེད། ཐེ་ཚོམ་མི་ཟ། རྒྱ་ཆེར་དགའ་མགུ་སྟེ། རངས་པ་རྙེད་ཅིང་། ངོ་མཚར་དང་། རྨད་དུ་འདུ་ཤེས་སྐྱེད་དོ། །དེ་བཞིན་གཤེགས་པའི་བསམ་གྱིས་མི་ཁྱབ་པའི་ལེའུ་སྟེ་བཞི་པའོ།། །།བམ་པོ་བརྒྱད་པ། གཞན་ཡང་ཤཱ་རིའི་བུ་དེ་ལྟར་
D56.041.0048b07.01