完整藏文原文 · 德格版页 当前仅加载第 41 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་ཆེན་པོ་དག་གི་དོན་དང་། སངས་རྒྱས་ཀྱི་ཡེ་ཤེས་བསམ་གྱིས་མི་ཁྱབ་ཅིང་མཚུངས་པ་མེད་པ་ཡོངས་སུ་བསྒྲུབ་པའི་ཕྱིར་བ་དག་གཡོག་དང་བཅས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ག་ལ་བ་དེར་སོང་སྟེ། བླ་ན་མེད་པ་ཡང་དག་པར་
D56.041.0201b01.01རྫོགས་པའི་བྱང་ཆུབ་ཏུ་དགེ་བའི་རྩ་བ་སྐྱེད་པར་བྱེད་པ་མི་ཤེས་པ་སྟེ། གལ་ཏེ་ཁྱེད་སངས་རྒྱས་ཀྱི་ཆོས་རྒྱ་ཆེན་པོ་དག་ཡོངས་སུ་བསྒྲུབ་པར་འདོད་ན་ཚུར་ཤོག་འདོང་ངོ་། །བཅོམ་ལྡན་འདས་དེའི་གན་དུ་འདོང་སྟེ། སངས་རྒྱས་ཀྱི་ཆོས་རྒྱ་ཆེ་བ་རྒྱ་ཆེ་བ་དག་གི་དོན་གྱི་ཕྱིར་དགེ་བའི་རྩ་བ་བསྐྱེད་
D56.041.0201b02.01པར་བྱའོ། །དེ་ལྟར་རྒྱལ་པོའི་ཁབ་ཀྱི་མི་རྣམས་མིས་བྱིན་གྱི་ཚིག་དེ་ཐོས་ནས་སྲོག་ཆགས་ཁྲི་ཕྱི་བཞིན་དུ་འབྲང་བར་གྱུར་ཏོ། །དེ་ནས་ཚོང་དཔོན་གྱི་བུ་མིས་བྱིན་ཆུང་མ་བདུན་དང་། ཁྱེའུ་བདུན་དང་། བུ་མོ་བདུན་དང་། བྲན་ཕོ་བདུན་དང་། བྲན་མོ་བདུན་དང་། ལྷན་ཅིག་ཏུ་རས་བཅོས་བུ་
D56.041.0201b03.01ཟུང་སྟོང་ཐོགས་ནས་སྲོག་ཆགས་སྟོང་ཕྲག་བཅུ་པོ་དེ་དག་དང་། རོལ་མོ་མཁན་ལྔ་བརྒྱ་ཙམ་པོ་དེ་དག་དང་ལྷན་ཅིག་ཏུ་མེ་ཏོག་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་དང་། རྔ་དང་། རོལ་མོ་སིལ་སྙན་དཀྲོལ་ཏེ།
D56.041.0201b04.01བཅོམ་ལྡན་འདས་ལ་མཆོད་པ་བྱས་ནས་རས་བཅོས་བུ་ཟུང་སྟོང་པོ་དེ་དག་བཅོམ་ལྡན་འདས་ཀྱི་སྐུ་ལ་གསོལ་ནས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སེམས་ཅན་དམ་པ་མི་མཆོག་གང་ལགས་པ། །བྱང་ཆུབ་མཆོག་ཏུ་རྣམ་པར་དག་པར་སྤྱོད། །མཐའ་ཡས་གཟིགས་པ་རྐང་གཉིས་རྣམས་
D56.041.0201b05.01ཀྱི་མཆོག །དེ་ལ་དེ་རིང་བདག་ནི་མཆོད་པར་བགྱི། །གང་ཞིག་སྔོན་གྱི་བསྐལ་བ་མང་པོར་སྤྱད། །སྲོག་ཆགས་རྣམས་ལ་ཕན་ཕྱིར་བྱང་ཆུབ་བཙལ། །རྫོགས་པའི་སངས་རྒྱས་ཆོས་ཀྱི་དབང་མཆོག་བརྙེས། །དེ་ལ་དེ་རིང་བདག་གིས་མཆོད་པར་བགྱི། །བུ་དང་བྲན་བཅས་ཉེ་དུའི་ཚོགས་དང་བཅས། །
D56.041.0201b06.01སྲོག་ཆགས་རྣམས་ལ་ཕན་ཕྱིར་བྱང་ཆུབ་ཚོལ། །སྲོག་ཆགས་སྟོང་པོ་འདི་དང་ལྷན་ཅིག་ཏུ། །སངས་རྒྱས་དང་ནི་ཚོགས་ལ་སྐྱབས་སུ་མཆི། །དེ་ནས་ཚོང་དཔོན་གྱི་བུ་མིས་བྱིན་གྱིས་བཅོམ་ལྡན་འདས་ལ་ཚིགས་སུ་བཅད་པ་དེ་དག་གིས་མངོན་པར་བསྟོད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D56.041.0201b07.01