完整藏文原文 · 德格版页 当前仅加载第 41 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སྐྱེས་པ་ན། གང་བདག་གི་ཕ་མར་གྱུར་པ་དེ་དག་བདག་གིས་བྱང་ཆུབ་ལ་དགོད་དོ། །ཡང་གཉིས་སུ་ན་དེ་དག་བུད་མེད་ཀྱི་དངོས་པོར་མངོན་པར་མ་གྲུབ་ཅིག་ཅེས་བྱས་པས་དེ་དག་ད་ལྟར་ཁྱེའུ་དེའི་རྗེས་སུ་སློབ་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་
D56.041.0115a01.01པའི་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་གཟིགས་ཀྱིས་ཞབས་འབྲིང་བ་དགེ་སློང་དེ་ལ་ཚིགས་སུ་བཅད་པ་འདི་དག་གསུངས་སོ། །དགེ་སློང་ཁྱོད་ཀྱི་མདུན་ན་ཁྱེའུ་འདི་དང་། །སྲོག་ཆགས་སྟོང་གནས་མཆོག་ཏུ་དགའ་
D56.041.0115a02.01སེམས་ཀྱིས། །ཇི་ལྟར་ཆོས་ཀྱི་བདག་པོ་འདི་བཞིན་དུ། །གྱུར་ཅིག་ཅེས་སྨྲ་ཁྱོད་ཀྱིས་མཐོང་བ་སྟེ། །དགེ་སློང་འདིས་ནི་སྔོན་གྱི་ཚེ་རབས་ལ། །ལྷར་བཅས་འཇིག་རྟེན་དག་ལ་ཕན་པའི་ཕྱིར། །འཇིག་རྟེན་རྣམ་འདྲེན་བྱེ་བ་ཁྲག་ཁྲིག་ཀྱང་། །སྟོང་ཕྲག་དྲུག་ཅུ་བཞི་ལ་
D56.041.0115a03.01རི་མོར་བྱས། །བྱང་ཆུབ་མཆོག་འདི་ལ་ནི་རེ་བའི་ཕྱིར། །དེ་ནི་སངས་རྒྱས་ཁྲག་ཁྲིག་ཕྲག་བཅུ་ཡིས། །བསྟན་པ་ལ་ནི་ཆེད་དུ་རབ་བྱུང་ནས། །དེ་ན་ཚངས་པར་སྤྱོད་པ་མཆོག་སྤྱད་དོ། །ཁྱོད་ཀྱིས་སྲོག་ཆགས་སྟོང་ཕྲག་བརྒྱད་ཅུ་བཞི། །ང་མདུན་འདུག་པ་དེ་དག་
D56.041.0115a04.01ཀུན་མཐོང་ངམ། །དེ་དག་སྔོན་ཆད་འདས་དུས་ཡངས་པ་ན། དེ་ཡི་མར་ནི་གྱུར་པ་ཤ་སྟག་གོ །གང་དང་གར་སྐྱེས་ང་ཡི་མར་གྱུར་པ། །ཐམས་ཅད་བདག་གིས་བྱང་ཆུབ་མཆོག་ལ་བཀོད། །ཅི་ནས་བུད་མེད་དངོས་པོར་མ་གྱུར་ཞེས། །དེས་ནི་སྨོན་ལམ་འདི་འདྲ་བཏབ་
D56.041.0115a05.01པར་གྱུར། །དེ་དག་ཐམས་ཅད་དེ་ཡི་རྗེས་སློབ་ཅིང་། །བྱང་ཆུབ་ཀྱི་ནི་སེམས་ལ་གཞོལ་བར་གྱུར། །འདི་དག་རྐང་གཉིས་ཀྱི་ནི་མཆོག་འགྱུར་ཞེས། །དེ་དག་ལ་ནི་ངས་ལུང་བསྟན་པར་བྱ། །མ་འོངས་དུས་ན་ཇི་ལྟར་སྤྱོད་འགྱུར་ཞིང་། །མི་མཆོག་ཏུ་ནི་ཇི་ལྟར་འགྱུར་བ་དང་། །
D56.041.0115a06.01དེ་དག་སྔོན་གྱི་སྤྱོད་པ་རབ་ཤེས་ཏེ། །དེ་ཡི་ཕྱིར་ནི་འཛུམ་པ་ངས་མཛད་དོ། །དེ་སྐད་ལུང་བསྟན་པ་ནི་ཐོས་གྱུར་ནས། །རྣམ་པར་གཟིགས་པ་འཇིག་རྟེན་སྤྱོད་པ་ལ། །ལྷ་དང་ཀླུ་དང་དེ་བཞིན་མི་རྣམས་དང་། །སྲོག་ཆགས་བྱེ་བ་རྣམས་ནི་དགའ་བར་འགྱུར། །ཤ་རིའི་བུ་དེ་ནས་
D56.041.0115a07.01