完整藏文原文 · 德格版页 当前仅加载第 41 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
པ་འདི་དང་། ཚུལ་བཞིན་དུ་འཇུག་པ་འདི་དང་། ཚུལ་བཞིན་མཐོང་བ་འདི་དང་། ཇི་ལྟ་བ་བཞིན་དུ་མཐོང་བའི་རྒྱུ་འཐུན་པ་འདི་དང་། འདི་དག་ནི་ཤེས་རབ་ཅེས་བྱ་སྟེ། ཤཱ་རིའི་བུ་དེ་ལྟར་ན་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །ཤཱ་རིའི་བུ་གཞན་ཡང་བྱང་ཆུབ་སེམས་
D56.041.0164b01.01དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདུས་བྱས་ལ་སྤྱོད་པའི་ཆོས་ཐམས་ཅད་ལ་ཤེས་རབ་ཀྱིས་གནས་པ་ཡིན་ཏེ། འདི་ལྟ་སྟེ་མ་རིག་པ་དང་ལྷན་ཅིག་ཏུ་མི་གནས། འདུ་བྱེད་རྣམས་དང་ལྷན་ཅིག་ཏུ་མི་གནས་པ་ནས་རྒྱས་པར་བྱ་སྟེ། རྒ་ཤིའི་བར་དང་ལྷན་ཅིག་ཏུ་མི་གནས། བདག་ཏུ་
D56.041.0164b02.01ལྟ་བ་དང་ལྷན་ཅིག་ཏུ་མི་གནས་པ་ནས་བདག་ཏུ་ལྟ་བའི་རྩ་བ་ལས་བྱུང་བའི་ལྟ་བར་གྱུར་པ་དྲུག་ཅུ་རྩ་གཉིས་དང་ལྷན་ཅིག་ཏུ་མི་གནས། མཐོ་བར་སེམས་པ་དང་ལྷན་ཅིག་ཏུ་མི་གནས། དམའ་བར་སེམས་པ་དང་ལྷན་ཅིག་ཏུ་མི་གནས། འཇིག་རྟེན་གྱི་ཆོས་བརྒྱད་རྣམས་དང་ལྷན་ཅིག་ཏུ་མི་
D56.041.0164b03.01གནས། ང་རྒྱལ་དང་། ཆེ་བའི་ང་རྒྱལ་དང་། ལོག་པའི་ང་རྒྱལ་ནས་ཉེ་བའི་ཉོན་མོངས་པ་ཉི་ཤུའི་བར་དང་ལྷན་ཅིག་ཏུ་མི་གནས། ཆེན་པོ་དང་། འབྲིང་པོ་དང་། ཕྲ་མོ་ནས་ཉོན་མོངས་པ་ཐམས་ཅད་ཀྱི་བར་དང་ལྷན་ཅིག་ཏུ་མི་གནས། གཏི་མུག་གི་མུན་པ་རབ་རིབ་ཀྱི་ལིང་ཏོག་སྒྲིབ་པ་དང་།
D56.041.0164b04.01ཆོད་པར་བྱེད་པ་ཀུན་ཏུ་དཀྲིས་ཏེ་འདུག་པ་ནས། དམའ་བའི་ཆོས་ཐམས་ཅད་ཀྱི་བར་དང་ལྷན་ཅིག་ཏུ་མི་གནས། རྩོད་པའི་རྙོག་པ་དང་། ཉོན་མོངས་པ་དང་། ཕུང་པོ་དང་། ལྷའི་བུ་དང་། འཆི་བདག་གི་བདུད་ནས་བདུད་ཐམས་ཅད་ཀྱི་ལས་ཀྱི་བར་དང་ལྷན་ཅིག་ཏུ་མི་གནས། བདག་དང་སེམས་
D56.041.0164b05.01ཅན་དང་། སྲོག་དང་གསོ་བ་དང་། གང་ཟག་དང་། ཤེད་བུ་དང་། ཤེད་ལས་སྐྱེས་པ་ནས་བདག་ཏུ་ལྟ་བ་ཐམས་ཅད་ཀྱི་བར་དང་ལྷན་ཅིག་ཏུ་མི་གནས། ལས་ཀྱི་སྒྲིབ་པ་དང་། ཉོན་མོངས་པའི་སྒྲིབ་པ་དང་། ཆོས་ཀྱི་སྒྲིབ་པ་དང་། ལྟ་བའི་སྒྲིབ་པ་དང་། རྣམ་པར་སྨིན་པའི་སྒྲིབ་པ་དང་། མི་ཤེས་
D56.041.0164b06.01པའི་སྒྲིབ་པ་ནས་བག་ཆགས་ཀྱི་མཚམས་སྦྱོར་བ་ཐམས་ཅད་ཀྱི་བར་དང་ལྷན་ཅིག་ཏུ་མི་གནས། ཀུན་ཏུ་རྟོག་པ་དང་། རྣམ་པར་རྟོག་པ་དང་མཚན་མ་དང་། དམིགས་པ་དང་། མཐོང་བ་དང་། ཐོས་པ་དང་། དྲན་པ་དང་། རྣམ་པར་རིག་པ་དང་། མདུད་པའི་སྒྲོ་འདོགས་པ་ཐམས་ཅད་དང་ལྷན་ཅིག་ཏུ་
D56.041.0164b07.01