完整藏文原文 · 德格版页 当前仅加载第 41 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་ནམས་བྱ་བའི་དངོས་པོ་དང་། སེམས་ཅན་བྱང་ཆུབ་ཏུ་སེམས་མ་བསྐྱེད་པ་རྣམས་བྱང་ཆུབ་ཏུ་སེམས་བསྐྱེད་པ་དང་། བྱང་ཆུབ་ཏུ་སེམས་བསྐྱེད་པ་རྣམས་ལ་ཕ་རོལ་ཏུ་ཕྱིན་པའི་ལམ་སྟོན་པ་དང་། དབུལ་པོ་རྣམས་ལ་ལོངས་སྤྱོད་ཀྱིས་སྡུད་པ་དང་། ནད་པ་
D56.041.0174a01.01རྣམས་ལ་སྨན་སྦྱིན་པ་དང་། གུས་པར་བསྙེན་བཀུར་བྱེད་པ་དང་། མཐུ་ཆུང་བ་རྣམས་ལ་བཟོད་ཅིང་དང་དུ་ལེན་པ་དང་། ལྟུང་བ་རྣམས་མི་འཆབ་པ་དང་། སྡིག་པ་འཆགས་པ་དང་། སངས་རྒྱས་བཅོམ་ལྡན་འདས་རྣམས་བཞུགས་པ་དང་། ཡོངས་སུ་མྱ་ངན་ལས་འདས་པ་རྣམས་ལ་
D56.041.0174a02.01བསྙེན་བཀུར་དང་། རི་མོ་ཐམས་ཅད་བྱེད་པ་དང་། སློབ་དཔོན་དང་མཁན་པོ་རྣམས་ལ་སྟོན་པ་བཞིན་དུ་རི་མོ་བྱེད་པ་དང་། ཆོས་ལ་རིན་པོ་ཆེ་རིན་ཐང་མེད་པ་བཞིན་དུ་ཡོངས་སུ་ཚོལ་བའི་བརྩོན་འགྲུས་དང་། ཆོས་སྨྲ་བ་ལ་དགའ་ཞིང་དཔག་ཚད་བརྒྱར་ཡང་སོང་སྟེ། ཆོས་ཉན་པས་ཆོག་མི་
D56.041.0174a03.01ཤེས་པ་དང་། ཟང་ཟིང་མེད་པར་ཆོས་འཆད་པ་དང་། ཕ་དང་མ་ལ་རིམ་གྲོ་བྱེད་པ་དང་། བྱས་པ་གཟོ་བ་དང་། བྱས་པ་ཤེས་པ་དང་། འགྱོད་པ་མེད་པ་དང་། བསོད་ནམས་བསགས་པས་ཆོ་ག་མི་ཤེས་པ་དང་། ལུས་བསྡམས་ཤིང་ཚུལ་འཆོས་པ་མེད་པ་དང་། ངག་བསྡམས་པའི་
D56.041.0174a04.01ངག་ལ་ཚུལ་འཆོས་པ་མེད་པ་དང་། ཡིད་བསྡམས་པའི་ཡིད་ལ་ཚུལ་འཆོས་པ་མེད་པ་དང་། དེ་བཞིན་གཤེགས་པའི་མཆོད་རྟེན་བཙུགས་པའི་ཕྱིར་ཚངས་པའི་བསོད་ནམས་ཡོངས་སུ་འཛིན་པ་དང་། མཆོད་སྦྱིན་གཏན་པ་མེད་པ་བསགས་པས་མཚན་ཡོངས་སུ་རྫོགས་པ་དང་།
D56.041.0174a05.01དགེ་བའི་རྩ་བའི་ཚོགས་སྣ་ཚོགས་བསགས་པས་དཔེ་བྱད་བཟང་པོ་ཡོངས་སུ་རྫོགས་པ་དང་། ང་རྒྱལ་མེད་པས་ལུས་བརྒྱན་པ་དང་། ངག་གི་ཉེས་པ་ཐམས་ཅད་སྤངས་པས་ངག་བརྒྱན་པ་དང་། བློ་ཐོགས་པ་མེད་པས་སེམས་བརྒྱན་པ་དང་། མངོན་པར་ཤེས་པ་སྤྲུལ་པས་སངས་
D56.041.0174a06.01རྒྱས་ཀྱི་ཞིང་གི་རྒྱན་དང་། ཡེ་ཤེས་ཡོངས་སུ་དག་པས་ཆོས་ཀྱི་མཚན་ཉིད་ཀྱི་རྒྱན་དང་། ཕྲ་མ་དང་། ཞེ་གཅོད་པ་དང་། དབྱེ་བའི་ཚིག་ཡོངས་སུ་སྤངས་པས་འཁོར་མང་པོའི་རྒྱན་དང་། ཆོས་འཛིན་པས་འདོད་ཆགས་མེད་པའི་ཆོས་ཀྱི་རྒྱན་དང་། རབ་ཏུ་དགའ་ནས་ལེགས་སོ། །
D56.041.0174a07.01