完整藏文原文 · 德格版页 当前仅加载第 41 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུས་ཉེ་བར་བསྒྲུབ་པ་བཏང་སྙོམས་པ་དང་། བརྩོན་འགྲུས་ཀྱི་དུས་ན་ཚུལ་ཁྲིམས་ཀྱི་རྗེས་སུ་འཇུག་པ་བཏང་སྙོམས་པ་དང་། བསམ་གཏན་གྱི་དུས་ན་སྦྱིན་པའི་ཕ་རོལ་ཏུ་ཕྱིན་པ་ཉེ་བར་བསྒྲུབ་པ་བཏང་སྙོམས་པ་དང་། ཤེས་རབ་དུས་ན་ཕ་རོལ་ཏུ་ཕྱིན་པ་ལྔ་ལ་
D56.041.0056a01.01དམིགས་པ་ཉེ་བར་བསྒྲུབ་པ་བཏང་སྙོམས་པ་སྟེ། འདི་ནི་དུས་དུས་སུ་བཏང་སྙོམས་པ་ཞེས་བྱའོ། །དེ་ལྟར་གང་མི་བྱ་བའི་ཆོས་མི་བྱེད་པ་འདི་ནི་བཏང་སྙོམས་ཞེས་བྱ་སྟེ། དེ་ལ་གནས་པའི་བྱང་ཆུབ་སེམས་དཔའ་ནི་མི་དགེ་བའི་ཕྱོགས་ཐམས་ཅད་ལ་བཏང་སྙོམས་སུ་བྱེད་དོ། །གཞོན་ནུ་འདི་
D56.041.0056a02.01ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཞེས་བྱའོ། །དེ་ལྟར་ཤཱ་རིའི་བུ་བཅོམ་ལྡན་འདས་དེ་བཞིན་གཤེགས་པ་ཕུང་པོ་ཆེན་པོ་དེས་གཞོན་ནུ་བརྩོན་འགྲུས་སྤྱོད་ལ་བྱམས་པ་དང་། སྙིང་
D56.041.0056a03.01རྗེ་དང་དགའ་བ་དང་། བཏང་སྙོམས་མདོར་བསྟན་པ་དང་བཅས། རྒྱས་པར་བསྟན་པ་དང་བཅས་ཏེ། རྒྱ་ཆེར་ཡང་དག་པར་བསྟན་ཏོ། །གཞོན་ནུ་བརྩོན་འགྲུས་སྤྱོད་དེས་དེ་ཐོས་ནས་ཕ་རོལ་ཏུ་ཕྱིན་པ་ལ་བརྩོན་འགྲུས་བརྩམས་པར་གྱུར་ཏོ། །བྱམས་པ་དང་། སྙིང་རྗེ་དང་། དགའ་
D56.041.0056a04.01བ་དང་། བཏང་སྙོམས་ཀྱི་ལེའུ་སྟེ་ལྔ་པའོ།། །།དེ་ལ་ཤཱ་རིའི་བུ་ཕ་རོལ་ཏུ་ཕྱིན་པ་རྣམས་ལ་བརྩོན་པ་གང་ཞེ་ན། ཤཱ་རིའི་བུ་ཕ་རོལ་ཏུ་ཕྱིན་པ་དྲུག་པོ་འདི་དག་ཉིད་ཡིན་ཏེ། གང་ཕ་རོལ་ཏུ་ཕྱིན་པ་དྲུག་པོ་འདི་དག་ལ་བརྩོན་པའི་བྱང་ཆུབ་སེམས་དཔའ་ནི་བྱང་
D56.041.0056a05.01ཆུབ་སེམས་དཔའི་སྤྱད་པ་སྤྱོད་དོ། །དྲུག་གང་ཞེ་ན། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་
D56.041.0056a06.01ཕ་རོལ་ཏུ་ཕྱིན་པ་སྟེ། དེ་དག་ནི་ཕ་རོལ་ཏུ་ཕྱིན་པ་དྲུག་རྣམས་སོ། །དེ་ལ་སྦྱིན་པའི་ཕ་རོལ་ཏུ་ཕྱིན་པ་གང་ཞེ་ན། ཤཱ་རིའི་བུ་འདི་ལ་བྱང་ཆུབ་སེམས་དཔའ་ནི་དགེ་སྦྱོང་དང་། བྲམ་ཟེ་དང་། ཕོངས་པ་རྣམས་ཀྱི་སྦྱིན་བདག་ཡིན་ཏེ། འདི་ལྟ་སྟེ། ཟས་ཀྱིས་ཕོངས་པ་ལ་ཟས། སྐོམ་གྱིས་
D56.041.0056a07.01