完整藏文原文 · 德格版页 当前仅加载第 41 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཏེ། །དེ་དག་དབང་དུ་གྱུར་པས་ན། །འཇིག་རྟེན་མགོན་པོ་མ་མཉེས་བྱས། །འདི་ལྟར་སངས་རྒྱས་གསུང་སྒྲ་ནི། །ཡན་ལག་དྲུག་ཅུ་བདག་མ་ཐོས། །བདག་གིས་ངས་རྒྱས་མ་མཉེས་བྱས། །བདག་ལ་ཉམས་པ་ཆེན་པོ་བྱུང་། །འཇིག་རྟེན་ཕན་མཛད་ཐུགས་བརྩེ་དེ་ལྟ་
D56.041.0087b01.01བུ། །ཆོས་རྣམས་ཀུན་གྱི་ཕ་རོལ་ཕྱིན་པ་ནི། །བག་མེད་པ་ཡིས་དེ་རིང་དུས་འདས་ཏེ། །རྐང་གཉིས་གཙོ་བོ་བདག་གིས་མ་མཉེས་བྱས། །བསྐལ་པ་ཁྲག་ཁྲིག་བྱེ་བ་ཕྲག་བརྒྱར་ཡང་། །སངས་རྒྱས་བརྒྱ་ལམ་མཐོང་བ་རྙེད་པར་དཀའ། །བདེ་གཤེགས་མྱ་ངན་འདས་
D56.041.0087b02.01ནས་ཕྱིན་པ་ནི། །རྒྱལ་བ་དེང་འདིར་བདག་གིས་མ་མཉེས་བྱས། །སྐྱེས་མ་ཐག་ཏུ་སངས་རྒྱས་མ་བརྗོད་པ། །ཕ་དང་མ་ནི་དེ་རིང་དགྲ་ཡིན་སྙམ། །གལ་ཏེ་རྒྱལ་བ་བཞུགས་པ་མཐོང་གྱུར་ན། །ཆོས་རྣམས་ཉན་ཅིང་མཆོད་པ་བྱ་བ་ཞིག །བདེ་གཤེགས་མྱ་ངན་འདས་ནས་གདོད་
D56.041.0087b03.01འོངས་པས། །དེ་བཞིན་གཤེགས་པའི་ཡན་ལག་དྲུག་ཅུ་པོ། །དེ་དག་ཀུན་དང་ལྡན་པའི་དབྱངས་འབྱུང་བ། །རྒྱལ་བའི་དེ་དག་བདག་གིས་དེང་མ་ཐོས། །མྱ་ངན་འདས་ནས་འདིར་ནི་བདག་ཕྱིན་པ། །དེ་རིང་བདག་ལ་ཉམས་པ་ཆེན་པོ་བྱུང་། །སྔོན་གྱི་སངས་རྒྱས་དག་གིས་
D56.041.0087b04.01རྟག་བསྟན་པ། །གྱ་ནོམ་ཆོས་རྣམས་བདག་ལ་མི་སྟོན་ཏོ། །དེ་ནས་ཤཱ་རིའི་བུ་བྱང་ཆུབ་སེམས་དཔའ་དེ་ས་ཕྱོགས་དེ་ནས་མྱུར་དུ་ལངས་ཏེ། བཅོམ་ལྡན་འདས་མཆོག་གི་ཚོགས་ཅན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གལ་བ་དེར་སོང་སྟེ་ཕྱིན་ནས་
D56.041.0087b05.01དེ་བཞིན་གཤེགས་པའི་ཁྲི་ལ་ངུ་ཞིང་ལན་བརྒྱ་སྟོང་དུ་མ་བསྐོར་བ་བྱས་ནས་ས་ཕྱོགས་གཅིག་ཏུ་འདུག་སྟེ། ཚིགས་སུ་བཅད་པ་འདི་དག་གསོལ་ཏོ། །སེམས་ཅན་མཆོག་ནི་ཡང་དག་སྟེ། །ཡང་དག་ཆོས་རྣམས་བསྟན་པ་མཛད། །བྱང་ཆུབ་དམ་པ་མཆོག་གི་ཕྱིར། །བདག་གི་
D56.041.0087b06.01སེམས་ནི་ཡང་དག་སྐྱེས། །ཤེས་རབ་ཆེན་པོ་ཡང་དག་གསུང་། །དེ་བཞིན་གཤེགས་པ་མི་མཐོང་སྟེ། །རྒྱལ་བ་ཁྱོད་ཀྱི་ཅི་འདྲ་བ། །བདག་གི་ཤེས་པའང་དེ་འདྲར་གྱུར། །བདག་སྔོན་སྟོབས་ཀྱང་ཆུང་བ་སྟེ། །ཤེས་རབ་ཞན་པ་བདུད་ཀྱི་ཕྱོགས། །ཁྱིམ་གྱི་གནས་ན་མཆིས་པས་
D56.041.0087b07.01