完整藏文原文 · 德格版页 当前仅加载第 41 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་འཐོབ་པར་འགྱུར་རོ། །ཤཱ་རིའི་བུ་བྱང་ཆུབ་སེམས་དཔའི་ངོ་མཚར་ཡོངས་སུ་རྫོགས་པ་ལྔ་པོ་འདི་དག་འཐོབ་པར་འགྱུར་རོ། །གཞན་ཡང་ཤཱ་རིའི་བུ་བྱང་ཆུབ་སེམས་དཔའ་དགེ་བའི་རྩ་བ་དེ་ཉིད་ཀྱིས་ཆོས་བཞི་དང་མི་འབྲལ་བར་འགྱུར་ཏེ། བཞི་གང་ཞེ་ན། བྱང་ཆུབ་
D56.041.0076a01.01སེམས་དཔའི་སྡུག་བསྔལ་བའི་སེམས་ཅན་རྣམས་མཐོང་མ་ཐག་ཏུ་སྙིང་རྗེ་ཆེན་པོ་འཐོབ་པ་དང་། དེ་ལ་དེའི་བུ་དང་བུ་མོ་གུས་པ་དང་བཅས་ཤིང་ཞེས་བྱེད་པར་འགྱུར་བ་དང་། རྒ་བས་བཅོམ་ཡང་བརྙས་པར་མི་འགྱུར་བ་དང་། དེ་ལས་ཀྱི་མཐའ་གང་བྱེད་པ་དེ་དག་ཀྱང་ཉིས་འགྱུར་
D56.041.0076a02.01སུམ་འགྱུར་དུ་འཐོབ་པར་འགྱུར་བ་སྟེ། ཆོས་བཞི་པོ་དེ་དག་དང་རྟག་ཏུ་རྒྱུན་མི་འཆད་པར་མི་འབྲལ་བར་འགྱུར་རོ། །གཞན་ཡང་ཤཱ་རིའི་བུ་བྱང་ཆུབ་སེམས་དཔའ་དགེ་བའི་རྩ་བ་དེ་ཉིད་དང་ལྡན་པས་ཆོས་གསུམ་གྱིས་མི་འཕྲོགས་ཏེ། གསུམ་གང་ཞེ་ན། ཆགས་པས་མི་འཕྲོགས་པ་དང་།
D56.041.0076a03.01ཞེ་སྡང་དང་། གཏི་མུག་གིས་མི་འཕྲོགས་པ་སྟེ། ཆོས་གསུམ་པོ་དེ་དག་གིས་མི་འཕྲོགས་སོ། །གཞན་ཡང་ཤཱ་རིའི་བུ་བྱང་ཆུབ་སེམས་དཔའ་དགེ་བའི་རྩ་བ་དེ་ཉིད་དང་ལྡན་པས་ནད་མེད་པར་བྱེད་པའི་ཆོས་བཞི་འཐོབ་པར་འགྱུར་ཏེ། བཞི་གང་ཞེ་ན། ནད་རྒྱུན་རིང་པོ་མེད་པ་
D56.041.0076a04.01དང་། ཡན་ལག་སྐམ་པར་མི་འགྱུར་བ་དང་། ལོངས་སྤྱོད་ཉམས་པར་མི་འགྱུར་བ་དང་། རྒྱལ་པོ་འམ། རྐུན་པོའམ། དེ་མ་ཡིན་པའི་སེམས་ཅན་འཚེ་བར་བྱེད་པ་གཞན་གྱིས་སྡུག་བསྔལ་བ་དང་གནོད་པར་བྱ་བར་མི་འགྱུར་ཏེ། ཤཱ་རིའི་བུ་བྱང་ཆུབ་སེམས་དཔའ་ནད་མེད་པར་
D56.041.0076a05.01བྱེད་པའི་ཆོས་བཞི་པོ་དེ་དག་འཐོབ་པར་འགྱུར་རོ། །གཞན་ཡང་ཤཱ་རིའི་བུ་བྱང་ཆུབ་སེམས་དཔའ་དགེ་བའི་རྩ་བ་དེ་ཉིད་དང་ལྡན་པས་བླ་མའི་གནས་བཞི་འཐོབ་པར་འགྱུར་ཏེ། བཞི་གང་ཞེ་ན། འཁོར་ལོས་སྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་ཞིང་ཆོས་ཅན་ཆོས་ཀྱི་རྒྱལ་པོ་
D56.041.0076a06.01རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་ནི་འདི་རྣམས་ཡིན་ནོ། །འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བློན་པོ་རིན་པོ་ཆེ་སྟེ། བདུན་པོ་དེ་
D56.041.0076a07.01