完整藏文原文 · 德格版页 当前仅加载第 41 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་སྟེ། ཤཱ་རིའི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་སྟེ། དེ་ལ་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་སེམས་དཔའི་སྤྱད་པ་སྤྱོད་དོ། །དེ་ནས་བཅོམ་ལྡན་འདས་ཀྱིས་དེའི་དོན་དེ་ཉིད་རྒྱས་པར་བསྟན་པའི་
D56.041.0156a01.01ཕྱིར་དེའི་ཚེ་ཚིགས་སུ་བཅད་པ་འདི་དག་གསུངས་སོ། །བསམ་གཏན་དང་ནི་རྣམ་ཐར་ཕ་རོལ་ཕྱིན། །པད་མ་ཆུ་ཡིས་གོས་པ་མེད་པ་ལྟར། །ཡིད་ནི་ཆགས་མེད་དག་པ་འཇིག་རྟེན་ན། །བསྐལ་མང་རྒྱ་མཚོར་རྟག་ཏུ་སྤྱད་པ་སྤྱོད། །གང་དུ་ཏིང་འཛིན་ཕ་རོལ་སོང་བ་ཡི། རྣམ་པར་སྣང་མཛད་ཞི་བའི་
D56.041.0156a02.01ཏིང་འཛིན་དང་། །ཟླ་འོད་ཅེས་བྱ་ཏིང་འཛིན་རྣམས་བཀོད་པ། །དེ་ཉིད་གློག་གིས་རབ་ཏུ་བརྒྱན་པ་དང་། །མངོན་པར་འཕགས་དང་དེ་བཞིན་སེམས་པ་དང་། །དྲི་མ་མེད་དང་སྣང་ལྡན་ཏིང་འཛིན་དང་། །ཡོན་ཏན་འོད་དང་གྲུབ་འོད་མྱ་ངན་མེད། །ཆོས་རྣམས་ཐམས་ཅད་ལ་ནི་དབང་སྒྱུར་དང་། །
D56.041.0156a03.01ཆོས་སྒྲོན་དང་ནི་དེ་བཞིན་ཆོས་དཔའ་དང་། །ཏིང་འཛིན་ཆོས་ཀྱི་དབང་ཕྱུག་རི་རབ་དཔའ། །དམ་པའི་ཆོས་ཀྱི་ཡེ་ཤེས་དབང་བྱེད་དང་། །དམ་ཆོས་ཀུན་འཛིན་ཤིན་ཏུ་རྣམ་དག་དང་། །གཞན་གྱི་སེམས་ལ་རྣམ་དཔྱོད་ཏིང་འཛིན་དང་། །དམ་ཆོས་དཀོན་མཆོག་འོད་ཟེར་ཏིང་འཛིན་དང་། །རྒྱལ་མཚན་རྩེ་
D56.041.0156a04.01མོ་དཔུང་རྒྱན་ཉོན་མོངས་སེལ། །བདུད་ཀྱི་སྟོབས་རྣམས་འཇོམས་པའི་ཏིང་འཛིན་དང་། །སྟོབས་བཅུ་དང་ནི་སྟོབས་ལས་མངོན་འཕགས་དང་། །ཀུན་བཅད་ཆགས་མེད་ཅེས་བྱ་ཏིང་འཛིན་དང་། །ལག་ན་སྒྲོན་མ་འདུག་སྦྱིན་བསྒྲགས་པ་དང་། །ས་འཛིན་ལེགས་པར་གནས་པའི་ཏིང་འཛིན་དང་། །རི་རབ་
D56.041.0156a05.01སྒྲོན་དང་རྒྱལ་བ་མི་འཕམ་དང་། །ཡེ་ཤེས་སྒྲོན་དང་དེ་བཞིན་མི་གཙང་དང་། །རྒྱལ་བ་ཐམས་ཅད་དྲན་པའི་ཏིང་འཛིན་དང་། །ཆོས་དྲན་དང་ནི་ཡོན་ཏན་ཡེ་ཤེས་འཇུག །སྟོང་པར་འཇུག་དང་དེ་བཞིན་མཚན་མེད་དང་། །སྨོན་མེད་ཏིང་འཛིན་དེ་བཞིན་ཞི་བའི་ས། །འདུ་ཤེས་སྣ་ཚོགས་བྲལ་ཞེས་བྱ་བ་
D56.041.0156a06.01དང་། །རབ་དུལ་ཀླུ་དབང་སྟག་ཅེས་བྱ་བ་དང་། །འཁྱིལ་བ་དང་ནི་རྣམ་པར་ལྡོག་པ་དང་། །འཛུམས་པ་མེད་དང་སྟོབས་དང་མིག་དག་དང་། །ཏིང་འཛིན་རྡོ་རྗེ་འདྲ་དང་རྡོ་རྗེ་ས། །མངོན་འཕགས་མི་འཛུམས་ལྷུན་པོ་ལྟ་བུ་དང་། །ཀུན་ནས་ཀློང་འཁྱོལ་རྣམས་པར་དག་སྒྲ་དང་། །ངེས་རྟོག་ཉོན་མོངས་བྲལ་བའི་ཏིང་འཛིན་དང་། །
D56.041.0156a07.01