完整藏文原文 · 德格版页 当前仅加载第 41 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱིས་སེམས་ཅན་གྱི་བྱ་བ་ལ་བརྩོན་པའོ། །དོན་མཚུངས་པ་ནི་བཏང་སྙོམས་ལ་མཐོན་དམན་མེད་ཅིང་ཐམས་ཅད་མཁྱེན་པའི་ཡེ་ཤེས་ལ་བསྔོ་བའི་སེམས་སོ། །གཞན་ཡང་སྦྱིན་པ་ནི་གང་ཆོས་ཀྱིས་བཙལ་བའི་ལོངས་སྤྱོད་ཡོངས་སུ་གཏོང་བའོ། །
D56.041.0192a01.01སྙན་པར་སྨྲ་བ་ནི་གང་ལ་སྦྱིན་པར་བྱེད་པ་དེ་ཆོས་ལ་འཛུད་པའོ། །དོན་བྱེད་པ་ནི་གང་བདག་གི་དོན་དང་གཞན་གྱི་དོན་ཡང་དག་པར་སྐྱེད་པའོ། །དོན་མཚུངས་པ་ནི་གང་སེམས་ཅན་ཐམས་ཅད་ཀྱི་དོན་གྱི་ཕྱིར་ཐམས་ཅད་མཁྱེན་པ་ཉིད་དུ་སེམས་བསྐྱེད་པའོ། །གཞན་ཡང་སྦྱིན་
D56.041.0192a02.01པ་ནི་གང་ནང་དང་ཕྱིའི་ཆོས་རྣམས་ལ་བདོག་པ་ཐམས་ཅད་ཡོངས་སུ་གཏོང་བའོ། །སྙན་པར་སྨྲ་བ་ནི་གང་ཆོས་ཐམས་ཅད་ཀྱི་ཡོན་ཏན་གྱི་ཡེ་ཤེས་ལ་སློབ་དཔོན་གྱི་དཔེ་མཁྱུད་མེད་པའོ། །དོན་བྱེད་པ་ནི་གང་གིས་བདག་གི་དོན་བཏང་སྟེ། གཞན་གྱི་དོན་མྱོང་བར་བྱེད་པའོ། །
D56.041.0192a03.01དོན་མཚུངས་པ་ཉིད་ནི་བྱང་ཆུབ་ལག་ཏུ་འོངས་པ་ལ་བལྟས་ནས་གཞན་ལ་སྦྱིན་པ་ན་ཡིད་མི་བདེ་བར་མི་འགྱུར་བའོ། །དེ་ལ་ཆོས་སྦྱིན་པ་གང་ཞེ་ན། གང་ཇི་ལྟར་ཐོས་པའི་ཆོས་རྣམས་སྟོན་པའོ། །དེ་ལ་སྙན་པར་སྨྲ་བ་གང་ཞེ་ན། གང་ཟང་ཟིང་མེད་པར་ཆོས་སྟོན་པའོ། །དོན་
D56.041.0192a04.01བྱེད་པ་ནི་གང་ཕ་རོལ་ལ་ལུང་འབོགས་པ་དང་། ཁ་དོན་བྱེད་པ་དང་། འཆད་པ་དང་། སྟོན་པ་ལ་མི་སྐྱོ་བའོ། །དེ་ལ་དོན་མཚུངས་པ་ནི་གང་ཞེ་ན། གང་ཐམས་ཅད་མཁྱེན་པའི་སེམས་དང་མ་བྲལ་བར་ཆོས་ལ་འཛུད་པའོ། །གཞན་ཡང་སྦྱིན་པ་ནི་ཆོས་ཉེ་བར་འོངས་པ་རྣམས་ལ་མི་གཡེང་བར་
D56.041.0192a05.01སྟོན་པའོ། །དེ་ལ་སྙན་པར་སྨྲ་བ་ནི་གང་རྒྱང་རིང་པོར་ཡང་སོང་སྟེ་དམ་པའི་ཆོས་སྟོན་པའོ། །དེ་ལ་དོན་བྱེད་པ་ནི་གང་ཆོས་འདོད་པས་ཆོས་སྨྲ་བ་རྣམས་གོས་དང་བྲལ་བར་གྱུར་ཏམ། བསོད་སྙོམས་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་དང་བྲལ་བར་གྱུར་ཏམ།
D56.041.0192a06.01ཅི་དགོས་པར་གྱུར་པ་དེ་ཐམས་ཅད་སྦྱིན་པར་བྱེད་པའོ། །དོན་མཚུངས་པ་ཉིད་ནི་ལྷག་པའི་བསམ་པར་ཞུགས་པའི་རྒྱུད་ཀྱི་ཆོས་སྟོན་པའོ། །གཞན་ཡང་ཆོས་ཀྱི་སྦྱིན་པ་ནི་གང་སྦྱིན་པ་ཐམས་ཅད་ཀྱི་ནང་ན་མཆོག་ཏུ་ཤེས་ནས་ཆོས་སྦྱིན་པར་བྱེད་པའོ། །དེ་ལ་སྙན་པར་སྨྲ་བ་ནི་གང་ཕན་པའི་དངོས་པོའི་
D56.041.0192a07.01