完整藏文原文 · 德格版页 当前仅加载第 41 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འཕགས་པའི་སེམས་ཅན་ཐམས་ཅད་ལ་སྐྱེས་བུ་དམ་པར་འདུ་ཤེས་སྐྱེད་པའོ། །དེ་འདུ་ཤེས་འདི་གཉིས་བསྐྱེད་ནས། འདི་སྙམ་དུ་སེམས་ཏེ། བདག་ནི་སྐྱེས་བུ་དམ་པའི་འགྲོས་སུ་འགྲོ་བར་བྱའི། སྐྱེས་བུ་ངན་པའི་འགྲོས་སུ་ནི་མ་ཡིན་ནོ། །
D56.041.0092a01.01བདག་སེམས་ཅན་དམྱལ་བའི་འགྲོས་སུ་འགྲོ་བར་མི་བྱ། དུད་འགྲོའི་སྐྱེ་གནས་ཀྱི་འགྲོས་སུ་མ་ཡིན། གཤིན་རྗེའི་འཇིག་རྟེན་གྱི་འགྲོས་སུ་འགྲོ་བར་མི་བྱ། བདག་འཆལ་བའི་ཚུལ་ཁྲིམས་ཀྱི་འགྲོས་སུ་འགྲོ་བར་མི་བྱ། བདག་ཚུལ་ཁྲིམས་འཆལ་པ་དང་འགྲོགས་ཤིང་འགྲོ་
D56.041.0092a02.01བར་མི་བྱའི། མཆོག །དམ་པ། གཙོ་པོ། ཆོས་ཐམས་ཅད་སྒྲིབ་པ་མེད་པར་རྟོག་པ་སངས་རྒྱས་ཀྱི་ཡེ་ཤེས་ཀྱི་འགྲོས་སུ་འགྲོ་བར་བྱའོ། །བདག་རྒྱུན་ལས་བཟློག་པ་སྤྱོད་པར་བྱའི། རྒྱུན་གྱི་རྗེས་སུ་སྤྱོད་པར་མི་བྱ། བདག་སེང་གེའི་སྒྲ་སྒྲོག་པར་བྱའི། ཝའི་སྒྲ་སྒྲོག་པར་
D56.041.0092a03.01མི་བྱ། བདག་ནམ་མཁའ་ལྡིང་གི་མཐུ་སྟོན་པར་བྱའི་སྲོག་ཆགས་ཕྲ་མོ་ལྟར་མི་བྱ། བདག་མི་ཅང་ཤེས་སུ་འགྱུར་བར་བྱའི། མི་མ་རུངས་པར་འགྱུར་བར་མི་བྱ། བདག་ཅང་ཤེས་ཀྱི་ཟས་དང་། ཟས་ངན་པ་མ་ཡིན་པ་བཟའ་བར་བྱ་སྟེ། བདག་ཅང་ཤེས་མ་ཡིན་པའི་ཟས་
D56.041.0092a04.01དང་། ཟས་ངན་པ་བཟའ་བར་མི་བྱའོ། །བདག་བསམ་གཏན་བཟང་པོ་དང་། བསམ་གཏན་མཆོག་དང་། བསམ་གཏན་རབ་དང་། ཏིང་ངེ་འཛིན་དམ་པ་ཐོབ་པར་འགྱུར་བ་དེའི་རང་བཞིན་གྱི་བསམ་གཏན་དག་ལ་བསམ་གཏན་དུ་བྱ་སྟེ། དེའི་རང་བཞིན་མ་ཡིན་པའི་བསམ་
D56.041.0092a05.01གཏན་དང་དམན་པའི་བསམ་གཏན་ལ་བསམ་གཏན་མི་བྱའོ། །བདག་སངས་རྒྱས་ཀྱི་བསམ་གཏན་གྱིས་རྩེ་བར་བྱའི། ཉན་ཐོས་དང་། རང་སངས་རྒྱས་དང་། བྱིས་པ་སོ་སོའི་སྐྱེ་བོ་ཐམས་ཅད་ཀྱི་བསམ་གཏན་གྱིས་ནི་མ་ཡིན་ནོ། །བདག་མི་གནས་པར་བསམ་གཏན་བྱ་སྟེ།
D56.041.0092a06.01གཟུགས་ལ་མི་གནས། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ལ་མི་གནས། སའི་ཁམས་ལ་མི་གནས་པར་བསམ་གཏན་བྱའོ། །ཆུའི་ཁམས་དང་། མེའི་ཁམས་དང་། རླུང་གི་ཁམས་ལ་མི་གནས་པར་བསམ་གཏན་བྱའོ། །འདོད་པའི་ཁམས་
D56.041.0092a07.01