完整藏文原文 · 德格版页 当前仅加载第 41 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གསེར་དང་། ནོར་བུ་དང་། མུ་ཏིག་དང་། བཻ་དཱུརྱ་དང་། དུང་དང་། མན་ཤེལ་དང་། བྱི་རུ་དང་། གསེར་དང་། དངུལ་གྱིས་ཡོངས་སུ་བཀང་སྟེ་བྱིན་པ་བས་བཟོད་པས་བསྒྲུབས་པའི་དགེ་བའི་རྩ་བ་ཆེས་མང་དུ་ཡོངས་སུ་འཛིན་པར་འགྱུར་རོ། །དེ་ཅིའི་ཕྱིར་
D56.041.0097a01.01ཞེ་ན། ཤཱ་རིའི་བུ་སྐྱེས་བུ་དམ་པས་ནན་ཏན་གྱིས་སྒྲུབ་པར་བྱེད། བཟོད་པས་སྟོབས་ཤེས་པར་བྱེད་དོ། །ཤཱ་རིའི་བུ་སེམས་ཅན་ཕལ་ཆེར་ནི་གཤེ་བ་དང་། མི་སྙན་པར་ཟེར་བའི་དབང་དུ་སོང་བས་འཁོར་བ་ལས་མི་ལྡོག་གོ །ཤཱ་རིའི་བུ་གཞན་ཡང་བྱང་ཆུབ་སེམས་དཔའ་ཅི་བདག་ལ་ཕ་རོལ་
D56.041.0097a02.01གཤེ་བའམ། མི་སྙན་པར་ཟེར་ན་སངས་རྒྱས་དང་། བྱང་ཆུབ་དང་། ཆོས་དང་། དགེ་འདུན་ཡིད་ལ་བྱེད་དམ་ཞེས་བདག་གི་མཐུ་ཤེས་པར་བྱ་སྟེ། གལ་ཏེ་ཡིད་ལ་བྱེད་ན་ལེགས། ཡིད་ལ་མི་བྱེད་པར་གྱུར་ན་དེས་རྣམ་གྲངས་དུ་མར་སངས་རྒྱས་སམ། བྱང་ཆུབ་བམ། ཆོས་
D56.041.0097a03.01སམ། དགེ་འདུན་ཡིད་ལ་བྱའོ། །ཡིད་ལ་མི་བྱེད་ན་དེ་དག་ཀྱང་གནོད་སེམས་དང་ལྡན་པ། སངས་རྒྱས་དང་། བྱང་ཆུབ་དང་། ཆོས་དང་། དགེ་འདུན་ཡིད་ལ་མི་བྱེད། བདག་ཀྱང་ཡིད་ལ་མི་བྱེད་ན། བདག་དང་། སེམས་ཅན་དེ་དག་ཏུ་ཁྱད་པར་ཅི་ཞིག་ཡོད། ཐ་
D56.041.0097a04.01དད་པ་ཅི་ཞིག་ཡོད། དཀའ་བ་སྤྱོད་པ་ཅི་ཞིག་ཡོད་ཀྱིས་དེ་དག་དང་བདག་ཅག་གནོད་སེམས་ཀྱི་དུས་ན་བཏང་སྙོམས་སུ་བྱ་བ་དང་། སངས་རྒྱས་དང་། བྱང་ཆུབ་དང་། ཆོས་དང་། དགེ་འདུན་ཡིད་ལ་བྱ་བ་དང་། བཟོད་པའི་སྟོབས་ཀྱང་གོ་བར་བྱ་བའི་རིགས་སོ་ཞེས་བདག་ལ་
D56.041.0097a05.01བསྐུལ་བར་བྱའོ། །དེ་ཅིའི་ཕྱིར་ཞེ་ན། བདག་ནི་སེམས་ཅན་གཅིག་བཟུང་ལ་སེམས་ཅན་ཐམས་ཅད་བཏང་བ་མ་ཡིན་གྱི། བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། སེམས་ཅན་ཐམས་ཅད་ལ་ཆོས་བསྟན་པར་བྱའོ་ཞེས་དེ་
D56.041.0097a06.01ལྟ་བུའི་ཚིག་སྨྲས་ཏེ། སངས་རྒྱས་བཅོམ་ལྡན་འདས་རྣམས་ཀྱིས་ཀྱང་བདག་ལ་རིགས་ཀྱི་བུ་འདི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་ཏེ། སེམས་ཅན་ཐམས་ཅད་ལ་ཆོས་སྟོན་པར་མཁྱེན་ཏོ། །སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་གཟིགས་པ། ཆགས་
D56.041.0097a07.01