完整藏文原文 · 德格版页 当前仅加载第 41 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་པ་དང་། རྟོག་པ་སྤྲོས་པ་ཐམས་ཅད་གཏོང་བ་ལ་འཇུག་ཀྱང་ཐབས་མཁས་པ་གཏོང་བ་ལ་མི་འཇུག་པ་སྟེ། ཤཱ་རིའི་བུ་དེ་ནི་ཚུལ་བཞིན་དུ་འཇུག་པ་ཞེས་བྱའོ། །ཤཱ་རིའི་བུ་ཚུལ་བཞིན་གྱི་ཚིག་ཅེས་བྱ་བ་གང་ཞེ་ན། རིགས་པའི་ཚིག་དེ་ནི་ཚུལ་བཞིན་གྱི་ཚིག་གོ །ཤཱ་
D56.041.0163b01.01རིའི་བུ་གཞན་ཡང་ཚུལ་བཞིན་གྱི་ཚིག་དེ་ནི་ཚུལ་གྱི་ཚིག་གོ །དེ་ནི་སྒོའི་ཚིག་གོ །དེ་ནི་ཁའི་ཚིག་གོ །དེ་ནི་རྒྱུའི་ཚིག་གོ །དེ་ནི་རབ་ཏུ་རྣམ་པར་འབྱེད་པའི་ཚིག་གོ །དེ་ནི་མི་འགལ་བའི་ཚིག་གོ །དེ་ནི་མི་རྩོད་པའི་ཚིག་གོ །དེ་ནི་བཏང་སྙོམས་ཀྱི་ཚིག་གོ །མི་ལེན་པའི་ཚིག་དང་།
D56.041.0163b02.01མི་འདོར་བའི་ཚིག་དང་། མ་སྤྲོས་པའི་ཚིག་དང་། མི་བསྣན་པའི་ཚིག་དང་། མ་བྲི་བའི་ཚིག་དང་། མི་སྐྱེ་བའི་ཚིག་དང་། རྩོད་པའི་གཞི་མེད་པའི་ཚིག་དང་། མི་ལྡོག་པའི་ཚིག་དང་། གཉེན་པོ་མེད་པའི་ཚིག་དང་། དེ་ཁོ་ནའི་ཚིག་དང་། དེ་བཞིན་ཁོ་ནའི་ཚིག་དང་། མ་ལོག་པ་དེ་བཞིན་ཉིད་
D56.041.0163b03.01ཀྱི་ཚིག་དང་། གཞན་མ་ཡིན་པ་དེ་བཞིན་ཉིད་ཀྱི་ཚིག་དང་། དེ་བཞིན་ཉིད་ཀྱི་ཚིག་དང་། ཇི་ལྟ་བ་བཞིན་གྱི་ཚིག་དང་། དུས་གསུམ་མཉམ་པ་ཉིད་ཀྱི་ཚིག་དང་། ཡོངས་སུ་ཆད་པའི་ཚིག་དང་། གཟུགས་རྣམ་པར་ཤེས་པའི་གནས་མེད་པའི་ཚིག་དང་། ཚོར་བ་དང་། འདུ་ཤེས་དང་། འདུ་
D56.041.0163b04.01བྱེད་དང་། རྣམ་པར་ཤེས་པ་གནས་མེད་པའི་ཚིག་གོ །དེ་ནི་མིག་དང་། གཟུགས་དང་། མིག་གི་རྣམ་པར་ཤེས་པའི་ཁམས་གནས་མེད་པའི་ཚིག་གོ །དེ་ནི་རྣ་བ་དང་། སྒྲ་དང་། རྣ་བའི་རྣམ་པར་ཤེས་པའི་ཁམས་གནས་མེད་པའི་ཚིག་གོ །དེ་ནི་སྣ་དང་། དྲི་དང་། སྣའི་རྣམ་པར་ཤེས་པའི་
D56.041.0163b05.01ཁམས་གནས་མེད་པའི་ཚིག་གོ །དེ་ནི་ལྕེ་དང་། རོ་དང་། ལྕེའི་རྣམ་པར་ཤེས་པའི་ཁམས་གནས་མེད་པའི་ཚིག་གོ །དེ་ནི་ལུས་དང་། རེག་དང་། ལུས་ཀྱི་རྣམ་པར་ཤེས་པའི་ཁམས་གནས་མེད་པའི་ཚིག་གོ །དེ་ནི་ཡིད་དང་། ཆོས་དང་། ཡིད་ཀྱི་རྣམ་པར་ཤེས་པའི་ཁམས་གནས་
D56.041.0163b06.01མེད་པའི་ཚིག་གོ །དེ་ནི་དོན་ལ་རྟོན་པའི་ཚིག་གོ །དེ་ནི་ཆོས་ལ་རྟོན་པའི་ཚིག་གོ །དེ་ནི་ཡེ་ཤེས་ལ་རྟོན་པའི་ཚིག་གོ །དེ་ནི་ངེས་པའི་དོན་གྱི་མདོ་སྡེ་ལ་རྟོན་པའི་ཚིག་སྟེ། ཤཱ་རིའི་བུ་དེ་ནི་ཚུལ་བཞིན་གྱི་ཚིག་གོ །དེ་ལྟར་བྱང་ཆུབ་སེམས་དཔའ་ཚུལ་བཞིན་དུ་འཇུག་པ་ལ་བརྩོན་པ། ཚུལ་
D56.041.0163b07.01