完整藏文原文 · 德格版页 当前仅加载第 85 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱེད་པས་དངོས་གྲུབ་ཐམས་ཅད་སྒེག་མོ་དགའ་བའི་རྡོ་རྗེ་མིག་མི་གཡོ་བར་བྱེད་པས་ལས་ཐམས་ཅད་བསྒྲུབ་པར་བྱས་ན་ཐོགས་པ་མེད་པའི་དངོས་གྲུབ་པར་འགྱུར་རོ། །དེ་བཞིན་དུ་རང་གི་ཕྱག་མཚན་རྣམས་ཀྱིས་དངོས་གྲུབ་ཐམས་ཅད་གྲུབ་པར་འགྱུར་རོ། །དང་
D488.085.0190b01.01པོ་ཉིན་རེ་ལན་ཅིག་དུ། །ཕྱག་རྒྱ་ཆེན་པོའི་སྙིང་པོ་བཟླ། །རྡོ་རྗེ་ཉེ་བའི་སྙིང་པོ་ཡིས། །ཕྱག་རྒྱ་ཐམས་ཅད་ངེས་སྦྱར་བྱ། །ཐམས་ཅད་དོན་ཡོད་གྲུབ་པའོ། །བདེ་བ་ཆེན་པོ་རྡོ་རྗེ་ཆེ། །གསང་བའི་རྟོག་པ་མཆོག་ཕྱིར་མ། །སྒྲུབ་པའི་དོན་ཡོད་དམ་ཚིག་ནི། །སྙིང་པོས་སྐད་
D488.085.0190b02.01ཅིག་དངོས་གྲུབ་སྟེར། །རྩ་རྒྱུད་ཕྱི་མའི་རྒྱུད་དང་བཅས། །ཕྱག་རྒྱའི་རྒྱུད་ནི་བླ་ན་མེད། །དངོས་གྲུབ་མཆོག་ནི་དེ་བཞིན་དུ། །བླ་མེད་ཡེ་ཤེས་གྲུབ་པའོ། །དེ་ནས་དང་པོའི་དཀྱིལ་འཁོར་ལ་སོགས་པའི་ཕྱག་རྒྱ་ཐམས་ཅད་ཀྱི་རྒྱུད་ཀྱི་ཆོ་ག་རྒྱས་པའོ།། །།དེ་ནས་བཅོམ་
D488.085.0190b03.01ལྡན་འདས་ཀྱི་ཕྱག་རྒྱ་ཆེན་པོའི་རྒྱུད་ནི། པང་པ་གཡོན་དུ་དགོད་བྱ་བ། །ཞབས་ཀྱི་པདྨ་ཅི་བདེར་བྲི། །རྡོ་རྗེ་སྐྱིལ་མོ་ཀྲུང་བཅས་ནས། །སྐུ་ནི་དྲང་པོར་འཛིན་པ་བདེ། །བསྙེམས་བཅས་རྡོ་རྗེ་གསོར་ནས་ནི། །རྡོ་རྗེ་བསྙེམས་པ་ཡང་དག་འཆང་། །སྐུ་གསུང་ཐུགས་ཀྱི་རྡོ་
D488.085.0190b04.01རྗེ་ཡིས། །རྡོ་རྗེ་སེམས་དཔའ་རང་ཉིད་འགྱུར། །འདིས་ནི་རྡོ་རྗེ་སེམས་དཔའ་ཉིད། །སངས་རྒྱས་ཉིད་དམ་སྲས་ཉིད་དང་། །དངོས་གྲུབ་ཀུན་གྱི་དབང་ཕྱུག་ཉིད། །ཚེ་འདི་ཉིད་ལ་འགྲུབ་པར་འགྱུར། །སྐུ་གསུང་ཐུགས་ཀྱི་རྡོ་རྗེ་ཡིས། །ཅི་བཞིན་ཕྱག་རྒྱའི་རྗེས་འབྲངས་ནས། །
D488.085.0190b05.01མཚན་མའི་ཕྱག་རྒྱ་ལྡན་པ་ཡི། །སེམས་དཔའ་ཆེན་པོར་རང་ཉིད་འགྱུར། །ཕྱག་རྒྱ་ཆེན་པོའོ། །དེ་ནས་དམ་ཚིག་གི་ཕྱག་རྒྱ་བཅིང་བ་ནི་བདེ་བ་ཆེན་པོའི་རྡོ་རྗེ་བཤད་དོ། །རྡོ་རྗེ་མདའ་ལ་སོགས་པའི་བཞི་པོ་འདི་ལས་བྱུང་ངོ་། །མཛུབ་མོ་གཉིས་ཀྱི་ལྕགས་ཀྱུའི་ཕྱི་རོལ་དུ་མངོན་པར་
D488.085.0190b06.01ཕྱོགས་པའོ། །མཐེ་བོས་འཁྱུད་པའོ། །མཐེ་བོ་གཉིས་ཁ་ཕྱེ་ལ་མཛུབ་མོ་གཉིས་ཀྱིས་དབུས་མའི་རྩེ་མོ་འདྲེན་ཅིང་སྲིན་ལག་དང་མཐེའུ་ཆུང་མཉམ་པོར་སྦྱར་ལ་རྩེ་མོ་སོ་སོར་ཁ་ཕྱེ་བས་ཆུ་སྲིན་གྱི་རྒྱལ་མཚན་གྱི་བསྒྲེང་བའོ། །བརླ་གཉིས་ལ་བསྐོར་ཞིང་གནས་པའོ། །དེ་བཞིན་དུ་
D488.085.0190b07.01