完整藏文原文 · 德格版页 当前仅加载第 85 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རྟོག་པ་ཐམས་ཅད་སྒྲུབ་པའི་དངོས་གྲུབ་ཀྱི་རྒྱུད་ནི། ཉིན་རེ་ཞིག་དག་པོར་ལན་ཅིག་ཕྱག་རྒྱ་བསྒྲུབ་པར་དོན་ཡོད་པ་དངོས་གྲུབ་ཐོགས་པ་མེད་པར་བཤད་པར་བྱའོ་ཞེས་བཅོམ་ལྡན་འདས་ཀྱིས་གསུངས་སོ། །ཐམས་ཅད་རྗེས་སུ་མཉེས་པར་བྱ་བ་དང་། །དགུག་
D488.085.0209a01.01པ་དག་བཅིང་བ་དང་དབང་དུ་བྱ་བ་བསྒྲུབ་པ་ལ་ནི་བདེ་བ་ཆེན་པོའི་རྡོ་རྗེ་ལྟ་བས་སོ། །བདེ་བ་དང་ཡིད་བདེ་བ་དང་ཕུན་སུམ་ཚོགས་པ་དང་དངོས་གྲུབ་ཐམས་ཅད་མངོན་པར་འཕེལ་བར་བྱ་བ་ལ་ནི་བདེ་བ་ཆེན་པོའི་རྡོ་རྗེ་ཆོས་སོ། །ཚེ་དང་ལང་ཚོ་དང་གཟུགས་དང་གཟི་བྱིན་ཆེན་པོ་མངོན་པར་འཕེལ་
D488.085.0209a02.01བར་བྱ་བ་ལ་ནི་དང་པོའི་རྡོ་རྗེ་བཅུད་ཀྱིས་ལེན་གྱིས་སོ། །དཔལ་ཆེན་པོ་དང་སྐལ་བ་བཟང་པོ་དང་། གྲགས་པ་དང་། སྙན་པ་འཕེལ་བར་བྱ་བ་ལ་ནི་དང་པོའི་རྡོ་རྗེ་གྲུབ་པས་སོ། །སྟོབས་ཆེན་པོ་དང་། ཡེ་ཤེས་དང་། ཆོས་དང་ལས་བསྒྲུབ་པར་བྱ་བ་ལ་ནི་དང་པོའི་རྡོ་རྗེ་སྙིང་སྟོབས་
D488.085.0209a03.01ཆེ་བས་སོ། །རྫུ་འཕྲུལ་དང་ཆོ་འཕྲུལ་དང་རྨད་དུ་བྱུང་བ་དང་། རྣམ་པར་འཕྲུལ་པ་ཐམས་ཅད་སྟོན་པ་ལ་ནི་དང་པོའི་རྡོ་རྗེའི་རྣམ་པར་འཕྲུལ་པས་སོ། །ཐམས་ཅད་དུ་ཡི་གེ་དང་གཟུགས་ཀྱི་བདེན་པ་ཐམས་ཅད་མཐོང་བ་དང་ཐོས་པ་དང་སྨྲ་བ་དང་འདྲི་བ་གྲུབ་པར་བྱ་བ་ལ་ནི་དང་པོའི་རྡོ་རྗེ་དོན་ཡོད་
D488.085.0209a04.01པའི་བདེན་པས་སོ། །དབང་པོ་ཐམས་ཅད་ཀྱིས་བདེན་པ་ཐམས་ཅད་མཐོང་བ་དང་ཐོས་པ་དང་སྨྲ་བ་དང་ཟིལ་གྱིས་གནོན་པར་བྱ་བ་ལ་ནི་དང་པོའི་རྡོ་རྗེ་དོན་ཡོད་པའི་བདེན་པས་སོ། །སྒྱུ་མ་ཐམས་ཅད་དང་བདེ་བའི་མཆོག་དང་ལུང་བསྒོ་བ་དང་ལན་ཐོབ་པ་གྲུབ་པ་ལ་དང་པོའི་རྡོ་རྗེ་རྨད་དུ་བྱུང་
D488.085.0209a05.01བས་སོ། །གཏེར་ཐམས་ཅད་དབྱུང་བ་དང་ནོར་དབྲོག་པ་དང་རྒྱལ་སྲིད་ཐོབ་པ་དང་། ས་ལ་ཉེ་བར་ལོངས་སྤྱོད་པ་ལ་ནི་དང་པོའི་རྡོ་རྗེས་དབང་བསྐུར་བས་སོ། །ཡུལ་ཐམས་ཅད་དང་སྐྱེ་བོ་དང་གྲོང་ཁྱེར་དང་། ནགས་དང་ཆུ་བོར་ཉེ་བར་ལོངས་སྤྱོད་པ་སྤྲུལ་པ་ལ་ནི་དང་པོའི་རྡོ་རྗེ་གྲུབ་པས་སོ། །
D488.085.0209a06.01ཐམས་ཅད་ལས་སྔོན་མ་བྱུང་བའི་ལྷ་ཡུལ་དང་རིན་པོ་ཆེ་དང་ཁ་ཟས་དང་བཏུང་བ་དང་གཡོག་འཁོར་ལ་སོགས་པ་སྤྲུལ་ཏེ། ཉེ་བར་ལོངས་སྤྱོད་པ་ལ་ནི་དང་པོའི་རྡོ་རྗེ་སྤྲུལ་པས་སོ། །སྐད་ཅིག་གིས་ས་གཞི་ཐམས་ཅད་འབྲུ་ལ་སོགས་པ་སྨིན་པར་བསྐྱེད་པ་དང་། ཆུའི་ཕུང་པོ་ཆེན་པོ་འབྱུང་བ་དང་།
D488.085.0209a07.01