完整藏文原文 · 德格版页 当前仅加载第 85 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་གསུམ་ལས་རྒྱལ་སྣ་ཚོགས་པ། །ཚར་གཅོད་པ་དང་ཕན་འདོགས་པ། །ཀུན་ལ་རྗེས་ཆགས་ཀུན་གྱི་མཆོག །ཀུན་རིག་དངོས་གྲུབ་ཐམས་ཅད་སྟེར། །འཇིག་རྟེན་ཁམས་ནི་ཐམས་ཅད་དུ། །རང་གི་རྣམ་འཕྲུལ་རབ་སྟོན་བྱེད། །ཀུན་མཆོག་དངོས་གྲུབ་ཆེན་པོ་སྟེ། །དབང་
D488.085.0208b01.01ཕྱུག་ཆེན་པོའི་དབང་ཕྱུག་ཆེ། །གཟུགས་དང་ཚེ་སྟོབས་རྡོ་རྗེ་མཆོག །རྡོ་རྗེ་སེམས་དཔའ་གཉིས་པ་བཞིན། །འགྲོ་བ་རྣམས་ཀྱིས་མཆོད་ཅིང་བརྗོད། །རང་གི་གཉེན་རྣམས་ཀྱིས་བརྟེན་པ། །རྒྱལ་པོ་རྡོ་རྗེ་འཆང་ཆེན་ལྟར། །རྒ་དང་འཆི་བ་མེད་པར་འགྱུར། །གལ་ཏེ་རྡོ་རྗེ་སེམས་དཔའ་འམ། །སངས་རྒྱས་
D488.085.0208b02.01བྱང་ཆུབ་སེམས་ཉིད་འདོད། །དངོས་གྲུབ་ཅི་ལྟར་འདོད་པ་ཉིད། །ཚེ་འདི་ཉིད་ལ་འགྲུབ་པར་འགྱུར། །ཕྱི་མའམ་ནི་འཇིག་རྟེན་པ། །རྟོག་པ་ཀུན་བཤད་ཆོ་ག་འམ། །རང་ཉིད་ཀྱིས་མཛད་ཀྱིས་རྟག་ཏུ། །དངོས་གྲུབ་ཐམས་ཅད་འགྲུབ་འགྱུར་ཞེས། །བཅོམ་ལྡན་རྡོ་རྗེ་དངོས་གྲུབ་ཀྱི། །དབང་ཕྱུག་བདེ་བ་ཆེན་པོ་ནི། །
D488.085.0208b03.01རྡོ་རྗེ་འཆང་བ་ཆེ་རྒྱལ་པོ། །ཀུན་མཆོག་ས་ཡི་དབང་པོས་གསུངས། །དེ་ལ་ཅི་ལྟར་ན་རང་གི་ཕྱག་རྒྱ་སྒྲུབ་པའི་རྒྱུད་ཡིན་ཞེ་ན། །ཕྱག་རྒྱ་ཆེན་པོར་མཉམ་གཞག་ལ། །རང་གི་སྙིང་པོས་ལན་ཅིག་སྒྲུབ། །དྲྀ་ཌྷ་སུ་ཏོ་ཥྱ་སྃ་རཀྟ། སུ་པོ་སིདྡྷ་ཏ་ལ་གུ། དེ་ལ་ཅི་ལྟར་ཡི་གེ་ཧཱུྃ་གི་གླུ་བླངས་པའི་རྒྱུད་ཡིན་ཞེ་ན། རི་དྷི་ཏ་
D488.085.0208b04.01སོགས་ཀྱིས་བརྒྱན་ལྡན། །ཅི་ནུས་པ་དང་ཅི་དགའ་དང་། །གཎྜེ་ལ་སོགས་གླུ་བླངས་པའི། །ཡི་གེ་ཧཱུྃ་གིས་འགྲུབ་པར་འགྱུར། །དེ་ནས་ཕྱག་རྒྱ་ཐམས་ཅད་ཀྱི། །མཆོག་དེ་སྒྲུབ་པའི་རྒྱུད་བཤད་དེ། །གལ་ཏེ་ཕྱག་རྒྱ་སྒྲུབ་འདོད་ན། །དེ་བཞིན་ཡུལ་དང་ལྡན་གྱུར་པས། །རང་ཉིད་ཀྱིས་ནི་རྒྱ་བཅིངས་ལ། །ཡོངས་སུ་མི་སྐྱོའི་བར་
D488.085.0208b05.01དུ་བསྒྲུབ། །དེ་ལ་ཅི་ལྟར་ན་དམ་ཚིག་ཐམས་ཅད་གྲུབ་པའི་རྒྱུད་ཡིན་ཞེ་ན། དམ་ཚིག་ཕྱག་རྒྱ་བཅིངས་ནས་ནི། སེམས་སྟྭཾ་ཞེས་བརྗོད་ལ། །རང་གི་སྙིང་གར་རིམ་བཞིན་དུ། །ཕྱག་རྒྱའི་མཆོག་དེ་བསྒྲུབ་པར་བྱ། །དེ་ནས་ལས་ཀྱི་ཕྱག་རྒྱའི་མཆོག་སྒྲུབ་པའི་རྒྱུད་ནི། །རྡོ་རྗེ་གར་གྱི་མཆོད་པ་ཡིས། །ཡོངས་སུ་མི་སྐྱོའི་བར་བསྒྲུབས་ན། །
D488.085.0208b06.01མཆོད་པ་ཀུན་སོགས་ལས་རྣམས་ནི། །ཚེ་འདི་ཉིད་ལ་འགྲུབ་པར་འགྱུར། །རྡོ་རྗེ་འཆང་ཆེན་ཉིད་དང་ནི། །སངས་རྒྱས་བྱང་ཆུབ་སེམས་དཔའ་ཉིད། །གཞན་ཡང་དངོས་གྲུབ་ཐམས་ཅད་ནི། །དམ་པ་མྱུར་དུ་འགྲུབ་པར་འགྱུར། །རྟོག་པ་ཐམས་ཅད་ཀྱི་སྒྲུབ་པ་ཆེན་པོ་དོན་ཡོད་པར་འགྲུབ་པའི་ཆོ་ག་རྒྱས་པའི་རྒྱུད་དོ།།
D488.085.0208b07.01