完整藏文原文 · 德格版页 当前仅加载第 85 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་བྱིན་གྱིས་བརླབས་པའི་སྒྲུབ་པ་ཆེན་པོའི་རྒྱུད་ཅི་ལྟར་ཡིན། རང་ལྷ་རྣལ་འབྱོར་ཇི་བཞིན་དུ། །ལྷ་ཀུན་བདག་ཉིད་སྐུ་རྣམས་ཀྱིས། །རང་ལྷའི་རྣལ་འབྱོར་བདག་ཉིད་ཀྱིས། །རང་ལྷག་ལྷ་ཉིད་བསྒྲུབ་པར་བྱ། །དེ་ནས་མཆོག་ཏུ་གསང་བ་དམ་
D488.085.0227a01.01པའི་དཔལ་དམ་ཚིག་གསུམ་གྱི་ཀུན་མཆོག་དངོས་གྲུབ་ཆེན་པོའི་དབང་ཕྱུག་ཆེན་པོའི་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་མཆོག་ཏུ་མི་འགྱུར་བ་དམ་པ་བླ་ན་མེད་པའི་དགའ་བ་དང་། རབ་ཏུ་དགའ་བ་དང་བདེ་བ་དང་ཡིད་བདེ་བ་ཐམས་ཅད་ཀྱི་དངོས་གྲུབ་དམ་
D488.085.0227a02.01པའི་ཆོ་ག་རྒྱས་པ་རྗེས་སུ་གྲུབ་པ་ནི་འདི་ཡིན་ཏེ། རང་ལྷའི་སྦྱོར་བ་ཇི་བཞིན་དུ། །རྡོ་རྗེ་ཀུན་མཆོག་སྐུ་རྣམས་ཀྱིས། །གླུ་དང་རོལ་མོའི་ཆོ་ག་ནི། །རྡོ་རྗེ་ཉིད་ཀྱིས་རྗེས་ཆགས་འགྱུར། །རང་ལྷའི་སྦྱོར་བ་ཇི་བཞིན་དུ། །དབྱངས་ཀྱི་རྩ་བ་རྣམ་སད་པས། །གླུ་དང་
D488.085.0227a03.01རོལ་མོའི་ཆོ་ག་ནི། །དྲིལ་བུ་ཉིད་ཀྱིས་རྗེས་སུ་བརྗོད། །རང་ལྷའི་སྦྱོར་བ་ཇི་བཞིན་དུ། །སྣ་ཚོགས་ཕྱག་རྒྱའི་བདག་པོ་མཆོག །གླུ་དང་རོལ་མོའི་ཆོ་ག་ནི། །དམ་ཚིག་གིས་ནི་རྗེས་བསྒྲུབ་བྱ། །འདི་ཡིས་རྟོག་པ་ཐམས་ཅད་ལ། །རྡོ་རྗེ་འབེབས་པས་རབ་སད་པས། །
D488.085.0227a04.01རང་གི་ལྷ་ཡི་དམ་ཚིག་ནི། །ཐམས་ཅད་བཞི་འགྱུར་འགྲུབ་པར་འགྱུར། །མཆོག་ཏུ་གསང་བ་དམ་པའི་དཔལ། །དམ་ཚིག་གསུམ་གྱི་གླུ་ཆེན་པོ་དང་། རོལ་མོའི་ཆོ་ག་མཆོག་ཏུ་གསང་བ་མཆོག་ཏུ་གྲུབ་པ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ནས་དེ་རྗེས་
D488.085.0227a05.01གནས་ཅི་བཞིན། །ཇི་སྙེད་པ་དང་ཅི་བདེ་བས། །མེ་ཏོག་སྤོས་ཀྱིས་མཆོད་ནས་ནི། །ཁང་པའམ་སྐྱེད་མོས་ཚལ་སོགས་སུ། །བདག་ཉིད་ཅི་འདོད་རབ་བསྒྲུབས་ནས། །ཇི་སྙེད་རྒྱན་དང་གོས་དང་ལྡན། །སྣ་ཚོགས་གོས་ཀྱིས་ཡང་དག་བཀླུབས། །མེ་ཏོག་ཕྲེང་བཅས་ཁ་དྲི་ཞིམ། །
D488.085.0227a06.01ལུགས་མ་འམ་ནི་བརྡུངས་པའམ། །འདུས་པའམ་ནི་རི་མོར་བྲིས། །དང་པོའི་འཁོར་ལོ་དེ་མདུན་དུ། །ཆོ་ག་བཞིན་དུ་བཞུགས་གསོལ་ནས། །རང་ལྷའི་རྣལ་འབྱོར་ཇི་བཞིན་དུ། །རྡོ་རྗེ་དྲིལ་བུ་རབ་སད་པས། །ཐམས་ཅད་དགུག་དང་མཆོད་པ་ཆེ། །བདག་བྱིན་རླབས་སོགས་
D488.085.0227a07.01