完整藏文原文 · 德格版页 当前仅加载第 85 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
གནས། །རྡོ་རྗེ་སེམས་དཔའ་དངོས་སུ་ནི། །མྱུར་དུ་ཐམས་ཅད་ལ་ཡང་ཞུགས། །དེ་ནས་དེ་བཞིན་གཤེགས་པ་འབྱུང་བ་ཤེས་པའི་རྒྱུད་ནི། འདོད་ལས་ཆགས་པ་དགའ་ལས་བདེ། །བདེ་ལས་སྡིག་པ་སྡིག་ལས་སྡུག །སྡུག་ལས་ཏིང་འཛིན་ཤིན་ཏུ་བརྟན། །
D488.085.0197b01.01རྡོ་རྗེ་ཉིད་ལས་སངས་རྒྱས་འབྱུང་། །དེ་ནས་དེ་བཞིན་གཤེགས་པའི་རིགས་ལ་སོགས་པ་འབྱུང་བ་ཤེས་པའི་རྒྱུད་ནི། དེ་བཞིན་གཤེགས་པའི་རིགས་དེ་ཉིད། །དེ་ཉིད་རྡོ་རྗེ་རིགས་ཆེན་པོ། །དེ་ཉིད་པདྨའི་རིགས་དག་པ། །དེ་ཉིད་ནོར་བུའི་རིགས་མཆོག་བཤད། །དེ་ནས་
D488.085.0197b02.01མངོན་པར་བྱང་ཆུབ་པ་ཤེས་པའི་རྒྱུད་ནི། རང་སེམས་སོ་སོར་རྟོགས་པ་ནི། །བྱང་ཆུབ་སེམས་ནི་ཡང་དག་འབྱུང་། །རྡོ་རྗེ་ཉིད་ཕྱིར་སངས་རྒྱས་ཉིད། །བདག་ཉིད་སངས་རྒྱས་རབ་ཏུ་བསྒོམ། །དེ་བཞིན་གཤེགས་པ་བདུད་ཉིད་དུ་ཤེས་པའི་རྒྱུད་ནི། །རང་སེམས་ཉིད་ནི་བདུད་
D488.085.0197b03.01ཉིད་དེ། །སེམས་ཉིད་དེ་བཞིན་གཤེགས་པ་ཡིན། །རང་གི་སེམས་ནི་འདུལ་བའི་ཕྱིར། །སངས་རྒྱས་བདུད་ཉིད་དུ་ནི་འབྱུང་། །དེ་ནས་རྟོག་པ་ཐམས་ཅད་སྒྲུབ་པ་ཤེས་པའི་རྒྱུད་ནི། །རྟོག་པ་ཀུན་ལ་གྲུབ་བྱ་གང་། །རྒྱུ་བ་དང་ནི་མི་རྒྱུ་ཡིན། །རང་གི་ལྷ་ཡི་རྣལ་འབྱོར་གྱིས། །
D488.085.0197b04.01དེ་དག་ཐམས་ཅད་བསྒྲུབ་པར་བྱ། །དེ་ནས་དང་པོའི་སྙིང་པོ་སྒྲུབ་པ་ཤེས་པའི་རྒྱུད་ནི། བཟླས་པའི་དོན་ཤེས་ནུས་པ་ཡིས། །རྡོ་རྗེ་སེམས་དཔའ་རབ་བསྒྲུབ་སྟེ། །ཅི་སྲིད་འདོད་པའི་བཟླས་པ་མཆོག །དངོས་གྲུབ་ཆེན་པོའི་བདེ་བ་སྟེར། དེ་ནས་སྙིང་པོ་དང་། ཕྱག་རྒྱ་དང་
D488.085.0197b05.01སྔགས་དང་། རིག་པ་ཤེས་པ་སྒྲུབ་པའི་རྒྱུད་ནི། སེམས་དཔའ་གང་གི་སྙིང་པོ་དང་། །ཕྱག་རྒྱ་སྔགས་དང་རིག་པ་དང་། །བཟླས་པའི་དོན་དུ་སེམས་དཔའ་ཆེ། །བདག་ཉིད་དམ་ནི་བསྒྲུབ་བྱ་བ། །དེ་ནས་དངོས་གྲུབ་ཤེས་པའི་རྒྱུད་ནི། རྡོ་རྗེ་སེམས་དཔའི་དངོས་གྲུབ་
D488.085.0197b06.01ཆེ། །དེ་བཞིན་དེ་བཞིན་གཤེགས་ཀུན་གྱི། །རྡོ་རྗེ་སེམས་དཔའ་སེམས་དཔའ་ཉིད། །ལས་ཀུན་མཆོག་གི་དངོས་གྲུབ་ཕྱིར། །དེ་ནས་བསོད་ནམས་མེད་པ་རྣམས་ཀྱི་དངོས་གྲུབ་གྲུབ་པ་ཤེས་པའི་རྒྱུད་ནི། ཅི་འདོད་འཁོར་ལོ་བྲིས་ནས་ནི། །ཅི་ཡང་རུང་བའང་ཐལ་
D488.085.0197b07.01