完整藏文原文 · 德格版页 当前仅加载第 85 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
ནི། །ཐམས་ཅད་ཉིད་ནི་བསྒྲུབ་པར་བྱ། །སངས་རྒྱས་ཀུན་དངོས་ཐམས་ཅད་ནི། །རྟག་ཏུ་མཐོང་ཞིང་གྲུབ་པར་འགྱུར། །དམ་ཚིག་ཆེན་པོ་དེ་ཉིད་ནི། །མཁས་པ་གང་ཞིག་དད་པས་ཀློག །དེ་ནི་སྡིག་ཀུན་དང་བྲལ་བས། །དངོས་གྲུབ་ཀུན་གྱི་དབང་ཕྱུག་འགྱུར། །ཞེས་བྱ་བ་དམ་ཚིག་ཆེན་པོའི་དེ་ཁོ་ན་
D488.085.0265a01.01ཉིད་དོ། །དེ་ལྟར་དཔལ་མཆོག་དང་པོའི་ཆོ་ག་མཉམས་མཆོག་གི་བླ་མ་གསལ། །མཆོག་ཏུ་གསང་བསྒྲུབ་པའི་ཆོ་ག་བདེ་མཆོག་མྱུར་དུ་གྲུབ་ཕྱིར་གསོལ། །རྡོ་རྗེ་མཆོག་འཛིན་དང་བཅས་བདེ་གཤེགས་སྲས་བཅས་རྣམས་ཀྱིས་བྱིན་བརླབས་པ། །བདེ་ཆེན་དམ་པ་རྡོ་རྗེ་འཛིན་པ་དགའ་ཆེན་མཆོག་གིས་དེ་
D488.085.0265a02.01གསུངས་སོ། །དཔལ་མཆོག་དང་པོ་ལས་མཆོག་ཏུ་གསང་བའི་ཆོ་ག །དེ་ནས་སྟོན་པ་རྡོ་རྗེ་འཛིན། །མཁའ་ལྟར་ཐུག་མེད་ཀུན་ཏུ་འགྲོ། །སངས་རྒྱས་ཀུན་གྱིས་བསྟོད་ནས་ནི། །རྟོག་པའི་མཐར་ཐུག་དོན་གསུངས་སོ། །བདག་གི་སྙིང་པོ་དང་འདི་མཆོག་ཆེན་པོའོ། །བདེ་ཆེན་མཆོག་གི་མཆོག་དང་རྗེས་སུ་
D488.085.0265a03.01ཆགས་པ་ཆེ། །ཀུན་མཆོག་སེམས་དཔའ་རྣམས་ཀྱི་རྟག་ཏུ་འབྱུང་གནས་ནི། །ཀུན་མཆོག་འབྱོར་པའི་དབང་ཕྱུག་འདི་ནི་གསོ་བ་ཡིན། །མཐའ་ཡས་པ་དང་ཐོག་མེད་མཐར་ཐུག་མེད་པ་ནི། །མཆོད་བྱ་ཆེན་པོ་ཐམས་ཅད་རྣམས་ཀྱི་ཚུལ་ཆེན་པོ། །ནམ་མཁའ་དང་མཚུངས་མཆོག་གི་དངོས་འཕེལ་གསོལ། །
D488.085.0265a04.01དེ་ནི་སུས་ཀྱང་མཐར་ཐུག་བྱེད་པར་ནུས་པ་མིན། །སེམས་ཅན་རྣམས་ནི་དམན་ལ་ཞེན་ཅིང་ཉུང་ལ་དགའ། །དད་པ་མེད་ཅིང་སླུ་བ་བྱེད་ལ་མ་སྦྱངས་པ། །རྟག་ཏུ་རྗེས་སུ་ཆགས་ཤིང་ཆགས་བྲལ་ལ་ཆགས་པ། །དེ་རྣམས་ལ་ནི་ཕན་ཕྱིར་འདི་ནི་མཐར་ཐུག་པའོ། །གང་གི་ཁྱིམ་ན་འདི་གནས་གང་གིས་རབ་ཏུ་བསྒྲུབ་
D488.085.0265a05.01པའམ། །ཡང་ན་ཇི་བཞིན་གསུངས་པ་རྟག་ཏུ་འདིར་སྒྲུབ་བྱེད། །སོ་སོར་ཉམས་སུ་མྱོང་བའི་མཐུ་ཡིས་ཐམས་ཅད་དུ། །བདུད་ཀྱི་ལས་ཚོགས་རྣམས་ཀྱིས་དེ་ནི་གནོད་མི་ནུས། །རྡོ་རྗེ་འཆང་སོགས་སྐུ་ནི་གང་གིས་སྒྲུབ་བྱེད་པ། །གཟུགས་བརྙན་ལ་སོགས་ཐམས་ཅད་འདིར་ནི་ཇི་བཞིན་གསུངས། །དེས་
D488.085.0265a06.01ནི་ཐམས་ཅད་སོ་སོར་ཉམས་མྱོང་ནུས་པར་ལྡན། །བདུད་ཀྱི་ལས་ཚོགས་རྣམས་ཀྱིས་དེ་ནི་གནོད་མི་ནུས། །གང་ཞིག་རྡོ་རྗེ་ལ་སོགས་གཟུགས་བརྙན་ལ་སོགས་པ། །ཇི་ལྟར་འདོད་པ་འདི་དག་ཐམས་ཅད་སྒྲུབ་པར་བྱེད། །རབ་ཏུ་འདོད་པས་ཡི་གེ་ཧཱུྃ་ལས་བྲིས་ནས་ནི། །འདོད་པའི་དངོས་གྲུབ་དེ་ཡིས་
D488.085.0265a07.01