完整藏文原文 · 德格版页 当前仅加载第 85 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་བཏབ་པས་འོངས་ཏེ་མྱུར་དུ་འགྲུབ་པར་འགྱུར་རོ། །གལ་ཏེ་མ་འོངས་ན་འཇིག་པར་འགྱུར་རོ། །བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་ཅེས་བྱ་བའི་སྙིང་པོ་མཆོག་གི་ཕྱག་རྒྱའོ། །རྡོ་རྗེ་མཆོད་ཡོན་རྡོ་རྗེ་ཐལ་མོ་ཤིན་ཏུ་རབ་ཏུ་བརྐྱང་བའི་ཐལ་མོའོ། །དེ་ནས་དང་པོའི་
D488.085.0244b01.01རྡོ་རྗེའི་ཕྱག་རྒྱ་དབུས་མའི་རྡོ་རྗེ་བཟུང་བའི་མེ་ཏོག་གི་ལྕུག་མས་བཟླ་བར་བྱའོ། །རྡོ་རྗེའི་ཆུ་དང་རྡོ་རྗེ་ཁུ་ཚུར་གྱིས་དབང་བསྐུར་ན། ཐམས་ཅད་ཀྱི་བདག་པོ་ཉིད་དང་ཚེ་འཕེལ་བ་ལ་སོགས་པའི་དངོས་གྲུབ་ཐམས་ཅད་ལ་དགོས་པ་ཡིན་པས་བཏུང་བ་བྱས་ན་སྡུག་བསྔལ་ཐམས་ཅད་
D488.085.0244b02.01འཇོམས་པ་ཡིན་ནོ། །དེ་ནས་དང་པོའི་དཀྱིལ་འཁོར་དུ་འཇུག་པའི་ཕྱག་རྒྱ་ནི། བ་དན་གསུམ་དང་ཁ་ཊྭཱྃ་ག། །བཅིངས་ན་ཅི་ནུས་པར་ནི་དགའ། །རྡོ་རྗེ་གར་བསྐོར་དགྲོལ་བ་ཡི། །ཡོངས་སུ་བསྐོར་བར་འཛིན་པ་ཆེ། །ཀ་པུ་ཏ་ཁའི་སྦྱོར་བ་ནི། །སྤྱི་བོར་བཞག་སྟེ་
D488.085.0244b03.01ཕབ་ནས་ཀྱང་། །སྒེག་བཅས་མཛུབ་མོ་མཐེའུ་ཆུང་སོགས། །བཀྲོལ་ནས་རྡོ་རྗེ་ཅན་ལ་དབུལ། །འདི་ཡིས་དཀྱིལ་འཁོར་མ་ཞུགས་ཀྱང་། །རྡོ་རྗེ་སློབ་དཔོན་ཉིད་ཐོབ་འགྱུར། །རང་ཉིད་ཞུགས་པ་ཙམ་གྱིས་ནི། །མཆོད་པས་དོན་ཡོད་གྲུབ་ཕྱིར་རོ། །ཡོངས་
D488.085.0244b04.01སུ་རྫོགས་པའམ་མ་ཚང་བ། །ཡང་ན་སླར་ཡང་ཅི་སྙེད་པའི། །མེ་ཏོག་ལ་སོགས་མཆོད་མཚན་ནས། །ཐུན་མོང་དངོས་གྲུབ་ཀུན་སྩོལ་བའི། །བ་དན་གསུམ་མཆོག་ཁ་ཊྭཱྃ་ག །སྒེག་བཅས་མཐའ་མ་ལ་སོགས་བཀྲོལ། །གློག་འགྱུ་མཆོག་ཏུ་བསྐོར་བ་
D488.085.0244b05.01ཡིས། །རྡོ་རྗེ་གར་ཞེས་དེ་བཤད་དོ། །སྒེག་མོ་དགའ་བའི་རྡོ་རྗེ་ནི། །རྡོ་རྗེ་གར་གྱི་མཆོད་པས་མཆོད། །སྒེག་པ་དང་བཅས་པའི་འཛུམ་པའི་མིག་གིས་ཕྱག་འཚལ་བས་རྡོ་རྗེ་སེམས་དཔའ་དང་དེ་བཞིན་གཤེགས་པ་ཐམས་ཅད་ཀྱང་རྗེས་སུ་ཆགས་པར་བྱས་
D488.085.0244b06.01ནས་ཕྱག་བྱེད་དུ་གཞུག་པའོ། །རྡོ་རྗེ་ཐལ་མོ་བསྐོར་བས་མ་ལུས་པར་བྱས་ནས་ཐམས་ཅད་ལ་བསྟོད་པའི་ཕྱག་རྒྱའོ། །དེ་བཞིན་གཤེགས་པ་ཐམས་ཅད་ལྕགས་ཀྱུ་མཆོག་ནི་རྡོ་རྗེ་བསྡམས་པའི་མཐེ་བོ་བསྟན་པའི་སྐྱིལ་མོ་ཀྲུང་མཛུབ་མོ་གཉིས་བཀུག་པའི་ལུས་ཅན་
D488.085.0244b07.01