完整藏文原文 · 德格版页 当前仅加载第 85 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱུག །སེམས་ཅན་དོན་ནི་བྱེད་པ་ཡིན། །དམ་ཚིག་འདིས་ནི་མཆོག་སྒྲུབ་ཅིང་། །ཅི་བདེ་བར་ནི་སྒྲུབ་བྱེད་པ། །ཉེས་པ་སྤྱད་ཀྱང་སྡིག་ཀུན་གྱིས། །རྣམ་པ་ཀུན་ཏུ་གནོད་མི་འགྱུར། །འདོད་པ་ཆེན་པོ་གྲུབ་པར་འགྱུར། །ཀུན་བདག་དམ་ཚིག་དབང་ཕྱུག་དང་། །ཐམས་ཅད་
D488.085.0229b01.01རྡོ་རྗེ་འཛིན་རྒྱལ་པོ། །ཀུན་མཆོག་དབང་ཕྱུག་དམ་པའོ། །ལས་ཀྱི་ཚོགས་ཀྱི་དངོས་གྲུབ་ཀྱིས། །མ་ལུས་བསྒྲུབས་པས་འགྲུབ་པར་འགྱུར། །བདག་གཞན་ཐམས་ཅད་རྒྱས་བཏབ་པས། །ཡང་ན་བསྒྲུབ་བྱ་ཀུན་ལ་ཡང་། །དོན་ཡོད་མཆོག་ཏུ་གྲུབ་པ་དང་། །རྣལ་
D488.085.0229b02.01འབྱོར་ཐམས་ཅད་རྗེས་སྒྲུབ་བྱེད། །དཔལ་ལྡན་སྡུག་བསྔལ་ཀུན་འཕྲོག་བྱེད། །དམ་ཚིག་འདའ་བར་དཀའ་བའོ། །ཞེས་བྱ་བ་མཆོག་ཏུ་གསང་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རྡོ་རྗེ་ལ་སོགས་ཐོབ་འཛིན་པས། །དངོས་གྲུབ་ཀུན་གྱི་བདེ་བ་ཀུན། །ཕབ་
D488.085.0229b03.01པས་རྡོ་རྗེ་སློབ་མ་ཡིས། །དཀྱིལ་འཁོར་དུ་ནི་ཉམས་སུ་མྱོང་། །དེ་ནས་ཐམས་ཅད་གཟེངས་བསྟོད་པས། །སངས་རྒྱས་ཀུན་གྱི་བདག་ཉིད་དངོས། །རྡོ་རྗེའི་མིང་གིས་དབང་བསྐུར་བས། །དེ་བཞིན་གཤེགས་ནི་ལུང་བསྟན་བྱ། །དེ་ལ་དེ་བཞིན་གཤེགས་པ་ཐམས་ཅད་ཀྱི་ལུང་
D488.085.0229b04.01བསྟན་པའི་རྡོ་རྗེ་སེམས་དཔའི་ཆོ་ག་འདི་ཡིན་ཏེ། སངས་རྒྱས་ཀུན་གྱི་ཕྱག་རྒྱ་ཆེ། །གཟེངས་བསྟོད་པ་ཡི་གང་ལུང་བསྟན། །དེ་ནི་སངས་རྒྱས་ཐམས་ཅད་ཉིད། །རྡོ་རྗེ་མིང་གིས་དབང་བསྐུར་བའོ། །ཨོྃ་འདི་ནི་ངས་ཁྱོད་ལུང་བསྟན་ཏེ། །རྡོ་རྗེ་སེམས་དཔའ་དེ་བཞིན་གཤེགས། །
D488.085.0229b05.01སྲིད་པ་ཤིན་ཏུ་གྲུབ་པའི་ཕྱིར། །སྲིད་པའི་ངན་འགྲོ་ལས་ཁྱོད་སྟོན། །ཧེ་བཛྲ་ན་མཿཏཐཱ་ག་ཏ་སིད་དྷི་ས་མ་ཡ་སྟྭྃ་བྷཱུར་བྷུ་བ་སྭཿ། གང་ལ་གཟེངས་བསྟོད་པ་འདི་དང་ཕྱག་རྒྱ་ཆེན་པོར་ལུང་བསྟན་པ་མཆོག་ཏུ་གསང་བའི་ཆོ་གས་བྱས་པ་དེ་ལ་རྡོ་རྗེ་སེམས་དཔའ་ལ་སོགས་པའི་དེ་བཞིན་གཤེགས་
D488.085.0229b06.01པ་ཐམས་ཅད་དང་རྡོ་རྗེ་འཆང་དང་བཅས་པའི་བྱང་ཆུབ་སེམས་དཔའི་དཀྱིལ་འཁོར་དང་བཅས་པ་དེ་བཞིན་གཤེགས་པ་ཐམས་ཅད་ཀྱི་རང་གི་དམ་ཚིག་གི་སློབ་དཔོན་རྣམས་དང་མགྲིན་གཅིག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་མཛད་དོ། །འདི་ལྟ་སྟེ་གཟེངས་བསྟོད་
D488.085.0229b07.01