完整藏文原文 · 德格版页 当前仅加载第 85 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ཀྱང་། །སེམས་དཔའ་ཆེན་པོ་བཞག་ནས་ནི། །ཉིན་ཞག་བཞིར་ནི་བསྒྲུབ་པར་བྱ། །དེ་ནས་སློབ་དཔོན་ཉིད་ཀྱི་གྲུབ་པ་ཤེས་པའི་རྒྱུད་ནི། །བདེ་བ་ཆེན་པོ་རྡོ་རྗེ་ཡི། །གསང་མཆོག་དམ་ཚིག་གྲོང་ཁྱེར་དུ། །ཅི་བཞིན་རང་ཉིད་རབ་ཞུགས་
D488.085.0198a01.01ཏེ། །བདུད་རྩིའི་ཆུ་ཡིས་དབང་བསྐུར་བྱ། །དེ་ནས་མེ་ཏོག་ལ་སོགས་པའི་མཆོད་པ་འབུལ་བའི་ཤེས་པའི་རྒྱུད་ནི། རྡོ་རྗེ་ཅན་ལ་མཆོད་པ་ཀུན། །དེ་བཞིན་གཤེགས་པའི་རིགས་ལ་དཀར། །རྡོ་རྗེ་བདག་ཉིད་ནག་པོ་སྟེ། །དམར་པོ་པདྨ་ནོར་བུ་སེར། །དེ་ནས་
D488.085.0198a02.01དབུལ་བ་ཤེས་པའི་རྒྱུད་ནི། །རྫོགས་པ་འམ་ནི་མ་ཚང་བ། །ཡང་ན་ཇི་ལྟར་རྙེད་པ་ནི། །རྡོ་རྗེ་གར་སོགས་མཆོད་པ་ཡིས། །རྟག་ཏུ་ཐམས་ཅད་འགྲུབ་པར་འགྱུར། །དེ་ནས་དུས་ཀྱི་མཆོད་པ་ཤེས་པའི་རྒྱུད་ནི། །དྲུག་ལྡན་ལ་སོགས་སྙན་པའི་གླུ། །གླུ་ནི་ཐམས་ཅད་
D488.085.0198a03.01ཅི་འདོད་པས། །རྡོ་རྗེ་འབྱེད་མ་ལ་སོགས་འགྲོལ། །མཆོད་པ་དག་ནི་རབ་ཏུ་བྱ། །དེ་ནས་གསང་བའི་མཆོད་པ་ཤེས་པའི་རྒྱུད་ནི། རྡོ་རྗེ་གར་བཅས་མཆོད་པ་ནི། །{གོ་རིམས་,གོ་རིམ་}ཇི་ལྟ་བ་བཞིན་དུ། །བཟླས་པའི་དོན་གྱིས་མ་བརྗོད་ཀྱང་། །མཆོག་གི་གྲུབ་པ་འགྲུབ་པར་
D488.085.0198a04.01འགྱུར། །དེ་ནས་སྡིག་པ་ཆེན་པོ་བྱེད་པའང་གྲུབ་པ་ཤེས་པའི་རྒྱུད་ནི། །དཀྱིལ་འཁོར་ལ་ནི་མ་ཞུགས་ཀྱང་། །ཚུལ་ཁྲིམས་འཆལ་པ་ལ་སོགས་ཀྱི། །ཏིང་ངེ་འཛིན་གྱི་སྟོབས་ཀྱིས་ནི། །སྡིག་པ་ཀུན་ལས་གྲོལ་བར་འགྱུར། །དེ་ནས་དངོས་གྲུབ་མི་ཐོབ་པའི་རྒྱུ་ཤེས་
D488.085.0198a05.01པའི་རྒྱུད་ནི། ཆགས་པ་སྨད་པར་མི་བྱ་སྟེ། །རྣམ་དག་དེ་བཞིན་བདེ་བ་སྟེ། །བཅོམ་ལྡན་འདས་ཀྱང་ཆགས་པ་ཆེ། །འདི་མ་དག་པས་འགྲུབ་མི་འགྱུར། །དེ་ནས་མཆོག་གི་དངོས་གྲུབ་སྒྲུབ་པ་ཤེས་པའི་རྒྱུད་ནི། ཇི་བཞིན་ཡུལ་དང་ལྡན་གྱུར་ནས། །མཆོག་གི་དངོས་
D488.085.0198a06.01གྲུབ་བསྒྲུབ་པར་བྱ། །རྟོག་པ་ཀུན་ལ་རྣལ་འབྱོར་འདི། །ཚེ་འདི་ཉིད་ལ་སྒྲུབ་པར་བྱེད། །བདེ་བ་ཆེན་པོ་རྡོ་རྗེ་གསང་བའི་རྟོག་པའི་རྒྱལ་པོ་ཆེན་པོའི་རྡོ་རྗེ་རིན་པོ་ཆེ་རིན་པོ་ཆེ་ལས་རྟོག་པ་ཐམས་ཅད་ཀྱི་རྒྱུད་ཕྱི་མའི་ཆོ་ག་རྒྱས་པའོ།། །།དེ་ནས་བཅོམ་ལྡན་འདས་རྟོག་པ་དེ་
D488.085.0198a07.01