完整藏文原文 · 德格版页 当前仅加载第 85 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལྟར་མཆོག་ཏུ་དགའ་བ་རབ་ཏུ་འདོད་པ་ནི། །མཆོག་ཏུ་དགའ་བ་དག་པ་དམ་པའི་དངོས་གྲུབ་འགྲུབ། །གསལ་ཞིང་རྣམ་པར་རྒྱལ་བ་ཡི། །རྒྱལ་བའི་རས་རིས་ཆེན་པོ་འདི། །ཐམས་ཅད་
D488.085.0225a01.01གཟིགས་པ་རྣམས་མཆོད་པ། །ཆེན་པོ་ཡིས་ནི་དཔལ་འདིར་རོལ། །འཁོར་ལོ་དེ་ནི་བརྟགས་བྱས་ནས། །མཆོག་ཏུ་གསང་བའི་དཀྱིལ་འཁོར་ནི། །རྣམ་པར་དབེན་པའི་ཁང་པར་རམ། །ཡང་ན་སྐྱེད་མོས་ཚལ་སོགས་སུ། །དེ་བཞིན་གཤེགས་མཆོག་ཆེན་པོ་
D488.085.0225a02.01ཡི། །རས་རིས་རྒྱལ་པོ་སོགས་ཀྱིས་བརྒྱན། །དྲིལ་བུ་དང་བཅས་ཡིད་དགའ་བའི། །བླ་རེ་ཕུལ་བས་མཆོག་གྱུར་པའི། །རྡོ་རྗེ་གླུ་ཡི་མཆོད་སོགས་དང་། །གླུ་དང་རོལ་མོ་རྣམ་འཕྲུལ་བ། །མེ་ཏོག་སྤོས་སོགས་རབ་སྦྱོར་བ། །མར་མེའི་སྦྱོར་བས་ཡང་དག་
D488.085.0225a03.01མཆོད། །ཁང་པ་སུམ་བརྩེགས་དཀྱིལ་འཁོར་དུ། །མཆོག་གི་གསང་བ་བསྒྲུབ་པར་བྱ། །ཡང་ན་བདག་ཉིད་ཁོ་ན་མཆོག །རང་གི་ལྷག་པའི་ལྷར་བསྒོམ་བྱ། །དེ་ནས་འཁོར་ལོར་མ་ཞུགས་ཀྱང་། །རང་ཉིད་ཀྱིས་ནི་རྟག་ཞུགས་ནས། །རྡོ་རྗེ་ཀུན་འཆང་སློབ་དཔོན་ནི། །
D488.085.0225a04.01དངོས་གྲུབ་ཀུན་ལ་འགྲུབ་པར་འགྱུར། །རང་ཉིད་ཁྲུས་བྱས་དྲི་ཞིམ་བསྒོས། །ཇི་སྙེད་རྒྱན་དང་གོས་དང་ལྡན། །སྣ་ཚོགས་གོས་ཀྱིས་ཡང་དག་བཀླུབས། །ཕྲེང་བཅས་ཁ་ནི་དྲི་ཞིམ་པ། །རྡོ་རྗེ་སེམས་དཔའི་སྦྱོར་བ་ཡིས། །མེ་ཏོག་སྤོས་དང་དྲི་སྣོད་བཅས། །རྡོ་རྗེ་གླུ་ནི་འདི་
D488.085.0225a05.01དག་གིས། །གར་བྱེད་གྲོང་ཁྱེར་འཇུག་པར་བྱ། །དེ་ལ་མཆོག་ཏུ་གསང་བའི་དཔལ་དམ་ཚིག་གསུམ་འཇུག་ལ་མཆོག་ཏུ་གསང་བའི་གླུའི་མཆོད་པ་མཆོག་ཏུ་གྲུབ་པ་འདི་ཡིན་ཏེ། དངོས་གྲུབ་ཀུན་གྱི་བདེ་བ་ཉམས་དགའ་བའི། །ཐར་པའི་གྲོང་དུ་བཅོམ་ལྡན་བདེ་ཆེན་འཇུག །
D488.085.0225a06.01མཆོག་ཏུ་བདེ་བ་དམ་པའི་དངོས་གྲུབ་ཀྱིས། །ཛཿཧཱུྃ་བྃ་ཧོཿརབ་ཏུ་གྲུབ་པར་མཛོད། །རབ་ཏུ་ཞུགས་ཏེ་གཡོན་པ་ཡིས། །རྡོ་རྗེའི་མིག་གིས་མགོན་ལ་འདུད། །གཡོན་པ་བསྙེམས་པ་ཅུང་ཟད་བཞད། །བསྟོད་ཅིང་མཛེས་པའི་མིག་བཙུམས་པ། །དེ་ལ་མཆོག་ཏུ་གསང་བ་
D488.085.0225a07.01