完整藏文原文 · 德格版页 当前仅加载第 85 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་རྒྱལ་པོ་ཆོས་ཐམས་ཅད་རང་བཞིན་གྱིས་རྣམ་པར་དག་པའི་ཆོས་ཉིད་ཀྱི་ཡེ་ཤེས་ཀྱི་རྡོ་རྗེ་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ཏེ་གང་ལ་གཟིགས་པས་དེ་བཞིན་གཤེགས་པ་ཐམས་ཅད་ཁམས་གསུམ་པ་ཐམས་ཅད་ཀྱི་དབང་
D488.085.0217b01.01ཕྱུག་ཐམས་ཅད་ཉིད་ཐུགས་སུ་ཆུད་པར་གྱུར་པའོ། །བསྙེམས་པས་པདྨ་གཡོན་པ་ནི། །བཟུང་སྟེ་འདབ་མ་འབྱེད་མཛད་པས། །ཅི་ནུས་པ་ཡི་ཏིང་འཛིན་གྱིས། །རང་བཞིན་གྱིས་ནི་གཟིགས་པར་མཛད། །ཅི་ལྟར་པདྨ་དམར་པོ་འདི། །ཚོན་གྱི་ཉེས་པས་མི་གོས་པ། །གནས་ཀྱི་ཉེས་པ་སྣ་ཚོགས་
D488.085.0217b02.01པའི། །ཁམས་གསུམ་པ་ནི་དེ་བཞིན་དག །འདི་ལ་གཟིགས་པ་ལ་སོགས་པས། །རྒྱལ་བ་རྣམས་ནི་དབང་པོར་གྱུར། །དེ་ཡིས་རྡོ་རྗེ་སེམས་དཔའ་ནི། །སྤྱན་རས་གཟིགས་ཀྱི་དབང་ཕྱུག་གྱུར། །དེ་ནས་སྒོམ་པའི་སྙིང་པོ་འདི། །དག་པར་བསྒོམས་པས་སྒོམ་པ་ན། །རྡོ་རྗེ་འཆང་བ་ཆེན་
D488.085.0217b03.01པོ་ནི། །པདྨ་ཆེན་པོ་འཆང་བར་འགྱུར། །གསེར་སྦྱངས་རི་ཡི་དབང་པོ་ནི། །རྒྱལ་པོ་ཆེ་དང་མདངས་མཉམ་པ། །བསྙེམས་པ་གཡོན་པའི་པད་མཆོག་གི། །གཡས་པ་མཆོག་ལ་རྣམ་པར་གཟིགས། །དེ་ནས་པདྨའི་འདབ་མ་ལ། །པདྨ་ཆེན་པོ་མཆོག་འཛིན་པ། །སངས་རྒྱས་ལ་
D488.085.0217b04.01སོགས་འབྱུང་བ་ཡི། །འཁོར་ལོ་རྣམས་ནི་འདུལ་བའི་མཆོག །འགྲོ་བ་སྣ་ཚོགས་འདུལ་མཛད་པ། །བཞུགས་པ་རབ་ཏུ་བྲི་བར་བྱ། །དཀྱིལ་འཁོར་ཆེན་པོའི་ཚུལ་གྱིས་ནི། །དེ་ལ་པདྨ་དགེ་བ་དེར། །འགྲོ་བ་ཐམས་ཅད་རྣམ་སྦྱོང་བའི། །ཚུལ་གྱིས་འདུལ་བར་མཛད་པ་ན། །པདྨའི་
D488.085.0217b05.01རིགས་མཆོག་སྟོན་པའི་ཕྱིར། །རྒྱལ་རྣམས་ཀྱིས་གསོལ་བ་བཏབ། །དེ་ནས་ཐམས་ཅད་འདུལ་མཛད་ཅིང་། །ཤིན་ཏུ་དཀར་བའི་ཆོས་འཛིན་པ། །རྡོ་རྗེ་ཆོས་ཏེ་རང་རྒྱལ་པོ། །འཇིག་རྟེན་དབང་པོས་བཀའ་སྩལ་པ། །ཕྱི་ནི་དཀྱིལ་འཁོར་ཆེན་པོ་ལ། །པདྨ་འདབ་མ་བརྒྱད་
D488.085.0217b06.01པ་བྲི། །དེ་ཡི་དབུས་སུ་སྤྱན་འཛུམ་པ། །འཇིག་རྟེན་དབང་ཕྱུག་དགོད་པར་བྱ། །གསེར་སྦྱངས་ལྟ་བུའི་པདྨ་ནི། །གཡོན་བསྙེམས་ཚུལ་གྱིས་གཟིགས་མཛད་པ། །རྒྱལ་མཚན་ཀུན་གྱིས་རྣམ་པར་སྤྲས། །སངས་རྒྱས་སྐུ་མཆོག་སྤྱི་བོར་བཞུགས། །དེ་ཡི་ངོས་ནི་ཐམས་ཅད་དུ། །
D488.085.0217b07.01