完整藏文原文 · 德格版页 当前仅加载第 85 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུབ་པར་བྱ། །སྔོན་དུ་ལན་ཅིག་བསྒྲུབ་བྱས་ནས། །དེ་ནས་དེ་རྗེས་ཅི་འདོད་པར། །ཅི་འདོད་པ་དང་ཅི་སྨྲ་བ། །ཐམས་ཅད་བཟའ་ཞིང་ཐམས་ཅད་བྱེད། །ལངས་པའམ་ནི་འདུག་པའམ། །རབ་ཏུ་དགོད་དམ་སྨྲ་བའམ། །ཇི་བཞིན་དེ་བཞིན་དེ་དང་དེར། །ཇི་འདོད་
D488.085.0227b01.01པར་ནི་དེ་བཞིན་གཞག །གསང་བ་མཆོག་གི་འཁོར་ལོ་ནི། །མེ་ཏོག་སོགས་ཀྱིས་མཆོད་ནས་ནི། །ཇི་བཞིན་དུ་ནི་རྗེས་བསྒྲུབ་བྱ། །འདིས་ནི་འདོད་པ་ཀུན་དབང་ཕྱུག །འགྲོ་དང་འོང་དང་འདོད་ན་ཕུར། །དངོས་གྲུབ་ཀུན་གྱི་དབང་ཕྱུག་འགྲུབ། །རྒ་ཤི་མེད་པའི་གཙོ་
D488.085.0227b02.01བོར་འགྱུར། །རྡོ་རྗེ་སེམས་དཔའ་གྲུབ་ཆེན་པོ། །ཕྱག་རྒྱ་ཀུན་གྱི་དབང་ཕྱུག་བདག །རྡོ་རྗེ་ཀུན་འཛིན་རྒྱལ་པོ་ནི། །རྡོ་རྗེ་མཚོན་ཆ་ཐམས་ཅད་འཛིན། །མི་ཐུབ་པ་དང་མི་སོད་ཅིང་། །ཐམས་ཅད་བྱེད་ཅིང་ཀུན་གྱི་རྟེན། །སེམས་ཅན་ཀུན་གྱི་རྒྱལ་པོ་ཆེ། །ཚར་གཅོད་རྗེས་
D488.085.0227b03.01སུ་བཟུང་བར་ནུས། །ཀུན་མཆོག་རྗེས་སུ་ཆགས་པ་ཆེ། །འདོད་པ་འགྲུབ་པ་བདེ་བའི་མཆོག །ཀུན་ལས་རྣམ་རྒྱལ་གྲུབ་འགྱུར་ཏེ། །ཀུན་མཆོག་དབང་ཕྱུག་དམ་པ་ཡིན། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོའི་གོ་འཕང་གནས། །རྒྱལ་པོ་
D488.085.0227b04.01རྡོ་རྗེ་ཀུན་འཛིན་པ། །སངས་རྒྱས་ཐམས་ཅད་རབ་འགྲུབ་འགྱུར། །དེ་ལྟར་མཆོག་ཏུ་རྗེས་ཆགས་དགའ་བ་པདྨའི་ར་བ་ཆེ། །མཆོག་ཏུ་གསང་བ་གྲུབ་པའི་བླ་ན་མེད་པའི་དངོས་གྲུབ་སྩོལ། །མཆོག་གི་རྒྱལ་མཚན་བསྒྲེང་བས་གང་ཞིག་རྗེས་སུ་བསྟེན་པ་སྟེ། །མཆོག་གི་
D488.085.0227b05.01དངོས་གྲུབ་དབང་ཕྱུག་ཆེན་པོ་ཉིད་དེས་ཉམས་མྱོང་བ། །ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དཔལ་མཆོག་དང་པོ་ལས་གསང་བ་ཆེན་པོ་དམ་པའི་དཔལ་དམ་ཚིག་གསུམ་དང་དངོས་གྲུབ་ཐམས་ཅད་དགུག་པ་དང་། མཆོད་པ་ཆེན་པོ་དང་། བདག་
D488.085.0227b06.01ལ་བྱིན་གྱིས་བརླབ་པ་ལ་སོགས་པའི་ཆོ་ག་རྒྱས་པའོ།། །།གསང་བ་མཆོག་ནི་དགྱེས་པ་དང་། །སངས་རྒྱས་ཀུན་གྱི་རྗེས་བསྟན་པ། །རྡོ་རྗེ་སེམས་དཔའ་རང་གི་གནས། །ཐམས་ཅད་བདག་ཉིད་རྟག་ཏུ་བཞུགས། ཐོག་མཐའ་མེད་པའི་སེམས་དཔའ་ནི། །རྡོ་
D488.085.0227b07.01