完整藏文原文 · 德格版页 当前仅加载第 85 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
གཡོགས་པ་རྣམས། །ཅི་འདོད་དངོས་གྲུབ་འདོད་པ་ཡིས། །སློབ་མ་ཐམས་ཅད་གཞུག་པར་བྱ། །ཅི་འདོད་དངོས་གྲུབ་སེམས་དཔའ་ཡིས། །སློབ་མ་མེ་ཏོག་འདོར་དུ་གཞུག །ཕྱག་རྒྱ་གང་ལ་དེ་བབས་པའོ། །དེ་དེའི་ལྷ་མོ་བསྒྲུབ་པར་བྱ། །དེ་ནས་གདོང་གཡོགས་
D488.085.0228b01.01དགྲོལ་བྱས་ལ། །རྣམ་པ་ཀུན་གྱི་ཡོན་བླངས་ནས། །སངས་རྒྱས་རིན་ཆེན་དབང་བསྐུར་གྱིས། །དམ་ཚིག་གསུམ་ནི་གསལ་བར་སྦྱིན། །དེ་ལ་རྡོ་རྗེ་ཆེན་པོའི་མནའི་ཆུས་དབང་བསྐུར་ཏེ། །འདི་ལྟར་བརྗོད་པར་བྱའོ། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་
D488.085.0228b02.01པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །རྡོ་རྗེ་དྲིལ་བུའི་ཕྱག་རྒྱ་ནི། །གལ་ཏེ་དཀྱིལ་འཁོར་མ་མཐོང་སྨྲས། །སྐྱེ་བོ་འདུས་པའི་ནང་ན་གནས། །དད་པ་མེད་པས་བཞད་གད་སྨོད། །ཞེས་བྱ་བས་མནའ་བསྒག་གོ། །དེ་ལ་སངས་
D488.085.0228b03.01རྒྱས་ཀྱི་རིན་པོ་ཆེའི་དབང་བསྐུར་བའི་ཆོ་ག་ནི་འདི་ཡིན་ཏེ། །རྡོ་རྗེ་ཆུ་ཡིས་དབང་བསྐུར་ནས། དེ་བཞིན་གཤེགས་པ་ཐམས་ཅད་ཀྱི་སྐུའི་མཆོག་དབང་བསྐུར་བའི་གནས་སུ་བཞག་སྟེ། ཨོྃ་སརྦ་ཏ་ཐཱ་ག་ཏ་མ་ཧཱ་ས་མ་ཡ་ཨ་དྷི་པ་ཏི་སྟྭྃ་ཨ་བྷི་ཥྭིཉྩཱ་མི་མ་ཧཱ་བཛྲ་དྷ་ར་ཞེས་བྱ་བའི་སྔགས་འདིས་རྡོ་རྗེ་ལག་ཏུ་
D488.085.0228b04.01སྦྱིན་པར་བྱའོ། །འདི་ནི་སངས་རྒྱས་ཐམས་ཅད་ཉིད། །རྡོ་རྗེ་འཆང་གི་རྡོ་རྗེ་སྟེ། །རྡོ་རྗེ་འཆང་གི་བརྟུལ་ཞུགས་ཆེ། །ཁྱོད་ཀྱིས་ཀྱང་ནི་རྟག་ཏུ་བཅང་། །དེ་བཞིན་གཤེགས་པ་ཐམས་ཅད་ཀྱི། །བྱང་ཆུབ་མཆོག་གི་སེམས་ཆེན་པོ། །ཡོངས་སུ་མི་སྤང་རྟག་ཏུ་བསྒྲུབས། །ཤིན་
D488.085.0228b05.01ཏུ་གསང་བདེ་འདི་ཡིན་ཏེ། ཨོྃ་བཛྲ་ཀརྨྨ་བཱ་དྷི་དྷི་ཤྲཱི་བཛྲ་ནཱ་མ་སིད་དྷི་ས་མ་ཡ་སྟྭྃ་བྷཱུར་བྷུ་བ་སྭཿ། གང་ལ་རྡོ་རྗེའི་མིང་བཏགས་པ་དེ་ལ་ཀྱེའི་སྒྲ་དང་པོར་སྦྱར་བར་བྱའོ། །དེའི་མིང་དེ་ཡང་ཇི་སྲིད་བྱང་ཆུབ་སྙིང་པོའི་མཐར་ཐུག་པའི་བར་གྱི་དེ་བཞིན་གཤེགས་པའི་ཡང་མིང་དུ་འགྱུར་རོ། །དེ་ལ་
D488.085.0228b06.01མཆོག་ཏུ་གསང་བ་དམ་པའི་དཔལ་དམ་ཚིག་གསུམ་སྦྱིན་པ་ནི་འདི་ཡིན་ཏེ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་བསྙེམས་ཚུལ་བདག་པོའི་བདག །ཞེས་བྱ་བ་བཅོམ་ལྡན་འདས་དཔལ་མཆོག་དང་པོའི་
D488.085.0228b07.01