完整藏文原文 · 德格版页 当前仅加载第 85 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
དང་སྤྲོ་བ་དང་ནད་མེད་པ་དང་དཔལ་དང་སྐལ་བ་བཟང་པོ་དང་ནོར་དང་འབྲུ་དང་དབང་ཕྱུག་དང་འབྱོར་པ་དང་དངོས་གྲུབ་དང་བློ་དང་རྙེད་པ་དང་བཀྲ་ཤིས་པ་དང་མིང་དང་གྲགས་པ་དང་སྙན་པ་དང་ཏིང་ངེ་འཛིན་དང་ཤེས་རབ་དམ་པ་འགྲུབ་པ་ལ་ནི་པདྨ་ཆེན་པོ་མཆོག་གྲུབ་པས་སོ། །དཔལ་
D488.085.0219a01.01མཆོག་དང་པོའི་རྟོག་པ་ཆེན་པོའི་རྒྱལ་པོ་ལས། ཆོས་ཐམས་ཅད་སྒྲིབ་པ་མེད་པའི་ཡེ་ཤེས་ཀྱི་རྡོ་རྗེའི་ཆོ་ག་རྒྱས་པའོ།། །།དེ་ནས་རྒྱལ་པོ་རྡོ་རྗེ་འཛིན། །ཐམས་ཅད་མི་འགྱུར་ནམ་མཁའ་ཆེ། །ཐམས་ཅད་དབང་བསྐུར་ཀུན་གྱི་དོན། །ཀུན་དབང་རིན་ཆེན་ཐམས་ཅད་འཛིན། །ཏིང་
D488.085.0219a02.01ངེ་འཛིན་གྱིས་བྱིན་གྱིས་བརླབས། །དྲག་པོ་ཆེན་པོ་རབ་སད་མཛད། །ཆོས་རྣམས་ལ་ནི་རྣམ་གཟིགས་པས། །ཀུན་དོན་དབང་ཕྱུག་གདོད་ནས་བྱུང་། །ཉི་ཟླ་དང་ནི་གཟའ་སྐར་ཅན། །ནམ་མཁའ་ཉིད་དུ་གྱུར་པ་ཡིན། །དེ་ནས་རིན་ཆེན་ཏིང་འཛིན་ནི། །ངེས་པར་རྡོ་རྗེ་ཅན་དུ་བརྗོད། །དེ་
D488.085.0219a03.01ནས་ནམ་མཁའ་རྡོ་རྗེ་ཉིད། །ལྗང་སྔོན་བཻ་ཌཱུརྱ་མཉམ་མདངས། །རྡོ་རྗེ་རིན་ཆེན་བསྣམས་དགེ་བ། །ནམ་མཁའི་སྙིང་པོར་ཡང་དག་གྱུར། །དེ་ནས་བཅོམ་ལྡན་ཐོག་མ་འདི། །མཛོད་སྤུ་ཀུན་གྱི་གནས་ན་བཞུགས། །ཏིང་འཛིན་ལ་ནི་རྣམ་གཟིགས་པས། །འཇིག་རྟེན་དབང་ཕྱུག་བདག་
D488.085.0219a04.01པོ་ཉིད། །སངས་རྒྱས་ཐམས་ཅད་སྲས་བཅས་དང་། །དེ་བཞིན་རྡོ་རྗེ་འཛིན་པ་མཆོག །རྡོ་རྗེ་རིན་ཆེན་དེ་ཡིས་ནི། །ཀུན་རིག་ཀུན་གྱིས་དབང་བསྐུར་དང་། །བསམ་པ་ཐམས་ཅད་རྫོགས་བྱའི་ཕྱིར། །ཀུན་མཆོག་ཀུན་ལ་དབང་བསྐུར་ནས། །ཤིས་པ་བརྗོད་པ་འདི་གསུངས་སོ། །
D488.085.0219a05.01ཨོྃ་སརྦ་བཛྲ་ས་ཏྭ་ཨ་ཏི་པ་ཏི་སྟྭྃ་ཨ་བྷི་ཥིཉྩཱ་མི་བྷུར་བྷུ་བ་སྭཿ། དེ་ནས་བཟང་པོས་འདི་གསུངས་ཤིང་། །ལེགས་པར་ཤིས་བརྗོད་དབང་བསྐུར་བས། །རྡོ་རྗེ་རིན་ཆེན་ཆེ་དེ་ལས། །ཆོས་ཀྱི་གཙོ་བོར་བྱུང་བར་གྱུར། །བྱུང་ནས་འགྲོ་བ་ཐམས་ཅད་ནི། །ཅི་རིགས་པར་ནི་ཀུན་དབང་བསྐུར། །
D488.085.0219a06.01རྡོ་རྗེ་ཀུན་གྱིས་དབང་བསྐུར་ནས། །སླར་ཡང་དཀྱིལ་འཁོར་ཚུལ་གྱིས་བཞུགས། །བདེ་གཤེགས་ཀུན་གྱིས་བྱིན་བརླབས་པས། །རྡོ་རྗེ་རིན་ཆེན་བླ་ན་མེད། །ཤིན་ཏུ་དབང་ཕྱུག་ཆེན་པོའི་མཆོག །དངོས་གྲུབ་གསོལ་བའི་རྟོག་པ་གསུངས། །དཀྱིལ་འཁོར་ཆེན་པོའི་ཕྱི་རོལ་ནི། །
D488.085.0219a07.01