完整藏文原文 · 德格版页 当前仅加载第 85 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་པར་སྦྱོར་བ་དང་། དངོས་གྲུབ་དང་། མཆོག་ཐམས་ཅད་བསྒྲུབ་པའོ། །དེ་ནས་ལས་ཀྱི་ཕྱག་རྒྱ་ནི་རྡོ་རྗེ་ཁུ་ཚུར་སྡིགས་མཛུབ་དང་བཅས་པའི་མཛུབ་མོ་ནི་ཁྲོ་བོའི་རྡོ་རྗེ་ཁུ་ཚུར་རོ། །དེ་དག་གི་ལས་དམ་ཚིག་གི་ཕྱག་རྒྱའོ། །མཛུབ་མོའི་སོར་མོ་གཉིས་ཀྱིས་ཐམས་ཅད་དགུག་པའོ། །
D488.085.0251b01.01སྙིང་གར་ཅིག་ཤོས་དང་གཡས་པས་གདུག་པ་ཐམས་ཅད་གཅོད་པའོ། །མཁྲིག་མའི་མདུད་པས་གཡས་པའི་ཁྲོ་བོ་འགུགས་པས་ཐམས་ཅད་དགུག་པ་དང་རབ་ཏུ་གཞུག་པའོ། །སྟོད་པ་དང་བཅས་པའི་མདའ་འཕངས་པའོ། །དེ་བཞིན་དུ་རྡོ་རྗེ་རྩེ་གསུམ་པ་ལ་སོགས་པའི་རྡོ་རྗེ་གར་གྱི་
D488.085.0251b02.01སྦྱོར་བས་རང་གི་ཕྱག་རྒྱ་གྱེན་དུ་འཕངས་པའོ། །ལས་ཀྱི་དམ་ཚིག་གི་ཕྱག་རྒྱ་གྱེན་དུ་འཕངས་པའོ། །ལས་ཀྱི་དམ་ཚིག་གི་ཕྱག་རྒྱ་གཉིས་སུ་བྱས་ལ་རྡོ་རྗེ་ཐལ་མོ་རྣམས་ཀྱི་ལས་ཀྱི་ཕྱག་རྒྱ་སྟེ་རྡོ་རྗེ་གར་གྱི་སྦྱོར་བ་རང་གི་དམ་ཚིག་གི་ཕྱག་རྒྱ་སྟེང་དུ་དོར་བ་སྟེ་ཐམས་ཅད་ལ་རྒྱས་གདབ་པ་དང་།
D488.085.0251b03.01བསྒྲུབ་པ་དང་། གསོད་པ་དང་། འབེབས་པ་དང་། འཚོ་བར་བྱེད་པ་ནི་རྡོ་རྗེ་གར་གྱི་མཆོད་པའོ། །དེ་ནས་ངག་གི་ཕྱག་རྒྱ་ནི་སྤྲིན་གྱིས་སྒྲ་སྒྲོགས་པའི་ཧཱུྃ་ཡི་གེ་ཧཱུྃ་ཕྲ་བའི་སྒྲ་དང་བཅས་པ་ཁྲོ་ཞིང་གསལ་བའི་ཁྲོ་བོའི་རྡོ་རྗེ་ངག་གོ། །སྒྲུབ་པའི་དོན་བསྒྲུབ་པར་བྱའོ། །དེ་ནས་མ་གྲུབ་ན་ལས་ཀྱི་
D488.085.0251b04.01ཕྱག་རྒྱ་བཅིང་བའོ། །སྒྲུབ་པ་ནི་དེ་བཞིན་དུ་ཕྱག་རྒྱ་ཆེན་པོ་ལན་ཅིག་ཏུ་བྱ་བའོ། །ལས་ལ་ངེས་པར་སྦྱོར་བ་ནི་ཁྲོ་གཉེར་གྱིས་སོ། །རྡོ་རྗེ་ཧཱུྃ་མཛད་ལས་བྱུང་བའོ། །སྐེ་ཚེ་དང་བཅས་པའི་ཏིལ་མར་རྣོན་པོའི་སྦྱིན་སྲེག་ནི་གཡས་པས་སོ། །དེ་ཉིད་ཀྱིས་གཏང་བའོ། །དེ་ཉིད་ཀྱིས་
D488.085.0251b05.01ཐམས་ཅད་འཆིང་བའོ། །གཡོ་བ་མེད་པ་ཉིད་དོ། །གཉིད་ལོག་པ་བསྟན་པའོ། །ཁྲོ་བོའི་རྡོ་རྗེ་ལྟ་བའི་སྡིགས་མཛུབ་བོ། །ཕྱག་རྒྱ་གློད་པར་འགྱུར་བའོ། །མཛུབ་མོ་གཉིས་ཡང་དག་པར་སྦྱར་ནས་ཕྱེ་བའོ། །དེ་དག་ཉིད་ཀྱིས་གདུ་བུ་བཅིང་བའོ། །མཆེ་བས་བཙིར་བའོ། །དེ་
D488.085.0251b06.01ནས་དྲལ་བའོ། །གཡས་པས་བརྡེག་པའོ། །མཛུབ་མོ་གཉིས་ཀྱིས་འབར་བའོ། །གཡས་པའི་མཛུབ་མོ་གཡོན་པ་ལྟུང་བའི་ཚུལ་ལོ། །མཛུབ་མོ་གཉིས་ཀྱིས་འབར་བར་ཕྱེ་བའོ། །གཅོད་པའོ། །མཛུབ་མོ་གཉིས་ཀྱིས་སོར་མོ་སྦྱར་བའི་རྩེ་མོ་གཅོད་པའོ། །ལག་པ་
D488.085.0251b07.01