完整藏文原文 · 德格版页 当前仅加载第 85 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དུ་ཡང་ཅི་ནུས་པས་སྡུག་བསྔལ་དང་ཡིད་མི་བདེ་བ་ཐམས་ཅད་ཀྱི་སྐབས་མི་འབྱེད་པ་ཁྱེད་རྣམས་ཀྱིས་རང་གི་བདག་ཉིད་ཐམས་ཅད་ཁོ་ན་རྗེས་སུ་བསྲུང་ཞིང་གསད་པར་མི་བྱའོ། །ཅི་སྙེད་པའི་ལོངས་སྤྱོད་དང་ཉེ་བར་སྤྱོད་པ་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་
D488.085.0231b01.01བ་བླ་ན་མེད་པའི་ཐེག་པ་ཆེན་པོའི་དམ་ཚིག་གི་སྦྱོར་བས་ཡང་དག་པར་མཆོད་ལ་བདེ་བར་གཟུང་བ་དང་ཡང་དག་པར་འཕེལ་བར་བྱའོ། །བདག་ཉིད་ལ་ཅི་ལྟ་བ་བཞིན་དུ་མངོན་པར་བརྩོན་པ་དེ་བཞིན་དུ་གཞན་རྣམས་ལན་ཚོད་བསྐྱེད་པ་ཡིན་ནོ། །ལྟ་བ་ལོག་པ་དང་ཕྱི་རོལ་མུ་སྟེགས་པ་དང་། ཉན་ཐོས་པ་
D488.085.0231b02.01ཐམས་ཅད་དང་རང་སངས་རྒྱས་ཀྱི་སར་ལྟུང་བས་ལུས་འདི་ཤིན་ཏུ་གསང་བ་ཡིན་ནོ། །ངག་ནི་ཤིན་ཏུ་མི་སྨྲ་བས་སོ། །སེམས་ནི་ཤིན་ཏུ་འགོག་པས་སོ། །གང་གིས་ཀྱང་ཁྱེད་ཀྱི་ལུས་ངག་ཡིད་ཀྱི་རྡོ་རྗེ་རྣམས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་རྡོ་རྗེ་དཔལ་རང་གི་དམ་ཚིག་གི་བླ་ན་མེད་
D488.085.0231b03.01པའི་དངོས་གྲུབ་མཆོག་ཏུ་རྟག་པར་འབྱུང་བར་འགྱུར་ཞེས་བྱ་བ་ཡང་གསུངས་སོ། །འདོད་པའི་ལོངས་སྤྱོད་ཐམས་ཅད་ཀྱིས། །ཅིས་ཀྱང་མི་འཇིགས་རོལ་པར་གྱིས། །དམ་ཚིག་འདི་ནི་འདའ་དཀའ་སྟེ། །སྡིག་པ་མེད་ཀྱིས་མ་འཇིགས་ཤིག །ཅེས་བཅོམ་ལྡན་འདས་རྡོ་རྗེ་སེམས་
D488.085.0231b04.01དཔས་མཆོག་ཏུ་བདེན་པས་གསུངས་ཏེ། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་པའི་དེ་བཞིན་གཤེགས་པ་ཐམས་ཅད་ཀྱི་ཐུགས་ལ་དགོངས་པ་ཡིན་ནོ། །དེ་ལྟར་ཡིད་ནི་རབ་དང་རྡོ་རྗེ་ཉིད་དུ་གྱིས། །རང་གི་དམ་ཚིག་མི་ཟད་བདེ་སྟེར་བསྟན་པར་གྱིས། །དེ་ནི་འགྲོ་
D488.085.0231b05.01ལ་མྱུར་བདེ་རྡོ་རྗེ་སེམས་དཔའ་དང་། །རབ་ཏུ་མཉམ་ཞིང་རྟག་ཏུ་ཉིད་དུ་རྟོགས་པར་གྱིས། །དེ་ནས་རོ་དང་བཟའ་དང་སྤྱོད་པ་གར་དང་གླུ། །རོལ་མོའི་མཆོད་སོགས་ཀྱིས་ནི་མགོན་མཆོད་པ། །རྡོ་རྗེ་བླ་མ་ཆེན་པོས་དེ་ཕུལ་ནས། །རང་དང་གཞན་དག་ཅི་འདོད་མཆོད་པར་བྱ། །མྱོས་བྱེད་མྱོས་
D488.085.0231b06.01བྲལ་བཏུང་བ་ནི། །ཅི་འདོད་པར་ནི་བསྟེན་པ་ཡིས། །གླུ་དང་རོལ་མོའི་ཆོ་ག་སོགས། །ཅི་བཞིན་རྗེས་འགྲོའི་བཟླས་པ་བྱ། །རང་གསང་ཆོ་གས་བླངས་པ་ཡི། །གླུ་དང་རོལ་མོ་གར་རྣམས་ཀྱིས། །སྣ་ཚོགས་ཕྱག་རྒྱའི་མཆོད་པ་དང་། །རྡོ་རྗེ་སེམས་དཔའི་རོལ་མོ་སོགས། །
D488.085.0231b07.01