完整藏文原文 · 德格版页 当前仅加载第 96 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་རབ་འབྲིང་ཐ་མ་ཡི། །གསང་སྔགས་བྱེ་བྲག་རྣམས་ཤེས་བྱ། །གང་ཕྱིར་རིགས་ནི་གསུམ་པོ་ཡང་། །དཀྱིལ་འཁོར་འདིར་ནི་ཀུན་དུ་འདུས། །དེ་བས་དེར་གསུངས་སྔགས་རྣམས་ཀྱི། །ཆོ་ག་ཐམས་ཅད་བཤད་པར་བྱ། །བདེ་བར་གཤེགས་པས་
D807.096.0169a01.01ཞི་བར་བྱ། །རྒྱས་པ་པདྨའི་རིགས་སྐྱེས་ཀྱིས། །རྡོ་རྗེ་རིགས་སྐྱེས་གསང་སྔགས་ཀྱིས། །དྲག་ཤུལ་སྤྱད་པའི་ལས་རྣམས་བྱ། །རོ་སྟོད་ལས་བྱུང་མཆོག་ཡིན་ཏེ། །ལྟེ་བ་མན་ཆད་ཐ་མ་ཡིན། །བར་གྱི་ལུས་ལས་བྱུང་བ་ཡི། །སྔགས་ཀྱི་དངོས་གྲུབ་འབྲིང་བསྟན་ཏོ། །
D807.096.0169a02.01རབ་དང་འབྲིང་དང་ཐ་མ་ཡང་། །རྣམ་པར་རྟོག་པའི་མཐུ་དག་ལས། །དངོས་གྲུབ་རྣམས་ལ་གསུམ་རྣམས་སུ། །གསང་སྔགས་ཆོ་ག་མཁས་པས་བཤད། །མཁས་པས་རིགས་ནི་གསུམ་ཆར་ལ་འང་། །རབ་ལ་སོགས་པ་བསྟན་པ་དང་། །ཞི་བ་ལ་སོགས་བྱེ་བྲག་
D807.096.0169a03.01གིས། །ལས་ནི་རྣམ་པ་གསུམ་དུ་བྱ། །དེ་ལ་དངོས་གྲུབ་རབ་ལ་ནི། །རིག་སྔགས་བདག་པོ་ཡིན་པར་བཤད། །མཁས་པས་ཤིན་ཏུ་ཐ་མ་ལ། །མངག་གཞུག་ལ་སོགས་ཤེས་པར་བྱ། །ཞི་བ་དང་ནི་རྒྱས་པ་དང་། །གང་ཡང་དྲག་ཤུལ་སྤྱོད་པ་དག །རིགས་
D807.096.0169a04.01གསུམ་ལ་ཡང་དེ་དག་ཀུན། །གསང་སྔགས་དབྱེ་བས་ཤེས་པར་བྱ། །རིག་སྔགས་རྒྱལ་པོས་རྒྱས་པ་བྱ། །ཁྲོ་བོ་རྣམས་ཀྱིས་དྲག་ཤུལ་སྤྱད། །སྤྱན་ལ་སོགས་པས་ཞི་བ་བྱ། །རང་བཞིན་གསུམ་གྱི་ཆོ་ག་ཡིན། །གསང་སྔགས་ཚིག་དང་ཡི་གེ་ཡིས། །མ་སྨོས་པ་ཡང་
D807.096.0169a05.01ཤེས་བྱ་ཞིང་། །ལས་གང་སྐུལ་བར་བྱེད་པའི་སྔགས། །ལས་དེ་སྒྲུབ་པར་ཤེས་པར་བྱ། །ཞི་བས་ཞི་བའི་ལས་རྣམས་བྱ། །མཐུ་དང་ལྡན་པས་གསང་སྔགས་ཀྱི། །དེ་བཞིན་རྒྱས་པའི་ལས་རྣམས་སྤྱད། །དྲག་པོས་དྲག་ཤུལ་སྤྱད་པར་བྱ། །ཁྱད་པར་དུ་ནི་ཞི་བའི་ལས། །
D807.096.0169a06.01རྒྱལ་བས་གསུངས་པས་ཞི་བ་བྱ། །དཔལ་སྡོམ་རྒྱུད་ལས་གསུངས་པ་ཡི། །རྒྱས་པའི་ལས་རྣམས་བྱ་བར་ཤིས། །ཁྲོ་བོ་དྲག་ཤུལ་ཅན་དག་གིས། །དེ་ལ་སོགས་པ་བསྟན་པ་ཡིས། །ལས་ནི་རྣམ་པ་གསུམ་དུ་བསྒྲགས། །གསང་སྔགས་མང་པོ་ཕལ་ཆེར་ནི། །སྐུལ་
D807.096.0169a07.01