完整藏文原文 · 德格版页 当前仅加载第 96 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
ན་རིགས་ཀྱི་རིག་སྔགས་དང་། །སོ་སོའི་རིགས་ཀྱི་ཕྱག་རྒྱ་ཡིས། །བགེགས་རྣམས་ཞི་བར་བྱ་བའི་ཕྱིར། །བསྒྲུབ་ཚེ་འདིར་ནི་ཐམས་ཅད་བསྲུང་། །ཕུར་བུ་རྡོ་རྗེ་རྩེ་འདྲའམ། །ཡང་ན་རྩེ་གཅིག་སྦོམ་པོ་ལ། །རྡོ་རྗེ་ཕུར་བུས་ལན་བརྒྱ་རུ། །མངོན་པར་བསྔགས་པ་བྱས་པ་དག །ལྷ་
D807.096.0212b01.01ཡི་གནས་ཀྱི་ཕྱི་རོལ་དུ། །གྲྭ་བཞི་ཀུན་དུ་གདགས་པར་བྱ། །ཡང་ན་དཀྱིལ་འཁོར་ཕྱི་རོལ་དུ། །བཏབ་ནས་ལས་རྣམས་རབ་ཏུ་བྱ། །རྡོ་རྗེ་ཕུར་བུའི་ཆོ་ག་འདི། །ལས་ཀུན་བྱེད་པར་ཤེས་པར་བྱ། །བསྒྲུབ་ཚེ་འདིར་བགེགས་འཚེ་མེད་ཅིང་། །སྒྲུབ་པ་པོ་ཡིས་དངོས་གྲུབ་ཐོབ། །
D807.096.0212b02.01དྲི་ཞིམ་ཕྱེ་མའམ་པིར་དག་གིས། །སྣ་ཚོགས་ཚོན་གྱི་འདེ་གུ་ཡིས། །དཀྱིལ་འཁོར་ལེགས་པར་བྲིས་ནས་སུ། །དེ་ནས་ཆོ་ག་འདི་དག་དང་། །སོ་སོའི་ཕྱོགས་ཀྱི་རི་མོའི་མཐར། །རྡོ་རྗེ་རྩེ་གསུམ་བྱ་བར་གསུངས། །དབུས་ཀྱི་ངོས་རྣམས་དག་ཏུ་ཡང་། །རྡོ་རྗེ་བསྒྲེངས་པའི་ཕྲེང་
D807.096.0212b03.01བ་བྱ། །རྡོ་རྗེ་དྲ་བའི་གསང་སྔགས་ཀྱིས། །ཆོ་ག་དེ་ནི་བྱ་བར་བསྟན། །དེ་ཡི་དབུས་སུ་བཞུགས་ནས་སུ། །རྫས་རྣམས་རབ་ཏུ་བསྒྲུབ་པར་བྱ། །ཆོ་ག་འདི་ཡིས་ཕྱི་ནང་དུ། །རྡོ་རྗེའི་ལྟེ་བའི་དྲ་བ་བྱ། །རྡོ་རྗེ་དྲ་བའི་གསང་སྔགས་ཀྱིས། །ཤིན་ཏུ་ཐུབ་པར་དཀའ་བར་འགྱུར། །
D807.096.0212b04.01སྒོ་ཁྱུད་དག་ནི་ཐམས་ཅད་དང་། །སྒོ་རྣམས་ཀྱི་ནི་མདུན་དག་ཏུ། །མཁས་པས་རྡོ་རྗེ་བྲིས་ནས་སུ། །དེ་ནས་ལས་རྣམས་བྱ་བར་བསྒྲགས། །ཡོ་ལང་ཆུང་ངུས་ཐང་བུ་ལ། །དཀྱིལ་འཁོར་ལེགས་པར་བྲི་བར་བྱ། །མདོར་བསྡུས་ཆོ་ག་བྲིས་ནས་སུ། །རྫས་རྣམས་བསྒྲུབ་པ་
D807.096.0212b05.01བརྩམ་པར་བྱ། །ཁྲུ་ལྔའམ་བདུན་ནམ་བརྒྱད་པ་ལ། །གྲུ་བཞི་པ་ལ་སྒོ་བཞི་པ། །གསང་སྔགས་དངོས་གྲུབ་རྗེས་མཐུན་པར། །ཡང་ན་ལྷག་པར་བྱས་ཀྱང་རུང་། །སྒོ་རྣམས་ཀུན་དུ་རྡོ་རྗེ་དང་། །གྲྭ་རྣམས་སུ་ནི་བུམ་པ་དགོད། །ལས་ཀུན་བྱེད་པའི་བུམ་པ་དག །སྒོ་དྲུང་དུ་
D807.096.0212b06.01ནི་གཞག་པར་བྱ། །དབུས་སུ་ཆོས་ཀྱི་འཁོར་ལོ་དང་། །ཐོག་མ་རྒྱལ་པོ་ལྔ་རྣམས་དགོད། །ངོས་སུ་མཆེ་བ་མདུང་ཐུང་དང་། །སྤྱན་དང་རྒྱལ་བའི་མཛོད་སྤུའོ། །བདེ་གཤེགས་ཕྱག་རྒྱ་ཐམས་ཅད་དང་། །སྒོར་ནི་གཞན་གྱིས་མི་ཐུབ་མའོ། །རབ་འབྱོར་དང་ནི་ཀུན་དགའ་བོ། །
D807.096.0212b07.01