完整藏文原文 · 德格版页 当前仅加载第 96 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
ཟད་ཅིག །རིག་སྔགས་བཟླས་ཤིང་བསང་གཏོར་དེ། །བཞག་ནས་མཆོད་ཅིང་བལྟ་བར་བྱ། །རབ་ལ་སོགས་པའི་དབྱེ་བ་དང་། །ལས་ཀྱི་དབྱེ་བ་བསྒྲགས་པ་དག །དཀྱིལ་འཁོར་དུ་གསུངས་ཆོ་ག་བཞིན། །འབར་ན་འགྲུབ་པའི་མཚན་མ་ཡིན། །ཤིན་ཏུ་ཆེན་
D807.096.0211b01.01པོའི་རྫས་ཀྱི་རྣམས། །དེ་ཡི་གཡས་སུ་བཞག་པའམ། །གཡོན་དུ་འོས་པ་གཡོན་དུ་བཞག །དེར་ནི་དེ་ལ་གཏུག་ཅིང་བྱ། །སེམས་ཅན་ཀུན་གྱི་མགོ་བོ་ལ། །ཡང་ན་རང་གི་མགོ་བོ་ཉིད། །མོད་ལས་བསྒྲུབ་རྫས་ཅི་ཡང་རུང་། །མཁས་པས་བདུག་པ་བསྔོས་
D807.096.0211b02.01ཏེ་བྱ། །བདུག་པའི་ཆོ་ག་འདི་ཡིས་སུ། །སྔོན་བཞིན་ཕྱེ་ལ་མར་དག་གིས། །ལ་ལའི་ཕྱིར་བསྔོ་ཁ་ཅིག་ལ། །བལྟ་ཞིང་སྦྱིན་སྲེག་རབ་ཏུ་བྱ། །གལ་ཏེ་མར་དག་མ་འབྱོར་ན། །ཆོ་ག་བཞིན་དུ་འོ་མས་བྱ། །ཡང་ན་འོ་མ་མར་དང་ནི། །མཁས་པས་མངར་
D807.096.0211b03.01གསུམ་དག་གིས་བྱ། །ཞི་བ་ལ་སོགས་ཁྱད་པར་གྱིས། །ཁ་ཅིག་ལ་ནི་ཞོ་ཡང་རུང་། །ཡང་ན་བསྲེག་བྱའི་རྫས་བསྟེན་པས། །ཅི་ལྟར་རིགས་པར་བདུག་པར་བྱ། །མཚོན་ཆ་རྣམས་ལ་འབྲུ་མར་གྱིས། །དྲི་ཞིམ་ཐང་ཆུ་ཨཾ་ཛ་ན། །དུ་རུ་སྐ་སོགས་འབྲུ་མར་གྱིས། །བདུག་
D807.096.0211b04.01པའི་ཆོ་ག་བྱ་བར་གསུངས། །རྫས་ལ་སོགས་པའི་བྱེ་བྲག་ལས། །རྫས་ནི་རྣམ་པ་སྣ་ཚོགས་དང་། །དྲི་ཞིམ་ལས་བྱུང་འབྲས་བུ་ཡིས། །བདུག་པའི་ཆོ་ག་དག་ཀྱང་བྱ། །ཤ་ཆེན་ལ་སོགས་རྫས་རྣམས་ལ། །ཚིལ་བུ་དག་གིས་བྱ་བར་བསྒྲགས། །དེ་ཡི་གཟུགས་
D807.096.0211b05.01བརྙན་བྱས་ནས་ཀྱང་། །སོ་སོའི་ཤ་དང་ཚིལ་གྱིས་བྱ། །ཆོ་ག་བསྟན་པ་འདི་ཡིས་སམ། །ཡང་ན་སྔར་གསུངས་ཆོ་ག་ཡིས། །དངོས་གྲུབ་མྱུར་བར་བྱ་བའི་ཕྱིར། །བདུག་པའི་ཆོ་ག་རྒྱས་པར་བསྟན། །ཆོ་ག་འདི་ཡིས་རྫས་དག་ལ། །བདུགས་ནས་དེ་ལ་དབང་ཡང་
D807.096.0211b06.01བསྐུར། །དབང་བསྐུར་ནས་ནི་ལྷ་གནས་སུ། །བཞག་སྟེ་ལེགས་པར་མཆོད་པར་བྱ། །དེ་ནས་ཆོ་ག་ལས་གསུངས་པ། །ཐོབ་པར་བྱ་ཕྱིར་གཏོར་མ་བསོག །བདག་ཉིད་རྒྱས་པར་ཁྲུས་བྱས་ནས། །ཆོ་ག་འདི་ནི་བརྩམ་པར་བྱ། །དྲི་ཞིམ་རྣམས་ཀྱིས་དྲིལ་བྱས་ནས། །དེ་
D807.096.0211b07.01