完整藏文原文 · 德格版页 当前仅加载第 96 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་ན། །བསྟན་པར་གཏོགས་པའི་ལྷ་མཐོང་ངམ། །སོ་སོར་རིག་པའི་གཟུགས་དག་གམ། །ཡང་ན་རིག་སྔགས་བདག་པོའང་རུང་། །དཀོན་མཆོག་གསུམ་ལས་གཅིག་ཙམ་མམ། །དེ་དག་ལ་ནི་མཆོད་ལ་སོགས། །རྒྱལ་སྲས་རྫུ་འཕྲུལ་ཆེན་
D807.096.0196a01.01པོའམ། །འཁོར་ནི་རྣམ་པ་བཞི་རྣམས་སམ། །བདག་ཉིད་ཆོ་ག་སྤྱོད་པའམ། །ཡང་ན་གོས་ཀྱིས་སྤུད་པ་དག །མཐོང་ན་དངོས་གྲུབ་ཉེར་འགྱུར་བར། །སྒྲུབ་པ་པོས་ནི་ཤེས་པར་བྱ། །རི་དང་གླང་པོ་འབབ་ཆུ་དང་། །རྒྱ་མཚོ་དང་ནི་འབྲས་བུ་ཤིང་། །ངང་མོ་ལ་
D807.096.0196a02.01སོགས་བྱ་རྣམས་དང་། །སེང་གེ་ལ་སོགས་{རི་དགས་,རི་དྭགས་}སོགས། །ཁྱུ་མཆོག་བཀྲ་ཤིས་རྟ་ལ་སོགས། །བུ་མོ་བཟང་མོ་བརྒྱན་པ་དང་། །བུམ་པ་ལ་སོགས་བཀྲ་ཤིས་པ། །རྣམ་པ་སྣ་ཚོགས་གཡས་ནའོ། །ནོར་དང་གོས་རྣམས་རྙེད་པ་དང་། །དེ་ལ་སོགས་པ་རྣམ་དག་པའི། །
D807.096.0196a03.01རྨི་ལམ་བཟང་པོ་མཐོང་ན་ནི། །བློ་ཅན་འགྲུབ་པར་ཤེས་པར་བྱ། །ཞོ་དང་འོ་མ་འབྲས་ཡོས་མ་ར། །མེ་ཏོག་འབྲས་བུ་རྩ་བ་དང་། །ཡང་ན་གྲུབ་པའི་རྫས་ཀྱང་རུང་། །རྨི་ལམ་དག་ན་རྙེད་པའམ། །དེ་འདྲའི་རྣམ་པ་མཐོང་གྱུར་ན། །རིག་སྔགས་འགྲུབ་པར་གསུངས་པས་ན། །
D807.096.0196a04.01དེ་ནས་བློ་དང་ལྡན་པ་ཡིས། །བསྙེན་པའམ་སྒྲུབ་པའི་ལས་རྣམས་བརྩམ། །གལ་ཏེ་སྔགས་ཀྱི་ནོར་བུའམ། །སྒྲུབ་པའི་རྫས་རྣམས་ཐོབ་ན་ནི། །དེ་ནས་བསྙེན་པའམ་སྒྲུབ་པ་ཡི། །ལས་རྣམས་མྱུར་དུ་བརྩམ་པར་བྱ། །གོས་དང་ཁྲུས་དང་རྒྱན་དག་གིས། །བདག་ཉིད་
D807.096.0196a05.01བརྒྱན་པ་མཐོང་ན་ནི། །དེ་ཚེ་བསྙེན་པའམ་སྒྲུབ་པ་ཡི། །ལས་རྣམས་རབ་ཏུ་བརྩམ་པར་བྱ། །རང་གི་རིག་སྔགས་ཚུལ་བཞིན་དུ། །མཆོད་པ་བྱས་ནས་རིགས་ཡུམ་གྱིས། །སྣ་མའི་མེ་ཏོག་བརྒྱ་དག་དང་། །རས་ཟུང་དག་གིས་མཆོད་པར་བྱ། །ཙནྡན་གྱི་ནི་བདུག་སྤོས་ཀྱིས།
D807.096.0196a06.01ལན་བརྒྱད་ཉིན་དུ་བདུགས་ནས་ནི། །དེ་ནས་ལྷ་ཉིད་རྨི་ལམ་དུ། །ཅི་རིགས་པར་ནི་བཀའ་ལན་སྩོལ། །ཨུ་ཤི་ར་ཡི་གཟུགས་བརྙན་ནི། །གྲོག་མཁར་ས་ཡི་སྣོད་དུ་བཞག །མཆོད་ཅིང་ཡོངས་སུ་ཚིམ་བྱས་ནས། །ལན་བརྒྱད་དག་ཏུ་མངོན་པར་བསྔགས། །དེ་ནི་འོ་མའི་
D807.096.0196a07.01