完整藏文原文 · 德格版页 当前仅加载第 96 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡི་ཞབས་སུ་འཁོར་ལོ་བཞག །དེ་ཡང་འཕང་དུ་སོར་གཅིག་པའོ། །པདྨའི་སྐྱིལ་ཀྲུང་དུ་འདུག་སྟེ། །བློ་ཡིས་བསྒོམ་པ་བྱས་ནས་སུ། །མཆོད་པ་ལ་སོགས་ལེགས་བྱས་ཏེ། །དེ་ནས་ཞི་བའི་ལས་བྱའོ། །དང་པོར་སྟོན་པ་ཐུབ་ཆེན་དང་། །ཤེས་རབ་
D807.096.0183a01.01ཕ་རོལ་ཕྱིན་པ་དང་། །ཉན་ཐོས་འདོད་ཆགས་བྲལ་རྣམས་དང་། །བྱང་ཆུབ་སེམས་དཔའ་རྣམས་ལ་མཆོད། །བྱམས་མ་དེ་བཞིན་གཤེགས་མཛོད་(སྦུ་,སྤུ་)། །རིག་སྔགས་གཞན་གྱིས་མི་ཐུབ་མ། །དགའ་བོ་ཞེས་བྱ་ཀླུ་རྒྱལ་གཉིས། །གནས་གཙང་རིགས་ཀྱི་ལྷ་
D807.096.0183a02.01རྣམས་དང་། །འདི་དག་ལས་ལ་དགོད་བྱ་ཞིང་། །ཞི་ལ་རྟག་ཏུ་མཆོད་པར་བྱ། །དེ་ནས་མེ་ཏོག་དྲི་ལ་སོགས། །ལེགས་པར་བཞག་སྟེ་ལས་རྣམས་བྱ། །དུས་མིན་འཆི་དང་ནད་རྣམས་དང་། །ཡམས་ཀྱི་ནད་དང་གནོད་པ་དང་། །དེ་བཞིན་བགེགས་དང་ནད་འགོ་
D807.096.0183a03.01རྣམས། །ཞི་བར་བྱེད་པས་ཞི་ཞེས་བྱ། །རང་གི་སེམས་ནི་མཉམ་གཞག་སྟེ། །ཡིད་ལ་དགའ་བ་བསྐྱེད་ནས་སུ། །རྒྱས་པ་དག་གིས་རྒྱས་པ་ཡི། །བཟླས་པའམ་ཡང་ན་སྦྱིན་སྲེག་བྱ། །ཟླ་བ་ཉ་ལ་ཀུན་བརྩམ་སྟེ། །ཕྱི་མའི་ཉ་ཡི་བར་དུ་བྱ། །རྒྱས་པའི་ཆོ་ག་བསྟན་པ་
D807.096.0183a04.01ཡིས། །དེ་སྲིད་བར་དུ་ལས་བྱའོ། །རྒྱས་པ་དག་གི་ལས་རྣམས་ལ། །བྱེ་བྲག་ཏུ་ནི་སྔ་དྲོ་ཤིས། །ལས་དེ་གྲུབ་པའི་ལྷ་རྣམས་ནི། །དེ་ནི་བྱིན་གྱིས་རློབ་པར་མཛད། །ལྷ་རྣམས་མ་ལུས་པ་དག་ཀྱང་། །དེ་ཡི་དུས་སུ་རྒྱུ་བས་ན། །ལས་སུ་བྱ་བ་ཐམས་ཅད་ནི། །དུས་
D807.096.0183a05.01དེ་ཁོ་ནར་རབ་ཏུ་ཤིས། །ནང་པར་དུས་ན་ལྷ་རྣམས་ནི། །ཡིད་དགར་གྱུར་ན་མཆོག་སྦྱིན་མཛད། །དེ་ལྟ་བས་ན་མཁས་པ་ཡིས། །ལྷག་པར་དེ་ཚེ་བརྩམ་པར་བྱ། །གོས་དཀར་ཟུང་གཅིག་བགོས་ནས་སུ། །བཀྲ་ཤིས་སྐྱིལ་མོ་ཀྲུང་བྱས་ཏེ། །ཤར་ཕྱོགས་ཁ་བལྟས་དགའ་བཞིན་
D807.096.0183a06.01དུ། །རྒྱས་པའི་ཆོ་ག་བསྒྲིམས་ཏེ་སྤྱད། །ས་གཞི་བྱུག་པ་སྤོས་ཞིམ་བཅས། །དུས་གསུམ་དུ་ནི་བསྐུ་བར་བྱ། །མེ་ཏོག་སིལ་མ་སྣ་ཚོགས་ཀྱིས། །དེར་ནི་རབ་ཏུ་དགམ་པར་བཤད། །ཟས་མཆོག་དག་གི་གོང་བུ་ནི། །མངར་གསུམ་དག་དང་ལྡན་པའམ། །སྦྲང་རྩི་
D807.096.0183a07.01