完整藏文原文 · 德格版页 当前仅加载第 96 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བྱ་བའམ། །ཡང་ན་རིགས་ཀྱི་སྙིང་པོས་བྱ། །མདོར་ན་གསང་སྔགས་ཐམས་ཅད་ཀྱང་། །ཕྱག་རྒྱར་བཅས་པས་བསང་བར་བྱ། །བདག་ཉིད་རྣམ་པར་སྦྱང་བའི་ཕྱིར། །སྤོས་ཆུས་ལག་མཐིལ་བླུགས་པ་ལ། །བལྟ་ཞིང་དེ་ཡི་སྙིང་པོ་བཟླས། །རང་གི་སྤྱི་བོར་བསང་
D807.096.0188b01.01གཏོར་བྱ། །སྟན་ཡང་རྣམ་པར་སྦྱང་བའི་ཕྱིར། །ལས་ཀུན་བྱེད་པའི་གསང་སྔགས་སམ། །ཡང་ན་ཁྲོ་བོའི་རྒྱལ་པོ་ཡིས། །སྤོས་ཀྱི་ཆུས་ནི་བསང་གཏོར་བྱ། །ལན་བདུན་བཟླས་བརྗོད་བྱས་པའི་ཆུས། །ས་ཕྱོགས་ཀུན་དུ་བསང་གཏོར་བྱ། །བསང་བ་དང་ནི་སྦྱང་བ་
D807.096.0188b02.01དག །གསང་སྔགས་འདིས་ནི་བྱས་པར་འགྱུར། །ཨོྃ་ཀཱི་ལི་ཀཱི་ལ། བཛྲཱི་བཛྲཱི་བྷུར་བནྡྷ་བནྡྷ་ཧཱུྃ་ཕཊ། དེ་ནས་སྟེང་དུ་བློ་ཅན་གྱིས། །རིག་པའི་རྒྱལ་པོ་འདི་འདོན་ཅིང་། །བདུག་པས་ལྷ་རྣམས་བསང་བ་དང་། །བཅིང་བ་དང་ནི་སྦྱང་བར་བྱ། །ཨོྃ་སུ་སིདྡྷི་ཀ་ར་ཛྭ་ལ་ཧི་ཨ་ནནྟ་མཱུརྟ་ཡེ།
D807.096.0188b03.01ཛྭ་ལ་ཛྭ་ལ། བནྡྷ་བནྡྷ། ཧ་ན་ཧ་ན་ཧཱུྃ་ཕཊ། ཐམས་ཅད་སྤྱིའིའོ། །ཨོྃ་ཛྭ་ལ་ཧཱུྃ། དེ་བཞིན་གཤེགས་པའི་རིགས་ལའོ། །ཨོྃ་པདྨ་ནི་བྷ་ག་བ་ཏི། མོ་ཧ་ཡ། ཛ་གད་མོ་ཧ་ནི་སྭཱ་ཧཱ། པདྨའི་རིགས་ལའོ། །དེ་ནས་བློ་དང་ལྡན་པ་ཡིས། །རིགས་ཀྱི་སྙིང་པོ་ཡོངས་བཟླས་པའི། །སྤོས་ཆུས་
D807.096.0188b04.01ཁོ་ར་ཁོར་ཡུག་ཏུ། །ཐམས་ཅད་དུ་ནི་ཕྱོགས་བཅིང་བའོ། །རིག་སྔགས་རྒྱལ་པོའི་སྙིང་པོའམ། །བདག་གི་རིག་སྔགས་རྒྱལ་པོའམ། །རང་གི་གསང་སྔགས་མངག་གཞུག་པས། །ཕྱོགས་བཅིང་བ་ནི་གུས་པར་བྱ། །བྷྲཱུ་ཨོྃ་ཨ་མྲྀ་ཏོདབྷ་བ་ཧཱུྃ་ཕཊ། ན་མོ་ར་ཏྣ་ཏྲ་ཡཱ་ཡ། ནམ་ཤྩཎྜ་
D807.096.0188b05.01བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་སུམྦྷ་ནི་སུམྦྷ་ཧཱུྃ། གྲྀཧྞ་གྲྀཧྞ་ཧཱུྃ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ། ཨཱ་ན་ཡ་ཧོ་བྷ་ག་བན་བིདྱཱ་རཱ་ཛ་ཧཱུྃ་ཕཊ་སྭཱ་ཧཱ། རིགས་གསུམ་གྱི་རིག་པའི་རྒྱལ་པོའི་སྔགས་སོ། །དེ་དག་ཉིད་ཀྱི་སྙིང་པོ་ཡིས། །ར་བ་རྣམས་ཀྱང་རབ་ཏུ་སྦྱར། །རིགས་ཀྱི་
D807.096.0188b06.01རིག་སྔགས་རྣམས་ཀྱིས་ནི། །ལྷ་རྣམས་ཡོངས་སུ་བསྲུང་བར་བྱ། །ལས་རྣམས་ཀུན་ལ་ཐམས་ཅད་དུ། །བགེགས་ལ་སོགས་པ་བསལ་བ་ལས། །རྣམ་པར་རྟོག་པའི་ཆོ་ག་ཡིས། །བདུད་རྩི་ཐལ་སྦྱོར་རབ་ཏུ་སྦྱར། །ཁང་པའི་ཁོ་ར་ཁོར་ཡུག་ཏུ། །དྲ་བ་ར་བ་ཕུར་བུ་དག །
D807.096.0188b07.01