完整藏文原文 · 德格版页 当前仅加载第 96 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་ཡང་བསྐྱེད། །རྟག་ཏུ་དུས་དང་དུས་མཚམས་ལ། །དེ་ལྟ་བུར་ནི་བྱིན་བསྐྱེད་དེ། །དེ་ནས་ཕྱིས་ནི་མཚན་གཅིག་ཏུ། །བསྒྲུབ་ལ་ལེགས་པར་བརྩམ་པར་བྱ། །རྫས་བྱིན་བསྐྱེད་པའི་ཆོ་ག་རིམ་པར་ཕྱེ་བའོ།། །།དེ་ནས་གཞན་ཡང་ཅི་མཐོང་བའི། །དུས་བཟང་ཡོན་
D807.096.0205b01.01ཏན་ལྡན་པ་ལ། །བ་སྒྲུབ་པའི་ཕྱིར་ནི་མཁས་པ་ཡིས། །ཆོ་ག་བཞིན་དུ་བརྩམ་པར་བྱ། །དགུན་ཟླ་ཐ་ཆུང་ས་སྟོན་ཟླ་འབྲིང་། །དཔྱིད་ཟླ་ར་དང་འབྲིང་པོ་དང་། །དབྱར་ཟླ་ར་བ་ཉ་དག་ལ། །སྒྲུབ་པ་ཆེན་པོ་བརྩམ་པར་བྱ། །དབྱར་ཟླ་ར་བ་རྟག་ཏུ་འབབ། །དཔྱིད་ཟླ་འབྲིང་པོ་རླུང་གི་
D807.096.0205b02.01འཁོར། །དཔྱིད་ཟླ་ར་བ་སྣ་ཚོགས་བགེགས། །དགུན་ཟླ་ར་བ་བགེགས་མེད་དོ། །སྟོན་ཟླ་འབྲིང་པོ་གློག་འགྱུ་ཞིང་། །སྒྲ་ཆེན་རྣམས་ཀྱང་འབྱུང་བར་འགྱུར། །བགེགས་ནི་འགྲུབ་པའི་མཚན་མ་བས། །དེ་ལྟར་དེ་དག་བརྟག་པར་བྱ། །ཟླ་བ་ལྔ་པོ་དེ་དག་ལ། །དངོས་གྲུབ་རབ་ནི་འགྲུབ་
D807.096.0205b03.01པར་བྱ། །ཞི་བ་ཡི་ནི་ལས་རྣམས་ཀྱང་། །དེ་དག་ཉིད་ལ་ལེགས་པར་བརྩམ། །ལྔ་པོ་མར་གྱི་ཟླ་ཕྱེད་ཀྱི། །དུས་ཚིགས་རྣམས་སུ་གང་བསྒྲགས་པ། །དེ་ལ་འབྲིང་དང་ཐ་མ་ཡི། །དངོས་གྲུབ་བསྒྲུབ་པར་རབ་ཏུ་ཤིས། །ཟླ་བ་གཟའ་ཡིས་ཟིན་པའི་ཚེ། །རྫས་ཀྱི་དམ་པ་བསྒྲུབ་
D807.096.0205b04.01པར་བྱ། །ཉི་མ་གཟས་ཟིན་ཚེ་ན་ཡང་། །མཁས་པས་ལས་རྣམས་བསྒྲུབ་པར་བྱ། །ཚེས་ལྔ་དང་ནི་ཚེས་བདུན་དང་། །ཚེས་གཅིག་དང་ནི་ཚེས་གསུམ་དང་། །ཚེས་གྲངས་བཅུ་གསུམ་དག་ལ་ཡང་། །ལས་རྣམས་ཐམས་ཅད་བྱ་བར་ཤིས། །ཚེས་གྲངས་སྐར་མ་དང་ལྡན་ན། །
D807.096.0205b05.01མཆོག་ཏུ་འགྱུར་བར་ཤེས་པར་བྱ། །ཕལ་དག་ལ་ནི་བྱེ་བྲག་ཏུ། །སྐར་མ་རྒྱལ་ནི་ཀུན་ལ་ཤིས། །གཟའ་དང་ཡུད་ཙམ་བྱེད་པ་དང་། །དྲག་པོ་དྲག་པོའི་ལས་ལའོ། །རང་གི་ཆོ་གས་གསུངས་པའམ། །ལྷ་རྣམས་ཀྱིས་ནི་བསྐུལ་བའང་རུང་། །ཆོ་འཕྲུལ་གྱི་ནི་ཟླ་ཕྱེད་ལ། །
D807.096.0205b06.01ལས་རྣམས་ཐམས་ཅད་རབ་ཏུ་ཤིས། །བཀའ་ལུང་སྩལ་བའི་ཚེས་གྲངས་སམ། །ཚེས་གྲངས་བཅུ་གསུམ་པ་ཡང་རུང་། །ཞི་བ་ཕལ་ཆེར་སྟོན་ངོ་ལ། །དེ་བཞིན་རྒྱས་པ་དགུན་ངོ་ལ། །དཔྱིད་སྨད་དྲག་ཤུལ་ཆོ་ག་བཞིན། །བསྒྲུབ་པ་དག་ནི་རབ་ཏུ་ཤིས། །དཔྱིད་སྟོད་ལས་
D807.096.0205b07.01