完整藏文原文 · 德格版页 当前仅加载第 96 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
ནང་དུ་འམ། །ཡང་ན་སྦྲང་རྩིའི་ནང་དུ་གཞུག །དུས་གསུམ་དག་ཏུ་ལེགས་མཆོད་ནས། །སྲོད་ལ་ཡང་ནི་གསོལ་བ་གདབ། །རྣམ་པ་འདི་དག་ཉིད་ཀྱིས་ཀྱང་། །ཡོངས་སུ་དགྱེས་པ་སྐྱེས་གྱུར་ནས། །དེ་ལྟར་བྱ་འམ་མི་བྱ་བ། །ལྷ་ཉིད་བཀའ་ལན་གསོལ་བར་མཛད། །
D807.096.0196b01.01སྨྱུང་བྱས་འདོད་པའི་དུས་མཚམས་ལ། །རིག་སྔགས་ཆོ་ག་བཞིན་མཆོད་ལ། །ཐང་ཆུ་རྣམ་པ་བདུན་དག་དང་། །ཤིང་གི་སྙིང་པོ་རྣམ་པ་ལྔས། །སྦྱིན་སྲེག་བརྒྱ་རྩ་བརྒྱད་བྱ་བ། །ཡང་ན་བཟླས་བརྗོད་གྲངས་དག་གིས། །བྱས་ན་རིག་སྔགས་ཉིད་ཀྱིས་ནི། །མྱུར་བ་ཉིད་
D807.096.0196b02.01དུ་བཀའ་སྩོལ་ཏོ། །དེ་ལྟར་རིག་པ་སྟ་གོན་གནས། །ངེས་ཤིང་མྱུར་དུ་འགྲུབ་པར་འགྱུར། །སྟ་གོན་གནས་པའི་ཆོ་ག་འདི། །རྒྱས་པར་རབ་ཏུ་བསྒྲགས་པ་ཡིན། །སྟ་གོན་གནས་པའི་ཆོ་ག་རབ་ཏུ་གསང་བའི་རིམ་པར་ཕྱེ་བའོ།། །།སློབ་མས་དཀྱིལ་འཁོར་ཕྱག་
D807.096.0196b03.01བྱས་ནས། །ཁྱད་པར་དུ་ནི་ཡོན་ཕུལ་ཏེ། །བླ་མའི་ཁ་ནས་མངོན་སུམ་དུ། །རིག་སྔགས་ཡོངས་སུ་གཟུང་བར་བྱ། །སྙིམ་པ་མེ་ཏོག་གིས་བཀང་ནས། །གུས་ཤིང་རིམ་གྲོ་བསྐྱེད་བྱས་ཏེ། །བླ་མས་ཐོག་མར་ལན་གསུམ་བཟླས། །རང་གིས་ལན་གསུམ་བཟླས་ཏེ་གདོན། །
D807.096.0196b04.01དེ་ནས་ཡི་གེ་མང་པོའི་སྔགས། །གི་ཝང་དག་གིས་ཤོག་ཤོག་ལ། །ཇི་སྐད་བསྟན་བཞིན་མངོན་བྲིས་ཏེ། །དེ་ནས་ཅི་བདེར་ཁ་ཏོན་བསླབ། །བླ་མ་ཡོངས་སུ་མགུ་བ་ལས། །དུས་མཚམས་དག་གམ་ཚེས་གཞན་ལ། །རིག་སྔགས་བརྟགས་ནས་བྱིན་པ་དག །ཆོ་ག་བཞིན་དུ་
D807.096.0196b05.01གུས་པར་མནོད། །སློབ་མས་ལེགས་པར་མནོད་པ་དེ། །རིང་པོར་མི་ཐོགས་འགྲུབ་པར་འགྱུར། །མ་བསྙེན་པར་ཡང་དེ་ལ་དེ། །རྟག་ཏུ་འགོ་ཞིང་ཉེ་བར་གནས། །ཡང་ན་གསེར་ལ་སོགས་པ་ཡི། །བུམ་པ་གསར་ཞིང་གཙང་ལ་བཟང་། །སྐྱོན་ཀུན་རྣམ་པར་སྤངས་པ་ལ། །
D807.096.0196b06.01བཀྲ་ཤིས་ངོ་མཚར་དག་ཀྱང་བྱས། །དེ་ལ་སྤོས་ཆུ་འབའ་ཞིག་མེད། །ཁྱད་པར་དུ་ནི་བཤམ་བྱས་ནས། །གཙང་མར་བྱས་ཏེ་ནུབ་གཅིག་གམ། །ནུབ་གསུམ་དུ་ནི་སྨྱུང་བྱས་ཏེ། །སྲོད་ལ་རབ་ཏུ་བརྩམ་བྱས་ནས། །ཆོ་ག་འདི་དག་སྤྱད་པར་བྱ། །གསང་སྔགས་རིག་སྔགས་
D807.096.0196b07.01