德格《甘珠尔》D807

སྔགས་རྒྱལ་པོ་གང་ཡིན་པ། །དེ་ཡི་ཕྱག་རྒྱ་བྲིས་ནས་སུ། །དེ་ཡི་སྟེང་དུ་བུམ་པ་བཞག །ཇི་ལྟར་རིགས་ལ་རྣམ་བསྟན་པའི། །ཕྱག་རྒྱ་གཙུག་ཏོར་པདྨ་དང་། །རྡོ་རྗེ་འདི་གསུམ་རིམ་བཞིན་དུ། །རབ་ཏུ་གསང་བའི་དམ་པ་ཡིན། །ཕྱག་རྒྱ་རྣམས་ལ་མ་གོམས་ན། །ལས་ཀུན་བྱེད་

པའི་གསང་སྔགས་སམ། །ཡང་ན་ལྷ་རྣམས་ཀུན་གྱི་ཕྱིར། །ཡུངས་ཀར་སྟེང་དུ་བུམ་པ་བཞག །སྣམ་བུའི་ཆ་ནི་ལེགས་ཕྱེ་ནས། །ཤར་དུ་བཅོམ་ལྡན་ཕྱག་རྒྱ་བཞག །དེ་ཡི་གཡོན་དུ་སྙིང་པོའོ། །གཡས་སུ་རིགས་ཀྱི་ཡུམ་བཞག་གོ། །དེ་བཞིན་བྱང་དུ་ཆོ་ག་བཞིན། །པདྨ་འཆང་

བ་གཞག་པར་བྱ། །ལྷོར་ནི་ཕྱག་ན་རྡོ་རྗེ་སྟེ། །ནུབ་ཏུ་ཚངས་པ་དྲག་པོའོ། །གྲྭ་གཉིས་ཀྱི་ནི་ངོས་དག་ཏུ། །ཀུན་དགའ་བོ་དང་རབ་འབྱོར་དང་། །མདུང་ཐུང་དང་ནི་མཆེ་བ་དང་། །རིག་སྔགས་གསང་སྔགས་ཚོགས་རྣམས་དགོད། །གྲྭ་གཉིས་ཀྱི་ནི་ངོས་དག་ཏུ། །དོན་གྲུབ་པ་

དང་མཐུ་ཆེན་དང་། །དཔལ་མོ་དང་ནི་གོས་དཀར་ཅན། །རིག་སྔགས་གསང་སྔགས་ཚོགས་རྣམས་དགོད། །གྲྭ་གཉིས་ཀྱི་ནི་ངོས་དག་ཏུ། །རྡོ་རྗེ་རྡོ་རྗེ་དབྱུག་པ་དང་། །རྡོ་རྗེ་ཁུ་ཚུར་གནམ་ལྕགས་མ། །རིག་སྔགས་གསང་སྔགས་ཚོགས་རྣམས་དགོད། །གྲྭ་གཉིས་ཀྱི་ནི་ངོས་དག་ཏུ། །དྲག་

པོའི་ལོར་ནི་དྲག་མོ་དང་། །ཚངས་པའི་གློར་ནི་དཔལ་ཆེན་དང་། །སྣ་ཚོགས་ལྷ་ཡི་ཚོགས་རྣམས་བྲི། །སྔོན་བཞིན་ཕྱི་རོལ་དཀྱིལ་འཁོར་དུ། །ཕྱོགས་མཚམས་སྐྱོང་བའི་ལྷ་ལ་སོགས། །ཕྱོགས་སྐྱོང་{གོ་རིམས་,གོ་རིམ་}བཞིན་དུ་དགོད། །ལྷག་མ་མ་སྨོས་པ་ཡང་དགོད། །ཀླུ་རྒྱལ་དགའ་བོ་

བསྙེན་དགའ་བོ། །སྒོ་ཡི་ངོས་སུ་གཞག་པར་བྱ། །མཛེས་དགའ་ཉེ་མཛེས་ཕྱི་རོལ་སྒོར། །མདུན་དུ་བདུད་རྩི་ཐབ་སྦྱོར་བཞག །དཀྱིལ་འཁོར་སྔ་མའི་ཆོ་ག་བཞིན། །མཆོད་སོགས་ཆོ་ག་གང་ཡིན་པ། །དེ་དག་བྱས་ནས་སྦྱིན་སྲེག་ལས། །རྣམ་གསུམ་ཚུལ་བཞིན་ལེགས་པར་

བརྩམ། །བགེགས་རྣམས་གཞོམ་ཕྱིར་དྲག་ཤུལ་སྤྱོད། །རང་གི་འབྱོར་ཕྱིར་རྒྱས་པར་བྱ། །ཞི་བའི་ཆེད་ཏུ་ཞི་བ་སྟེ། །ཇི་ལྟར་མཐོང་བཞིན་བྱ་བར་གསུངས། །རིགས་གསུམ་དག་གི་སྤྱི་ལ་ཡང་། །ལས་ཀུན་བྱེད་པའི་གསང་སྔགས་སམ། །ཡང་ན་ཐབ་སྦྱོར་བྱེད་པ་ཡི། །