完整藏文原文 · 德格版页 当前仅加载第 96 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ། །མཛུབ་མོས་དྲང་བར་རབ་ཏུ་བསྒྲགས། །རྒྱལ་བའི་རིགས་ལ་བོ་དེ་ཙེ། །སྔགས་ཀྱི་ནོར་བུར་རབ་ཏུ་བསྒྲགས། །པདྨའི་རིགས་ལ་པདྨའི་སྙིང་། །རྡོ་རྗེའི་རིགས་ལ་རུ་ད་ཀྵ། །རིགས་གསུམ་དག་ནི་ཐམས་ཅད་ལ། །ནོར་བུ་དེ་དག་རབ་ཏུ་བསྒྲགས། །བཟླས་
D807.096.0191b01.01བརྗོད་བྱེད་པའི་ལས་ཀུན་ལ། །དེ་དག་དགེ་ཞིང་མཆོག་ཏུ་བཤད། །ལུང་ཏང་ཏ་ལའི་འབྲས་བུ་དང་། །དུང་དང་ཁམ་པ་ལས་བྱུང་དང་། །ཤེལ་དང་མུ་ཏིག་བ་སོ་དང་། །དེ་བཞིན་བྱི་རུ་ནོར་བུ་དང་། །ས་བོན་རྣམ་པ་སྣ་ཚོགས་དང་། །ལྦུ་མ་དག་གི་ཕྲེང་བའང་རུང་། །སྔགས་ཀྱི་ནོར་
D807.096.0191b02.01བུ་དེ་དག་རྣམས། །ཆོ་ག་འདི་ལས་རབ་ཏུ་བསྒྲགས། །རིགས་དང་བྱེ་བྲག་ལ་སོགས་ལས། །གཅེས་ཤིང་ཁ་དོག་ཅི་ལྟ་བར། །མཁས་པས་འདི་ལྟར་རིག་པར་བྱ། །དྲག་ཤུལ་སྤྱོད་ལ་ཁྱད་པར་དུ། །རུས་པ་སྣ་ཚོགས་ཤིས་པ་ཡིན། །དེ་ནས་གསང་སྔགས་གཞན་གྱིས་ཀྱང་། །
D807.096.0191b03.01དངོས་གྲུབ་འདོད་པས་མངོན་པར་བསྔགས། །གཅིག་ནི་སྦྱང་བའི་གསང་སྔགས་ཏེ། །གཉིས་པ་འགྲུབ་ཕྱིར་ཤེས་པར་བྱ། །ཨོྃ་ན་མོ་བྷ་ག་བ་ཏེ། སིདྡྷེ་སཱ་དྷ་ཡ་སཱ་དྷ་ཡ། སིདྡྷཱརྠ་སྭཱ་ཧཱ། དེ་བཞིན་གཤེགས་པའི་རིགས་ལའོ། །ཨོྃ་བ་སུ་མ་ཏི་ཤྲི་ཡེ་སྭཱ་ཧཱ། པདྨའི་རིགས་ལའོ། །
D807.096.0191b04.01ཨོྃ་བཛྲ་ཨ་ཅི་ཏཉྫ་ཡེ་སྭཱ་ཧཱ། རྡོ་རྗེའི་རིགས་ལའོ། །སྔགས་ཀྱི་ནོར་བུའི་རིག་སྔགས་རྣམས་སོ། །ཕྱག་རྒྱ་སྔགས་ཀྱི་ནོར་བུ་དག །ཆོ་ག་བཞིན་དུ་བླངས་ནས་ནི། །ནོར་བུ་སྙིང་གར་བཟུང་ནས་སུ། །བཟླས་བརྗོད་རབ་ཏུ་བརྩམ་པར་བྱ། །གུས་པས་དཀོན་མཆོག་
D807.096.0191b05.01གསུམ་པོ་དང་། །བྱང་ཆུབ་སེམས་དཔའ་རྣམས་དང་ནི། །རིག་སྔགས་ཚོགས་ནི་མཐའ་དག་ལ། །ཕྱག་བྱས་དེ་འོག་བཟླས་བརྗོད་བརྩམ། །ཡིད་ཀྱིས་གསང་སྔགས་ལྷ་རྣམས་ནི། །ཡང་ནས་ཡང་དུ་མངོན་བསམས་ཏེ། །རྟོག་པ་ངན་པ་རྣམས་བསལ་ནས། །མཁས་པས་
D807.096.0191b06.01བཟླས་བརྗོད་བརྩམ་པར་བྱ། །ཞི་བ་དང་ནི་རྒྱས་པ་ལ། །ཨོཾ་དང་བཅས་ཤིང་ཕྱག་དང་བཅས། །ལྷག་པར་ཞི་བའི་སེམས་ཀྱིས་ནི། །བློ་ཡིས་བཟླས་བརྗོད་དལ་བུས་བྱ། །དྲག་ཤུལ་ཅན་གྱི་སེམས་ཀྱིས་ནི། །ཧཱུྃ་དང་བཅས་ཤིང་ཕཊ་དང་བཅས། །བཟླས་བརྗོད་གཞན་
D807.096.0191b07.01