完整藏文原文 · 德格版页 当前仅加载第 96 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱན་དྲང་ཆོ་ག་རིག་པར་བྱ། །མཆོད་ཡོན་སྔགས་ཀྱི་བཟླས་པ་ཡིས། །རི་མོའམ་ཡང་ན་གཟུགས་དག་ལ། །གསང་སྔགས་གང་དག་འགྲེང་སྣང་བ། །དེ་ལ་འགྲེང་སྟེ་སྤྱན་དྲང་བ། །འདུག་པ་ལ་ནི་འདུག་ནས་སོ། །བཟུར་བ་ལ་ནི་བཟུར་ནས་སོ། །སྤྱན་དྲང་ཕྱིར་ནི་
D807.096.0187b01.01མཆོད་ཡོན་དག །ཆོ་ག་བཞིན་དུ་དབུལ་བར་བགྱི། །གསང་སྔགས་ལ་ལའི་གནས་དག་ནི། །གང་དང་གང་གི་ཕྱོགས་ཡན་པ། །ཕྱོགས་དེར་ཐོག་མར་བལྟས་ནས་ནི། །མཆོད་ཡོན་བཟླས་ཏེ་དེར་ཕྱོགས་ལ། །ལས་དེ་ཕྱོགས་སུ་བལྟས་ནས་ནི། །དེ་ནས་མཆོད་ཡོན་དབུལ་
D807.096.0187b02.01བར་བྱ། །འདི་ནི་སྤྱན་དྲང་ཆོ་ག་གཞན། །གསང་བའི་དམ་པ་བཤད་པ་ཡན། །ཐལ་སྦྱར་མཆོད་ཡོན་མེ་ཏོག་དང་། །ཡིད་ཀྱིས་སམ་ནི་ཆུས་ཀྱང་རུང་། །མཁས་པས་སྤྱན་དྲང་ཆོ་ག་ནི། །གང་དུའང་རུང་བར་མདུན་དུ་བྱས། །གསང་སྔགས་ཀུན་གྱི་ཆོ་ག་འདིར། །སྔགས་དང་ཕྱག་
D807.096.0187b03.01རྒྱར་ལྡན་པ་ཡིས། །སྤྱན་དྲང་ཆོ་གར་གསུངས་པ་དག །འདི་ནི་ཀུན་གྱི་སྤྱི་ཡིན་ནོ། །སྒྲུབ་པོས་སྔོན་དུ་བསྙེན་པ་དང་། །མཆོད་པ་ལ་སོགས་ལས་རྣམས་དང་། །ལས་ཀྱི་ཆོ་ག་བྱེད་པས་ན། །སྤྱན་དྲང་བ་ནི་ཡིད་ཀྱིས་བྱ། །ཇི་ལྟར་མཐུན་པའི་ཆོ་ག་བཞིན། །སྤྱན་དྲང་ཆོ་ག་བཤད་
D807.096.0187b04.01པ་ནི། །ཐམས་ཅད་དོན་བྱེད་ཕྱིར་གསུངས་ཏེ། །ཕྲན་ཚེགས་དག་ལ་ཕལ་གྱིས་བྱ། །ཟློས་པས་སྤྱན་ནི་དྲངས་ནས་ཀྱང་། །ཆོ་ག་བཞིན་དུ་མཉེས་བྱས་ནས། །གསང་སྔགས་ཀྱི་ནི་ལྷ་རྣམས་ཀྱང་། །ཕན་འདོགས་ལ་སོགས་ཐམས་ཅད་མཛད། །སྤྱན་དྲང་བའི་ཆོ་ག་རིམ་
D807.096.0187b05.01པར་ཕྱེ་བའོ།། །།སྒྲུབ་པ་པོས་ནི་ལས་ཀུན་ལ། །ལྷ་རྣམས་སྤྱན་དྲངས་བྱས་ནས་ནི། །གསང་སྔགས་རིམ་པར་ཕྱེ་བ་བཞིན། །ཆོ་ག་ཤེས་པས་མཆོད་པ་བརྩམ། །བདེ་བར་གཤེགས་སོ་བཅོམ་ལྡན་འདས། །ཚུར་གཤེགས་འདིར་ནི་བཞུགས་སུ་གསོལ། །བདག་གི་
D807.096.0187b06.01མཆོད་པ་བཞེས་ནས་ཀྱང་། །ཐུགས་ཀྱིས་ཐུགས་དཔག་མཛད་དུ་གསོལ། །བདག་ནི་གུས་དང་ལྡན་ནོ་ཞེས། །ལྷ་ལ་ཡང་དང་ཡང་གསོལ་ནས། །གསང་སྔགས་སྒྲུབ་པས་དུས་གསུམ་དུ། །ཆོ་ག་འདིས་ནི་མཆོད་པ་བྱ། །སྔོན་གྱི་སྔགས་རྒྱུད་ལུང་གིས་ནི། །ཐོག་མར་དྲི་
D807.096.0187b07.01