完整藏文原文 · 德格版页 当前仅加载第 96 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
དྲག་པོ་ཡི་ནི་ལས་རྣམས་ལ། །བདག་པོའི་སྔགས་ཀྱིས་བསྲུང་བ་བྱ། །སྒྲུབ་པ་པོས་ནི་ཞི་བ་ལའང་། །གསང་སྔགས་དྲག་པོས་ནན་ཏན་བྱ། །ལྷ་རྣམས་བྱིན་གྱིས་རློབ་པ་ཡང་། །བདག་གིས་སྔགས་ཀྱིས་མཛད་པར་འགྱུར། །བདག་གིས་སྔགས་ལ་འཇིགས་དོགས་ན། །
D807.096.0189b01.01བསྲུང་བ་བདག་པོས་བྱ་བར་བཤད། །སྒྲུབ་པ་པོ་ནི་བློ་ཅན་གྱིས། །གཉིས་ཀར་རྟག་པར་ལས་རྣམས་ལ། །བདག་ཉིད་བསྲུང་བའི་ཆོ་ག་དག །གཙང་མས་ལྷག་པར་ལེགས་པར་བྱ། །ལྷ་ཡི་ཁང་པའི་ཕྱི་རོལ་དུ། །གཅིག་པུ་ཅི་དགར་སྤྱོད་པ་ན། །ལྷ་རྣམས་ཡོངས་སུ་
D807.096.0189b02.01བསྲུང་བའི་ཕྱིར། །བདག་ཉིད་བཞིན་དུ་ཀུན་དུ་སྤྱད། །ཕྱི་རོལ་ཆགས་ལ་སོགས་པ་དང་། །ནམ་ཡང་གང་དག་མི་གཙང་བར། །ཁྲོ་བོ་འཆོལ་པའི་གསང་སྔགས་ཀྱིས། །དེ་ཚེ་བསྲུང་བར་བྱ་བར་བཤད། །ན་མོ་བཛྲཱ་ཡ། ཨོྃ་བཛྲ་ཀྲོ་དྷ་མ་ཧཱ་བ་ལ་ཧ་ནད་ཧ་པ་ཙ་བི་དྷ་ན་ས་ཡ་
D807.096.0189b03.01ཨུཙྪུཤྲ་ཀྲོ་དྷ་ཧཱུྃ་ཕཊ། ཁྲུས་བྱེད་ཚེ་ན་བགེགས་ཀྱི་དགྲས། །བསྲུང་བ་རྟག་ཏུ་བྱ་བར་བཤད། །ཟན་ཟའི་ཚེ་ན་བདག་པོས་བསྲུང་། །ཉལ་ཚེ་རིགས་ཀྱི་རིག་སྔགས་ཀྱིས། །རིགས་གསུམ་ལ་ཡང་རྟག་པར་ནི། །བགེགས་རྣམས་ཀུན་གྱིས་གླགས་གྱུར་ལ། །རིག་སྔགས་
D807.096.0189b04.01རྒྱལ་པོ་ཞེས་བྱ་བ། །དེས་ནི་བསྲུང་བ་བྱ་བར་བཤད། །བསྲུང་བའི་རིམ་པར་ཕྱེ་བའོ།། །།ཨོྃ་ཨེ་ཀ་ཛྭ་ལ་བཛྲ་པཱ་ཎི་ཧཱུྃ། ས་མ་ཡ་མ་ནུ་སྨ་ར་ཧཱུྃ་ཕཊ་སྭཱ་ཧཱ། དེ་ལ་སོགས་པ་མ་ལུས་པ། །དེ་ལྟར་བསྲུང་བ་བྱས་ནས་ནི། །བདག་གི་ཡིད་ནི་མཉམ་བཞག་སྟེ། །བཟླས་བརྗོད་
D807.096.0189b05.01བྱ་བ་ཀུན་དུ་བརྩམ། །ཀུ་ཤ་སྔོན་པོའི་རྩྭ་སྟན་ནི། །འཕང་དུ་སོར་བཞི་ཡོད་པ་ལ། །མཉམ་ཞིང་ཞེང་དུ་མཐོ་གང་བ། །སྲིད་དུ་སོར་ནི་བཅུ་དྲུག་བྱ། །སྔོན་དུ་བསྙེན་པའི་བཟླས་བརྗོད་ཚེ། །དེ་དག་ཐམས་ཅད་བྱ་བར་གསུངས། །དེ་དག་མ་འབྱོར་ཀུ་ཤའི་རྩྭའམ། །ཡང་ན་འཇག་
D807.096.0189b06.01མ་སྔོན་པོའང་རུང་། །ལས་ཀྱི་བྱེ་བྲག་ཇི་ལྟ་བར། །ཤིང་ལས་བྱས་པའི་སྟན་ཡང་རུང་། །དེ་ཡི་ཚད་དུ་ལེགས་བཞོགས་པའི། །ཤིང་གི་ཁྲིའུ་འང་རབ་ཏུ་ཤིས། །འདབ་མ་གཙང་མ་དེ་དང་དེ། །ཁྱད་པར་དུ་ནི་ལས་ཀུན་ལ། །མན་ངག་བསྟན་པ་དེ་ཡིས་ནི། །ལོ་མའི་སྟན་
D807.096.0189b07.01