完整藏文原文 · 德格版页 当前仅加载第 96 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་ཡང་ན་ཟླ་གཅིག་ཏུ། །གསང་སྔགས་དངོས་གྲུབ་རྗེས་མཐུན་པར། །ཆོ་ག་འདི་ནི་བྱ་བར་བསྟན། །དེ་ལ་བདུག་ཅིང་བསང་གཏོར་བྱ། །ཡིད་ལ་བཟླས་ཤིང་བལྟ་བར་བྱ། །བསང་བྱེད་བཅས་པའི་ལག་པ་ཡིས། །གསང་སྔགས་བཟླས་ཤིང་བྲིམ་པར་
D807.096.0204a01.01བྱ། །གི་ཝང་ཆུ་དང་ཡུངས་ཀར་གྱིས། །བྱེ་བྲག་ཏུ་ཡང་བསང་གཏོར་བྱ། །རྫས་ལ་དུས་ཚིགས་དུས་ཚིགས་སུ། །ཇི་ལྟར་རིགས་པར་མཆོད་པར་བྱ། །ཡར་གྱི་ངོ་ལ་སྒྲུབ་འོས་པ། །མཁས་པས་ཟླ་བ་ཉ་ལ་བྱ། །མར་གྱི་ངོ་ལ་སྒྲུབ་འོས་པ། །མར་གྱི་ངོ་ཡི་བཅུ་བཞི་ལ། །
D807.096.0204a02.01མཁས་པས་རིགས་ཀྱི་རིག་སྔགས་ཀྱིས། །རྫས་རྣམས་བྱིན་ནི་བསྐྱེད་པར་བྱ། །དྲི་དང་བདུག་སྤོས་ཕྲེང་སོགས་ཀྱིས། །ཁྱད་པར་དུ་ནི་མཆོད་པར་བྱ། །ལག་ངར་གདུ་བུ་བཏགས་པ་ཡིས། །ལག་མཐིལ་དྲི་ཡིས་བསྐུས་པ་ཡིས། །ལག་པས་མཚན་གཅིག་ཐལ་བྱུང་
D807.096.0204a03.01དུ། །ཉི་མ་ཤར་གྱི་བར་དུ་བཟླས། །དེ་ཉིད་ཀྱི་ནི་ནུབ་མོ་ཡང་། །སོ་སོའི་རིགས་ཀྱི་གསང་སྔགས་ནི། །རྫས་རྣམས་བྱིན་སྐྱེད་བྱེད་པ་འདིས། །དུས་གསུམ་དུ་ནི་བརྒྱ་བརྒྱ་བཟླས། །དེ་ལྟར་བློ་དང་ལྡན་པ་ཡིས། །རྫས་དེ་ཡོངས་སུ་བཟུང་བ་ནས། །མ་གྲུབ་བར་དུ་
D807.096.0204a04.01དུས་གསུམ་བཟླས། །དེ་ལྟར་བྱས་ན་འགྲུབ་པར་འགྱུར། །ཨོྃ་ཏེ་ཛ་ཏེ་ཛ་ས་ནི་སིདྡྷི་སཱ་དྷ་ཡ་ཧཱུྃ་ཕཊ། དེ་བཞིན་གཤེགས་པའི་རིགས་ལའོ། །ཨོྃ་དཱི་བྱ་དཱི་བྱ། དཱི་པ་ཡ་ཨཱ་བི་ཤ་མ་ཧཱ་ཤྲི་ཡེ་སྭཱ་ཧཱ། པདྨའི་རིགས་ལའོ། །ཨོྃ་ཛྭ་ལ་ཛྭ་ལ། ཛྭ་ལ་ཡ་བནྡཱུ་རི་ཧཱུྃ་ཕཊ། རྡོ་རྗེའི་རིགས་
D807.096.0204a05.01ལའོ། །ཀ་ར་བི་ར་དམར་པོའམ། །མེ་ཏོག་མ་ལ་ཏི་ཡང་རུང་། །ཡང་ན་ཡུངས་ཀར་དག་གིས་བྱ། །རྫས་ལ་ལེགས་པར་འཕང་བར་བྱ། །ཐོག་མ་བར་རམ་མཐའ་མར་རམ། །མཚན་མ་བྱུང་བའི་ཚེ་ན་ཡང་། །སྒྲུབ་པ་བརྩོན་པའི་བར་བར་དུ། །འཕངས་ན་རྫས་ཀྱི་བྱིན་
D807.096.0204a06.01བསྐྱེད་འགྱུར། །དུས་དེ་རྣམས་སུ་ཆོ་ག་བཞིན། །སྤོས་ཆུ་བཟླས་བརྗོད་བྱས་པའམ། །མར་ལ་སོགས་པས་ཅི་རིགས་བྱ། །བསང་གཏོར་བྱས་པས་བྱིན་བསྐྱེད་དོ། །གལ་ཏེ་རྫས་རྣམས་མ་གྲུབ་ན། །ཆོ་ག་དེ་ཉིད་བྱ་བ་བཤད། །ཡང་ན་དཀྱིལ་འཁོར་འདི་བྲིས་
D807.096.0204a07.01