完整藏文原文 · 德格版页 当前仅加载第 96 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མི་གཞུག་གོ། །དཀྱིལ་འཁོར་དག་ཏུ་ཆོ་ག་བཞིན། །གང་གིས་གསང་སྔགས་སྟོང་བཟླས་དང་། །ཉི་མ་ཟླ་བ་གཟས་ཟིན་ཚེ། །བསྙེན་པ་དེ་ནི་ཐེ་ཚོམ་མེད། །གཙུག་ཏོར་ཅན་གྱི་གནས་ཀུན་དང་། །མཆོད་རྟེན་ཆེན་པོ་དག་དང་ནི། །ཆོ་འཕྲུལ་ཆེན་པོའི་ཟླ་ཕྱེད་ལ། །བཟླས་
D807.096.0193b01.01པ་དེ་ནི་མཆོག་ཏུ་བཤད། །བླ་མ་མགུ་བར་གྱུར་པ་ལས། །རིག་སྔགས་བཟླས་པ་གང་ཐོབ་དང་། །གང་ཡང་ཉིད་ཀྱིས་བཀའ་སྩལ་པ། །དེ་དག་མྱུར་དུ་འགྲུབ་པར་འགྱུར། །གང་ཡང་གནས་ཡུལ་ཡོན་ཏན་ཅན། །མཆོད་སོགས་ཁྱད་པར་ཅན་དག་དང་། །རང་གི་སེམས་ནི་དང་བ་
D807.096.0193b02.01ལས། །རིག་པ་མྱུར་དུ་བཀའ་སྩོལ་ཏེ། །མྱུར་དུ་འགྲུབ་ཀྱང་མི་ཐོགས་པར། །ངེས་པར་ཉམས་པར་འགྱུར་ཞེས་གསུངས། །དེ་བས་བསྙེན་པ་རྫོགས་བྱས་ནས། །དངོས་གྲུབ་ཕྱིར་ནི་འབད་པར་བྱ། །བསྙེན་པའི་ཚེ་ནི་ཅི་རིགས་པར། །དངོས་གྲུབ་ཕྱིར་ནི་ལྷ་རྣམས་ལ། །ལྷ་ཁང་
D807.096.0193b03.01གི་ནི་ཕྱི་རོལ་དུ། །དུས་མཚམས་དག་ལ་མཆོད་པ་བྱ། །དུས་མཚམས་དག་ལ་རིག་སྔགས་རྣམས། །བྱེ་བྲག་ཏུ་ནི་མཆོད་པར་བྱ། །རྟག་ཏུ་དགེ་བའི་ཕྱོགས་རྣམས་དང་། །དེ་བཞིན་དུ་ནི་སྡོམ་པ་གཟུང་། །བུམ་པ་བཀྲ་ཤིས་ལྡན་པ་ལ། །སྤོས་ཀྱི་ཆུ་ལ་སོགས་པས་
D807.096.0193b04.01བཀང་། །རྡོ་རྗེ་ཁྲོ་བོས་མངོན་བསྔགས་ཏེ། །དབང་བསྐུར་དོན་དུ་སྦྱར་བར་བྱ། །དེ་མ་འབྱོར་ན་མཆོད་ཡོན་སྣོད། །མེ་ཏོག་རྣམས་དང་ཆུས་བཀང་སྟེ། །བགེགས་རྣམས་རྣམ་པར་བསལ་བའི་ཕྱིར། །དབང་བསྐུར་དེ་ནི་ཉེ་བར་སྦྱར། །བྱེ་བྲག་ཏུ་ནི་ལྷ་བཤོས་དབུལ། །བྱེ་བྲག་
D807.096.0193b05.01ཏུ་ནི་སྦྱིན་སྲེག་བྱ། །མར་མེའི་ཆོ་ག་བྱེ་བྲག་ཏུ། །ས་ཡི་བྱི་དོར་དེ་བཞིན་བྱ། །གལ་ཏེ་ཟློས་ཚེ་གློ་བུར་དུ། །སྣ་ཚོགས་པ་ཡི་འོད་བྱུང་ན། །དེ་ཚེ་དངོས་གྲུབ་མྱུར་བར་ངེས། །བཀྲེས་པས་ཅུང་ཞིག་ནད་ལས་ཐར། །ཤེས་པ་ཁྱད་པར་ཅན་ཡང་འབྱུང་། །ལྷག་པར་གཟི་མདངས་
D807.096.0193b06.01ཆེ་བསྟན་པ། །གསང་སྔགས་བཟླས་པའི་མཚན་ཉིད་ཡིན། །མཚན་མོ་རྨི་ལམ་དགེ་བ་དང་། །བདེན་པ་རྣམས་ནི་མཐོང་བ་དང་། །བཟླས་བརྗོད་བྱེད་ལ་དགའ་བ་ནི། །གསང་སྔགས་བཟླས་པའི་མཚན་ཉིད་ཡིན། །ངལ་བ་ཆུང་ཞིང་དྲི་ཞིམ་དང་། །གཏོང་ཕོད་ཡོན་ཏན་ལྷུར་ལེན་
D807.096.0193b07.01