德格《甘珠尔》D807

པོ་ཉམས་དགའ་བ། །བྱང་ཆུབ་ཆེན་པོ་གྲུབ་གནས་དང་། །དེ་བཞིན་བལྟམ་ལ་སོགས་པ་བརྒྱད། །དེ་ན་བགེགས་ནི་ཡོད་མ་ཡིན། །ལས་ཀྱི་ཆོ་ག་ཐམས་ཅད་དང་། །མཐུན་པ་དག་ཀྱང་དེ་ན་ཡོད། །དེར་ནི་བདུད་ཀྱིས་བགེགས་བྱ་བར། །ནམ་ཡང་ནུས་པ་མ་ཡིན་

ནོ། །དེ་བས་གསང་སྔགས་ཐམས་ཅད་ཀྱང་། །དེར་ནི་ངེས་པར་འགྲུབ་པར་གསུངས། །འདིར་ནི་དྲག་ཤུལ་སྤྱོད་པའི་ལས། །དུར་ཁྲོད་དག་ཏུ་བྱ་བར་ཤིས། །ཡང་ན་ཤིང་གཅིག་པ་དག་གམ། །ཁང་སྟོང་མཚན་མ་གཅིག་པའང་རུང་། །འབབ་ཆུའི་འགྲམ་ནི་ཐམས་

ཅད་དུ། །རིག་སྔགས་བསྒྲུབས་ན་འགྲུབ་པར་གསུངས། །སྐྱེད་མོས་ཚལ་དུ་གནོད་སྦྱིན་མོ། །ཀླུ་ཡི་བདག་པོ་མཚོ་རྣམས་སུ། །ཁང་སྟོང་དུ་ནི་ལོངས་སྤྱོད་ཕྱིར། །མངག་གཞུག་གྲོང་སྲང་ལ་སོགས་པར། །ཕུག་གི་གསང་སྔགས་ཕུག་རྣམས་སུ། །བསྒྲུབས་ན་མྱུར་དུ་འགྲུབ་

པར་འགྱུར། །སྔགས་རྣམས་མྱུར་དུ་འགྲུབ་པའི་ཕྱིར། །ཆོ་ག་གསང་བ་འདི་གསུངས་སོ། །མན་ངག་བསྟན་པ་འདི་ཉིད་ཀྱིས། །གནས་རྣམས་གཏན་ལ་དབབ་པར་བྱ། །གང་ཡང་རུང་བའི་གནས་གཅིག་ཏུ། །དཀྱིལ་འཁོར་ཆོ་ག་གསུངས་པའམ། །བཟླས་བརྗོད་ས་ཡི་ཆོ་

ག་ཡིས། །དང་པོར་ས་ནི་སྦྱང་བར་བྱ། །ལྷ་ཡི་གནས་ནི་རྣམ་དག་པར། །བྱིན་གྱིས་རློབ་ཅིང་བཞུགས་འགྱུར་བས། །བསྒྲུབ་པ་ལ་ནི་བྱེ་བྲག་ཏུ། །ཆོ་ག་གཞན་ཡང་འདི་དག་བཤད། །ཙནྡན་དམར་པོས་བསྐུས་པ་ཡི། །སེང་ལྡེང་ཕུར་བུ་མཛུབ་གང་པ། །རྣོན་པོར་བྱས་པ་

བཞི་དག་ལ། །སྐུད་པ་དམར་པོ་དག་གིས་དཀྲིས། །རྡོ་རྗེ་ཕུར་བུས་ལན་གྲངས་བརྒྱར། །མངོན་པར་བཟླས་བརྗོད་བྱས་པ་དག །གནས་སམ་ཁྱིམ་དག་ཏུ་ཡང་རུང་། །ཁུ་ཚུར་གྱིས་ནི་ཕྱོགས་བཞིར་གདབ། །དང་པོར་ལས་ཀུན་བྱེད་སྔགས་སམ། །ཡང་ན་བགེགས་ཀྱི་

དགྲས་ཀྱང་རུང་། །ཡུངས་ཀར་དག་ལ་སོགས་པ་ཡིས། །ལེགས་པར་ཀུན་དུ་བསལ་བར་བྱ། །བ་དན་དཀར་པོ་གཅིག་ལ་ནི། །རིག་སྔགས་རྒྱལ་པོས་མངོན་བསྔགས་ཏེ། །སྨྱུག་མ་རིང་པོའི་ཡུ་བ་ལ། །བཏགས་ཏེ་དང་པོ་ཤར་དུ་གཟུགས། །རྡོ་རྗེ་ར་བས་བསྔགས་པ་