完整藏文原文 · 德格版页 当前仅加载第 96 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཐམས་ཅད་བྱ། །དབྱར་གྱི་ངོ་ལ་ལས་རྣམས་བྱ། །སྟོན་དང་དགུན་དང་དཔྱིད་སྨད་ནི། །འབྲིང་དང་རབ་དང་ཐ་མའོ། །གསུམ་དུ་ཕྱེ་བ་དེ་ལ་ཡང་། །གསུམ་གསུམ་དག་ཏུ་དབྱེ་བར་བཤད། །དུས་གསུམ་དག་གི་དངོས་གྲུབ་ཀྱང་། །ཕལ་ཆེར་རྣམ་
D807.096.0206a01.01པ་གསུམ་དུ་བཤད། །དང་པོ་སྲོད་ཀྱི་དུས་ལས་ཏེ། །འབྲིང་པོ་ནམ་གྱི་ཕྱེད་ནའོ། །རབ་ཀྱི་དུས་ནི་ནང་པར་ཏེ། །དེར་ནི་དངོས་གྲུབ་རིམ་བཞིན་འགྱུར། །ཞི་དང་དྲག་ཤུལ་རྒྱས་པ་ཡི། །དུས་ཀྱང་དེ་དག་ཡིན་པར་བསྒྲགས། །ཐ་མ་འབྲིང་དང་རབ་རྣམས་ཀྱི། །ཆོ་གའི་རིམ་པ་
D807.096.0206a02.01དེ་དག་ཉིད། །ར་བ་དང་འབྲིང་དང་ཐ་མ་ཡི། །དངོས་གྲུབ་རྣམས་ཀྱི་མཚན་མ་ལ། །རིམ་པ་ཅི་ལྟར་མཐོང་བ་བཞིན། །བྱེ་བྲག་རྣམ་གསུམ་ཤེས་པར་བྱ། །ཉི་མ་ཟླ་བ་གཟས་ཟིན་ལ། །དུས་ནི་གང་ཡང་ངེས་པ་མེད། །དྲག་ཤུལ་སྤྱོད་པ་ཁྱད་པར་དུ། །གཟས་ཟིན་ཚེ་ནི་བྱ་
D807.096.0206a03.01བར་བཟང་། །རབ་ལ་སོགས་པའི་བྱེ་བྲག་ལས། །ཞག་གསུམ་ཡང་ན་ཞག་གཉིས་སམ། །ཡང་ན་ཞག་གཅིག་ཏུ་ཡང་རུང་། །སྨྱུང་བར་བྱ་བར་བ་ཏུ་བཤད། །སྒྲུབ་པའི་དུས་རིམ་པར་ཕྱེ་བའོ།། །།དེ་ནས་གཞན་ཡང་རྟོག་པ་ལས། །ཇི་སྐད་བསྟན་པའི་ཆོ་ག་
D807.096.0206a04.01བྱ། །ངལ་བར་ཐལ་བའི་སྐྱོན་ཡོད་པས། །སྨྱུང་བར་བྱ་བ་མི་ཤིས་སོ། །དེ་ཡི་བར་དུ་སྒྲུབ་པ་པོས། །བསྙེན་པ་དང་ནི་མཆོད་པ་དང་། །སྦྱིན་སྲེག་ཆོ་ག་བསྟོད་པ་དང་། །དགེ་བ་དག་ལ་བརྩོན་པར་བྱ། །ལན་བརྒྱར་མངོན་པར་བསྔགས་པ་ཡི། །བུ་མོས་བཀལ་བའི་སྐུད་པ་ནི། །
D807.096.0206a05.01མང་དུ་བསྒྲིལ་ཅིང་སྤོས་བསྐུས་པ། །མདུད་པ་བདུན་ནི་བོར་བ་ལ། །སྒྲུབ་པ་པོས་ནི་གསང་སྔགས་འདིས། །བརྒྱ་རྩ་བརྒྱད་དུ་བཟླས་བརྗོད་ནས། །སྲོད་ལ་རྐེད་པར་བཅིངས་ན་ནི། །ཁུ་ཆུ་དགག་པ་བྱས་པར་འགྱུར། །ཨོྃ་ཛ་ཡེ་ཀུ་མཱ་རི་ཤུ་ཀྲ་བནྡྷ་ནི་སྭཱ་ཧཱ། ཨོྃ་རཀྵ་ཀུ་རུ་ཀུ་རུ་གི་ན་
D807.096.0206a06.01སྭཱ་ཧཱ། ཨོྃ་ཀུ་ལནྡྷ་རི་བནྡྷ་བནྡྷ་ཧཱུྃ་ཕཊ་སྭཱ་ཧཱ། བདེ་གཤེགས་སྔགས་པ་གཞོན་ནུ་མས། །པདྨ་འཛིན་ལ་ཀུ་རུང་གིས། །རྡོ་རྗེའི་རིགས་ལ་མཱ་མ་ཀཱིས། །ཆོ་ག་བཞིན་དུ་ཁུ་ཆུ་དགག །ཚུར་སྤྱོན་ཚུར་སྤྱོན་བརྟུལ་ཞུགས་བཟང་། །བདག་གི་ལུས་ལ་མྱུར་ཞུགས་ནས། །རྐང་གི་
D807.096.0206a07.01