完整藏文原文 · 德格版页 当前仅加载第 97 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་དེ། །མིག་གི་ཁམས་ཞེས་བྱ་བར་གྲགས། །མཐོང་བའི་བྱ་བ་བྱེད་པའི་ཕྱིར། །བྱམས་པ་མཻ་ཏྲི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །ཐོས་པར་བྱེད་པའི་བདག་ཉིད་དེ། །རྣ་བའི་ཁམས་ཞེས་བྱ་བར་གྲགས། །ཐོས་པའི་བྱ་བ་
D830.097.0303b01.01བྱེད་པའི་ཕྱིར། །སྒྲིབ་པ་ཀུན་སེལ་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །སྣོམ་བྱེད་དང་བའི་བདག་ཉིད་དེ། །སྣ་ཡི་ཁམས་ཞེས་བྱ་བར་གྲགས། །ཚོར་བར་བྱ་བ་བྱེད་པའི་ཕྱིར། །འཇམ་དཔལ་ཉིད་ཀྱི་རང་བཞིན་ཡིན། །སྲིད་གསུམ་
D830.097.0303b02.01སེམས་ཅན་ཐམས་ཅད་ཀྱི། །མྱོང་བྱེད་དག་པའི་བདག་ཉིད་དེ། །ལྕེ་ཡི་ཁམས་ཞེས་བྱ་བར་གྲགས། །མྱོང་བའི་བྱ་བ་བྱེད་པའི་ཕྱིར། །ཀུན་དུ་བཟང་པོའི་རང་བཞིན་ཡིན། །ཞེས་གསུངས་སོ། །དེ་ལ་དུས་བཞི་མཆོད་པའི་ལྷ་མོ་བཞིའི་རང་བཞིན་དུ་གསུངས་པ།
D830.097.0303b03.01སྣོད་བཅུད་འགྲོ་བ་ཐམས་ཅད་ཀྱི། །རྒྱུ་འབྲས་ཀུན་དུ་རྣམ་པར་སྤྱད། །སྔོན་འདས་དུས་སུ་རྣམ་པར་གྲགས། །སྔོན་འདས་དཔྱིད་ཀྱི་རང་བཞིན་ཡིན། །སྤོས་མེའི་རང་བཞིན་ཉིད་ཡིན་ནོ། །སྣོད་བཅུད་འགྲོ་བ་ཐམས་ཅད་ཀྱི། །རྒྱུ་སྤྱད་འབྲས་བུ་མ་སྤྱད་ཀུན། །
D830.097.0303b04.01ད་ལྟར་དབྱར་གྱི་རང་བཞིན་ཡིན། །མེ་ཏོག་ཉིད་ཀྱི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །རྒྱུ་འབྲས་ཡོངས་ཀྱིས་མ་སྤྱད་པ། །མ་འོངས་དུས་སུ་རྣམ་པར་གྲགས། །འོང་མ་རག་སྟོན་རང་བཞིན་ནི། །ཨཱ་ལོ་ཀེ་ཡི་རང་བཞིན་ཡིན། །སྣོད་
D830.097.0303b05.01བཅུད་འགྲོ་བ་ཐམས་ཅད་ཀྱི། །རྒྱུ་འབྲས་ངེས་པར་མ་ཚོགས་པ། །འབྱུང་བར་མ་ངེས་དུས་ཞེས་གྲགས། །མ་འོངས་དགུན་གྱི་རང་བཞིན་ནི། །གན་དྷེའི་རང་བཞིན་ཡིན་པར་ངེས། །ཞེས་གསུངས་སོ། །དེ་ལ་འདི་ནི་ལུས་ཀྱི་དབང་པོ་དང་། རྣམ་པར་
D830.097.0303b06.01ཤེས་པ་དང་། ཡང་དེའི་ཡུལ་དང་དེ་ལས་བྱུང་བའི་བྱང་ཆུབ་སེམས་ཁྲོ་བོ་བཞིའི་རང་བཞིན་དུ་གསུངས་པ། སྲིད་གསུམ་སེམས་ཅན་ཐམས་ཅད་ཀྱི། །རེག་བྱེད་དང་བའི་བདག་ཉིད་དེ། །ལུས་ཀྱི་ཁམས་ཞེས་བྱ་བར་གྲགས། །རེག་བྱེད་བྱ་བ་བྱེད་པས་ན། །གཤིན་
D830.097.0303b07.01