完整藏文原文 · 德格版页 当前仅加载第 97 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱེ་བའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་ཆོས་ཐམས་ཅད་ལྷུན་གྱིས་གྲུབ་པའི་ཕྱག་རྒྱ་ལས་མི་འདའ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཕྱག་རྒྱ་དམ་ཚིག་གི་མཚན་ཉིད་
D830.097.0311a01.01རྣམས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །གསང་སྔགས་རྒྱ་མཚོ་ཆེན་པོ་འདི། །ཕྱག་རྒྱ་བསམ་ཡས་ཇི་སྙེད་པ། །མདོར་བསྡུས་རྣམ་པ་བཞི་རུ་འདུས། །དང་པོར་ཕྱག་རྒྱ་ཆེན་པོ་སྟེ། །གཉིས་པ་དམ་ཚིག་རྒྱ་ཡིན་ནོ། །གསུམ་པ་ཆོས་ཀྱི་
D830.097.0311a02.01ཕྱག་རྒྱ་སྟེ། །བཞི་པ་ལས་ཀྱི་ཕྱག་རྒྱ་སྟེ། །ཕྱག་རྒྱ་ཆེན་པོ་སྐུ་ཡི་རྒྱ། །རང་བཞིན་ཆོས་སྐུ་དངོས་མེད་རྒྱ། །གཟུགས་སྐུ་མཚན་མའི་རྒྱ་ཞེས་བཤད། །གཟུགས་སྐུ་རང་བཞིན་ཀུན་རྫོབ་དང་། །བསྒོམ་དང་བསྐྱེད་པ་ཡིན་པར་བཤད། །གཉིས་པའི་རྒྱ་ལ་
D830.097.0311a03.01གསུམ་ཡོད་དེ། །བསྒོམ་དང་གཟུང་དང་བཅིང་བའོ། །བསྒོམ་པ་དམ་ཚིག་གསུང་ཡིན་ཏེ། །གསལ་ལྡན་མ་འམ་བྱིན་བརླབས་པའོ། །གཟུང་བ་ཐུགས་མཚན་ཉིད་བཟུང་བའོ། །དམ་ཚིག་ལག་རྒྱ་བཅིང་བར་བཤད། །ཡང་ན་སོ་སོའི་གཙོ་གཟུང་རྣམས། །
D830.097.0311a04.01སྦྱོར་ཐབས་ཕྱག་རྒྱ་ཉིད་ཡིན་ནོ། །གསུམ་པའི་རྒྱ་ལ་གསུམ་ཡོད་དེ། །རང་བཞིན་བསྒོམ་དང་བཟླས་བརྗོད་དོ། །རང་བཞིན་ཆོས་ཀྱི་ཕྱག་རྒྱ་ནི། །ཆོས་ཀྱི་དབྱིངས་སུ་རྒྱལ་བས་གསུངས། །བསྒོམ་པ་མཚན་མའི་ཡིག་འབྲུ་དག །ལྕེ་སྟེང་སྙིང་ག་མཁའ་
D830.097.0311a05.01སོགས་སུ། །མཚན་མའི་རྣམ་པར་གསལ་བའོ། །རྩ་བ་བསྐྱེད་དང་བཟླས་པ་ཡིས། །སྙིང་པོ་ཚིག་བརྗོད་བཟླས་པའི་རྒྱ། །བཞི་པ་ལས་ཀྱི་ཕྱག་རྒྱ་ལ། །རྣམ་པ་གསུམ་དུ་དཔའ་བོས་གསུངས། །བསྒོམ་དང་འཕྲོ་འདུ་བཅིང་བའོ། །ལས་ཀྱི་ལྷ་ཡི་རྣལ་འབྱོར་
D830.097.0311a06.01གང་། །བསྒོམ་པ་སྒོམ་པ་ལས་ཀྱི་རྒྱ། །ལྟ་འོག་མཁའ་འམ་ཐུགས་ཀ་ནས། །རྣམ་བཞི་ལས་ཀྱི་འཕྲོ་འདུ་ནི། །འཕྲོ་འདུ་ལས་ཀྱི་ཕྱག་རྒྱའོ། །ཕྱག་རྒྱ་བཅའ་དང་སྟངས་ཚུལ་རྣམས། །བཅིང་བ་ལས་ཀྱི་ཕྱག་རྒྱ་བཤད། །ལག་རྒྱ་དམ་ཚིག་ཕྱག་
D830.097.0311a07.01